USOLWELO 15
15
1Mba namwene chilayi chikwo mwilu, chinene cha kukomwesa, angelo shimbiali kali ni lamba shimbiali, lie lamba lia kusula, mumu ufwatulo wa Zambi muumanunuka.
2Namwene ngwe Chitende cha katalilo chinge ni kahia; ni waze akumbile ngongo, ni kaponya kenyi, ni chize kanalula jina lienyi, kanamana ha Chitende cha katalilo, kali ni tulialia twa Zambi. 3O yemba mwaso wa Mose, ndungo ya Zambi, ni mwaso wa mwe Mwana-panga, ngwo,
Yitanga ye yinene ni ya ku komwesa,
Mwene Zambi ya Ndundo-Jeswe!
Majila je amwenemwene ni a ululi,
Mwanangana wa mavungu!
4Mwene, iya kechi kakuvwila woma, iya kechi kuchichimieka jina lie?
Mumu yena wika uli musandu;
mumu mavungu eswe kumakawayila kumeso je;
mumu yilinga ye ya ululi hanayisolola.
5Kulutwe lia yino yuma, namwene, ázulwile tembele ya mbalaka ya Shindakenyo mwilu. 6Ni angelo shimbiali waze apwile ni lamba shimbiali atuhukile mu tembele, kanazala linyu lipema lia kutemuka, kanalijichika ha tulo ni miya ya oru. 7Mba umwe wa kuli akwa mwono awana wahanyine kuli angelo shimbiali misenge shimbiali ya oru yinazala ni ufwatulo wa Zambi, yoze mukwa mwono ndo ku miaka yeswe ya mutolo. 8Ni tembele yazalile ni mwishi wa ku uhenya wa Zambi ni tachi jenyi; mba niumwe wahashile kunjila mu tembele, ndo lamba shimbiali lia angelo shimbiali mulimanunuka.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
USOLWELO 15: Csa
ಹೈಲೈಟ್ ಮಾಡಿ
ಕಾಪಿ
ತಾಳೆಮಾಡಿ
ಹಂಚಿಕೊಳ್ಳಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
Chokwe Bible © Bible Society in Angola, 1975.