A-HEPREU 8
8
1Achi, ha yuma yino tunambe, chikuma chahiana chino ngwetu, sasendote mukwa lutwe ngwe yono tuli nenyi, yoze hanatwama ku kwoko lia chindume lia ngunja ya Ulamba mu malilu, 2kavumbi ka muma musandu, ni ka mbalaka yamwenemwene yize Mwene watungile, hi atu ko. 3Mumu sasendote mukwa lutwe mweswe mamusela mukulambula yawana ni yitapo: kashika chatamba yono nawa kupwa ni chimwe cha kulambula. 4Mumu kachi mapwa hano hashi, kachi keshi kupwa sasendote nichimwe, se kwali waze akulambula yawana nikulita ni shimbi.
5(Waze akulingila chilweza ni Chizulie cha yuma ya mwilu, ngwe Zambi watumbile Mose, muze aputukile kutunga mbalaka: mumu kanambe ngwenyi, Tala ukatunge yuma yeswe nikulita ni cheseko chize hanakulweze ha mulundu.) 6Alioze haliapwila hanazuku uvumbiko wahiana, se iye chitakanyishi nawa cha usendo Wahiana, uze hanaukolesa ha yilakenyo yipema yahiana. 7Mumu kachi usendo utangu kuwapwile ni chitela, kachi kafupile haze manjishila usendo wamuchiali.
8Mumu nikutuma, kanambe kuli ayo ngwenyi,
Matangwa meza, chocho anambe Mwene ngwenyi,
muze mungukakwata usendo waha ni akwa zuwo lia Izalele, ni akwa zuwo lia Yunda.
9Kuushi kulita ni usendo uze nakwachile ni tulamba twenu
ha tangwa lize naakwachile ku kwoko mukwatwala haze lia chifuchi cha Engitu;
mumu kanyongonwene mu usendo wami,
kashika naahumbwile, chocho anambe Mwene ngwenyi,
10Mumu uno we usendo mungukakwata ni akwa zuwo lia Izalele
kulutwe lia matangwa aze, chocho anambe Mwene ngwenyi,
Mungukasa shimbi jami mu kunyonga cho,
ni ha mbunge jo nawa mungukajisoneka:
mungukapwa kuli ayo Zambi,
o kumakapwa kuli yami atu jami.
11O kechi kalongesa mweswe mwenyembo wenyi,
ni mweswe mwanakwo ngwenyi, Nyingika Mwene:
mumu eswe kumakangunyingika,
chize kuli mukepe ndo kuli munene wa kuli ayo.
12Mumu kumungwavwila keke ha uhenge wo,
ni milonga yo chichi kayiwuluka nawa ndo ku miaka ya mutolo.
13Se kanambe ngwenyi, Usendo waha, iye hanapwisa usendo utangu ukulu: aiioze uze unakutuka nikukukwoka unambe kuhwa.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
A-HEPREU 8: Csa
ಹೈಲೈಟ್ ಮಾಡಿ
ಕಾಪಿ
ತಾಳೆಮಾಡಿ
ಹಂಚಿಕೊಳ್ಳಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
Chokwe Bible © Bible Society in Angola, 1975.