A-HEPREU 6
6
1Kashika nikuhichika liji lia uputukilo lia Kristu, tusenyenu kulutwe ku ungunu; kanda tusela cheka nawa fundamentu ya kulikonyeka ku yitanga ya kufwa, ni Ufulielo kuli Zambi, 2ni ya longeso lia kusana, ni ya kusayika cha moko, ni ya Uhindukilo wa afu, ni ya upatwilo wa mutolo. 3Ni chino mutulinga nyi Zambi matayiza. 4Mumu ha kutwala kuli waze apangukile kamuwika, apanjikile chawana cha mwilu, aapwishile akwa kulianyina hali Spiritu Musandu, 5apanjikile liji lipema lia Zambi, ni yipupu ya mwaka uze muwizaho, 6nyi kulutwe mayehuka, kechi kuhasa kwahilwisa cheka nawa alikonyeke; se mahachila ha kulusu mwe Mwana Zambi cheka nawa; kakumukolesa sonyi kumeso ja atu eswe. 7Mumu mavu aze akunwa vula yoze wakwizaho kanji, kakwima yilimalima hali waze akwalimina, kakutambula uwape kuli Zambi. 8Alioze kachi mema mbimbo ni mazo-a-lunoka, kachi mapwa amokomoko, mapwa hakamwihi ni shingo; songo lio kuwema.
9Alioze tunakunuka yuma yipema yahiana yino ha kutwala kuli yenu, akwetu a zango, ni yuma ya kulikaula ni ulamwino, chipwe tunahanjika chocho. 10Mumu Zambi hi chihenge ko, akavulame milimo yenu ni zango lize nwalwezele ku jina lienyi, se nwavumbikile asandu, se nuchili ni kwavumbika. 11Tunazange ni mbunge yeswe mweswe wa kuli yenu akalweze kulipupwisa chimuwika, akasele chinyingi liakulu cha kutalatala ndo ku songo: 12hanga kunuchi kapwa yilenda, aiioze nukapwe akwa kwimbulula waze ku Ufulielo ni uhumikizo mahinga yilakenyo.
13Mumu Zambi muze alakenyene kuli Apalahama, se kapwile ni yoze munene wahiana kulishinga ni jina lienyi, walishingile ni jina lienyi mwene ngwenyi, 14Chamwenemwene, kuwahisa, kumungukakuwahisa, kwokesa kumungukakwokesa. 15Chocho se wanyongonwene ni uhumikizo, wazukile chilakenyo. 16Mumu atu chamwenemwene kakulishinga ni umwe Wahiana; ni shingo lia kukolesa liapwa songo lia kuhamika cheswe. 17Muze mwene Zambi nikuzanga kulweza kuhiana chikolo kuli maswana ja chilakenyo, ngwe upale wenyi kuushi kuhasa kwalumuka, wachikolesele ni shingo. 18Hanga ku yuma yiali kuyishi kuhasa kwalumuka, mu yino Zambi kechi kuhasa kuhanjika mahuza, tukapwe ni kulembejeka cha ngolo, yetu hitunachinyina kukwata ku kutalatala chize chili kulutwe lietu. 19Chino tuli nacho ngwe ankora ya mbunge, kuyajikiza, kuyakola nawa, se yanjila muze muchima lia chikalakala cha hina; 20muze Yesu, iye tetekeli, hanatunjilila, se iye kapwa sasendote mukwa lutwe ndo ku miaka ya mutolo nikulita ni ngango ya Melekizeteke.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
A-HEPREU 6: Csa
ಹೈಲೈಟ್ ಮಾಡಿ
ಕಾಪಿ
ತಾಳೆಮಾಡಿ
ಹಂಚಿಕೊಳ್ಳಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
Chokwe Bible © Bible Society in Angola, 1975.