2 A-KORINDU 2
2
1Alioze napatwile chino hali yami mwene, ngwami, Chichi keza cheka nawa kuli yenu ni chinyengo. 2Mumu kachi mungunuvwisa chinyengo, iya kevwe yoze manguvwisa chiseke, shina yoze namuvwishile chinyengo yami? 3Nasonekene chino chene, kuchina, muze mungwiza, manguvwisa chinyengo kuli waze chaatamba kunguvwisa kuwahilila; mba nikulikolela kuli yenu eswe ngwami, Uwahililo wami we uwahililo wa yenu eswe. 4Mumu mu luyinda munji ni kupinda cha mbunge, nasonekene kuli yenu ni masoji anji; chazangile nukevwe chinyengo, alioze hanga nukanyingike zango lize lia kulumbama nakunuzanga nalio.
5Alioze kachi umwe hanevwisa chinyengo, hanevwisa chinyengo hi yami ko, alioze yenu eswe hamwe hakehe (hanga chichi kulemena kuhiana naye). 6Kunahu kuli umwe ngwe yono upatwilo uno amuhelewo kuli anji; 7chocho Shinaho, Chanutamba kumukonekena ni kumulembejeka, kuchina hanji umwe ngwe yono mamushata ni yinyengo yinji naye. 8Kashika ngunaliumbu kuli yenu, nukakolese zango lienu kuli iye. 9Mumu ha chino nawa nasonekene, hanga ngukanyingike, ha kunweseka, kachi nwakwononoka ha yuma yeswe. 10Alioze yoze munumukonekena chuma chimwe, ni yami nawa mungumukonekena; mumu chize yami nawa hingunakonekena, kachi hingunamukonekenacho, hichapwa hali yenu, kumeso ja Kristu; 11hanga Satana kechi kutuhepwisa; mumu kutwalajalile ha yitaka yenyi.
12Achi, muze nahetele ku Troa mukwambujola sango lipema lia Kristu, muze angwazulwilile pito muli Mwene, 13chapwile ni uhwimino mu spiritu yami, mumu chawanyine ndumbwami Titu: alioze nikushika no, nakatukile, ngukaye ku Masendoniya.
14Alioze tusakwilenu kuli Zambi, yoze wakututwala funge mu kukumba cha Kristu, wakusolola ku mwono wetu vumba lia chinyingi cha iye muma mweswe. 15Mumu tuli lupembo mupema wa Kristu kuli Zambi muli waze anaalamwina, ni muli waze anatoko; 16kuli amwe vumba lia kufwa ndo ku kufwa; alioze kuli akwo vumba lia mwono ndo ku mwono. Yino yuma iya mayihasa? 17Mumu yetu kutwapwile ngwe anji, nikusepa liji lia Zambi: alioze ngwe akwa kutuwika ku mbunge, alioze ngwe a kuli Zambi, kumeso ja Zambi, twakuhanjika muli Kristu.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
2 A-KORINDU 2: Csa
ಹೈಲೈಟ್ ಮಾಡಿ
ಕಾಪಿ
ತಾಳೆಮಾಡಿ
ಹಂಚಿಕೊಳ್ಳಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
Chokwe Bible © Bible Society in Angola, 1975.