1 YOANO 1
1
1Yoze wapwile chize ku uputukilo, yoze Hitunamwivu, yoze hitunamumono ni meso jetu, yoze hitunamutale, ni moko jenu hitunamuvwavwata, ha kutwala ku liji lia mwono, 2(hanasolola mwono, mba hitunamono, twakushindakenya, tunanwambulwila mwono wa mutolo, yoze wapwile hamwe ni mwe Tata, hanamusolola kuli yetu); 3yoze hitunamumono, Hitunamwivu, tunanwambulwilaye, hanga ni yenu nawa nukalikunde hamwe ni yetu; ni kulikunda chetu chamwenemwene chili hamwe ni mwe Tata, ni hamwe ni Mwanenyi Yesu Kristu: 4Yino yuma tunasoneka, hanga uwahililo wenu ukazale tò.
5Lino lie liji twevwile kuli iye, tunanwambulwilalio, ngwo, Zambi iye pangu, muli iye milima yakuhi niyimwe. 6Kachi mutwamba ngwetu, Tunalikundu nenyi, hindu mutwenda mu milima, kachi mutuhanjika mahuza, kutushi kulinga umwenemwene. 7Alioze kachi mutwenda mu pangu ngwe iye uli mu pangu, kachi mutulikunda umwe ni mukwo ni mukwo, ni manyinga a Yesu Mwanenyi kakutupemesa ku shili yeswe. 8Kachi mutwamba ngwetu, Kutushi shili, kachi tunaliongo, ni umwenemwene kuushimo muli yetu. 9Kachi mutushikisa milonga yetu, kachi iye wamwenemwene, iye mukwa ululi kutukonekena milonga yetu, ni kutupemesa ku uhenge weswe. 10Kachi mutwamba ngwetu, Kutwavulumwine, kachi mutumupwisa mukwa mahuza, ni liji lienyi kulishimo muli yetu.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
1 YOANO 1: Csa
ಹೈಲೈಟ್ ಮಾಡಿ
ಕಾಪಿ
ತಾಳೆಮಾಡಿ
ಹಂಚಿಕೊಳ್ಳಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
Chokwe Bible © Bible Society in Angola, 1975.