Ezekieli 39
39
Boo kɔsɔ mɛn nə n da Gɔgu wɔ paǹ li
1Minbuiin a nɛ, maa boo kɛ da Gɔgu wɔ paǹ li, n pɛ mà masɛ Dɛnaa Lawa n kɛ pii: «Mesɛki tɔrɔn laanka Tubaali tɔrɔn nyɛɛnaandɛnaa gole Gɔgu, ma á die n gialaa. 2Ma á re n boe gɔsɛ a lɛ̀gɔn la gɔ́ɔ̃ li ma n baã ma soo n ne, n zia baa Izirayeli a kele yii bǎãn kɛn ganaa. 3Ma á re n dii, yǎa n nə n gɔsɛ a gɔn kɛ boe n sa kɛ ganaa n daɛ. Ma á re n kiɛn kɛn gɔsiɛ n gusin a gɔn ma ǹ kaa. 4N din ni, n sɔraasin ni ka zaman mɛn tumaa dɔ bɛ kunun n ni, ka tumaa á re giɛ̃ Izirayeli a kelen kɛn la. Ma á re n gere koe zèwon la, bàan mɛn tumaa bɛ́ siĩ mui, ka don màn babaraan tumaa nɛ. 5N tá re giɛ̃ don. Ma din Dɛnaa Lawa n má pɛ, ma din a da ǹ boo ne. 6Ma á re tɛ kiɛ Magɔgu gána kɛ laanka tà lɛ-a minin kɛn la, ǹ mɛnɛn bɛ́ taasɛ, mà ǹsɛn tá là nyantoro la. Ǹ tá re doɛ̃ bɛa biikoo li, mà masɛ din nə Dɛnaa Lawa lɛa. 7Ma á re ma tɔ a sonborebaa kɛ nyɛɛ maa minin Izirayeli tɔrɔn kɛn bii. Ma a re toɛ ǹ ma tɔ sonbore kɛ ziziɛ̃ doo wa. Bɛa biikoo li kəni, tɔrɔ kɔsɔn tá re doɛ̃, mà ma din nə Dɛnaa Lawa sonbore lɛa, Izirayeli gána nɛ. 8Á ke, ma lɛawaa mɛn boo da, á die, á dɔ á nya. Ma din Dɛnaa Lawa a da ǹ boo ne. 9Izirayeli tɔrɔn lɛn kiwi minin tá re soe, ǹ ziabaa ǹ mànan kaa kɔn la, ǹ tɛ da ǹ ganaa: goóro bɔnboɛɛnɛn laanka a dadaran nɛ, san laanka kiɛn nɛ, bàbàlan laanka dɔ̀rɔ̀n nɛ. Ǹ tá re tɛ koa ǹ màn yii yǎa lɛ̀ sɔbaa. 10Ǹ laadoo ba re doe a ganaa ǹ wo gɔn yɔ don wa, ǹ ba re da kuri daã-n wa. A giala, maǹ die tɛ koɛ ka ziabaa ǹ mànan kɛn lɛn nɛ. Min mɛnɛn nə ǹ mànan goa, ǹ tá re bɛn wɔn goɛ, min mɛnɛn nə ǹ mànan si ǹ la, ǹ tá re bɛn wɔn sii ǹ la. Ma din Dɛnaa Lawa a da ǹ boo ne.
11«Bɛa biikoo li kəni, ma á re bǎã boe ma koa Gɔgu a bĩ ǹ bǎã lɛa, ǹ die ǹ na a yala fɔ̃ walan Izirayeli gána nɛ, kiɛ̃ wolen nyankɔrɔ basa kɛ nɛ, yìsi mu gole kɛ a lɛ̀giala gɔn la. A bĩ ǹ bǎã lɛ á re kiɛ̃ wolen kurii kiɛ̃ ganaa. Ǹ tá re Gɔgu laanka a sɔraasin tumaa biĩ walan, ǹ bɛa bǎã lɛ bii mà "Gɔgu a zaman a nyankɔrɔ basa". 12Izirayeli tɔrɔn lɛn tá re ǹ gere biĩ mui sɔbaa gɔ́ɔ̃ nɛ, màn mɛn bɛ́ toɛ, ǹ *gɔ̀ bɔ ǹ bɔ gána lɛ ganaa. 13Zaman lɛ tumaa á re ǹ gere biĩ. Bɛ̀ masɛ maa gugurubaa nyaa ǹ mɛn pinaa, ǹ tumaa foo á re kɔɔ̃n koe. Ma din Dɛnaa Lawa a da ǹ boo ne. 14Ǹ tá re minin boe ǹ nə ǹ koa a tɔ-a, bɛ̀ mui sɔbaa lɛ kiɛ̃, bɛn nə n bibiə̃ gána lɛ nɛ duduu, geren mɛnɛn bɛ́ tɔn tán, ǹ bɛn goa ǹ nə ǹ bĩ, ǹ gɔ̀ bɔ ǹ bɔ gána lɛ ganaa. 15Bɛn man die n bibiĩ gána lɛ nɛ ǹ dí lɛa, bɛ̀ ǹ nə́ minbuiin nɛ we yɛ tán, ǹ tii da kɔn la a gienli, màn mɛn bɛ́ toɛ yala-fɔ̃lin lɛn nə yɛ ǹ saa, ǹ bĩ "Gɔgu a zaman a nyankɔrɔ basa" kɛ nɛ. 16Kiwi goon tá re yii dinin ǹ na a tɔ kɔ "zaman". Gɔ̀ á re n boe a n bɔ gána lɛ ganaa ka bɛa yɔrɔ lɛ nɛ.»
17 #
SNS 19.17-18. Dɛnaa Lawa wusoo á pɛ ma nɛ: – Minbuiin a nɛ, n too kɔ: «A pɛ bàanan manɛ, màn mɛn tumaa bɛ́ piɛ̃ lon, ka don mànan tumaa nɛ, mà ǹ bɔ bǎã tumaa nɛ ǹ da n lɛ sɔkɔn, *wúlu màn kɛa lɛa ma ń die koe ǹ la, ma bɛ́ re wúlu gole mɛn boe Izirayeli kelen kɛn la. Ǹ tá re siĩ yii walan ǹ baa màn-bii lɛa, ǹ minbuiin nɛ mà mi. 18Ǹ tá re sɛ̀mɔɔn kɛn siĩ soɛ̃, ǹ kanaa a nyɛɛnaandɛnan kɛn mà mi. Maǹ die goɛ̃ ka sère gɔ̀lɔ̀n bɛ́ lɔn, sère tenən ne, butumun laanka dii gɔ̀lɔ̀n nɛ, ǹ tumaa n ka Basan a tɔɔ nyɔɔnaan kɛn bɛ́ lɔn, bɛ̀ ǹ wúlu bɔ ǹ nɛ. 19Ma nə ǹ bíi, ma á bɛa wúlu màn kɛ lɛ koe ǹ la. Ǹ tá re siĩ nyɔɔ soɛ̃ ǹ kã, ǹ mà mi, a n tɔ ǹ nɛ. 20Màn bii ǹ bǎã lɛ nɛ, ǹ tá re n dinin toe ka sùin laanka ǹ da baa-a wolen siĩ ni, ka sɔraasin kɛn tumaa siĩ ni. Ma din Dɛnaa Lawa a da ǹ boo ne.
21«Ma á re ma din a gugurubaa kɛ nyɛɛ tɔrɔn bii. Ma bɛ́ re dɔlɔ mɛn boe tɔrɔn lɛn ganaa man din pàã nyaa nɛ, ǹ tumaa á re bɛ yii. 22A kũ bɛa pinaa kɛ lɛ ganaa kəni a woo, Izirayeli tɔrɔn lɛn tá re doɛ̃ mà ma din nə Dɛnaa Lawa lɛa.
23«Tɔrɔ kɔsɔn tá re doɛ̃, mà Izirayeli tɔrɔn lɛn sii baraa na á toa, ǹ nə́ woo bɛ̀rɛbaa ǹ bǎã nɛ, a giala, ǹ nə́ ma bɔlɔ tii. Bɛ lɛ na á toa má n yɔrɔ bɔyaa má bɔ ǹ la, má ǹ wɔ ǹ zɔ́ɔn gɔn, ǹ nə́ ǹ tumaa dɛ zia la. 24Bɛ̀ ń yaa má n yɔrɔ bɔyaa má bɔ ǹ la, ǹ gɔgɔrɛbaa ǹ siin lɛn laanka ǹ piã ǹ siin lɛn manɛ má ǹ kũ li.» 25Sɛnɛ, masɛ Dɛnaa Lawa n kɛ pii: «A kũ sisia ganaa, ma á re makara boe Izirayeli minin ganaa, kɛn Zakɔba tɔrɔn lɛa. Ǹ bɛ́ sii mɛn gɔ́ɔ̃ nɛ, ma á re ǹ wɛɛ ma ǹ bɔ bɛ nɛ. Ma a re toɛ min ma tɔ sonbore kɛ puusə kɔ doo wa. 26Ǹ sii baraa mɛn tumaa zɛnaa ma nɛ, ma sìi mɛn da ǹ ganaa bɛ taman yii, ǹ yiri á die boe ka bɛa sìi lɛ nɛ. Ǹ tá re wusii ǹ giã ǹ gána lɛ nɛ ka là nyantoro ne, min kɔn ná a re yii a nyɛ́ɛ da ǹ ganaa wa. 27Bɛ̀ má ǹ waa má ǹ bɔ tɔrɔ kɔsɔn bii, ma á re ǹ soekɔn, ǹ wɔlɔ ń lui ni ǹ zɔ́ɔn kɛn ganaa. Ma á re sii zɛnɛɛ ǹ nɛ tɔrɔ kɔsɔ damata kɛn yii ni, ma ma din a Lawa taãnbaa kɛ nyaa ǹ nɛ. 28Ǹ tá re doɛ̃ bɛa biikoo li kəni, mà ma din nə Dɛnaa, ǹ Lawa lɛa. A laanɛ má ǹ goa má woo ǹ ne tɔrɔ kɔsɔn li, ma á re wusii ma ǹ sɔkɔn ǹ dinin tán la. Ma a re ǹ kɔn din toɛ walan doo wa. 29Ma á re ma din Yiri kɛ koe Izirayeli tɔrɔn la, ma a re n yɔrɔ bɔyɛɛ ma bɔ ǹ la doo wa. Ma din Dɛnaa Lawa a da ǹ boo ne.»
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Ezekieli 39: SCE2013
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
San Catholic Edition Bible © Bible Society of Burkina Faso, 2013.
Ezekieli 39
39
Boo kɔsɔ mɛn nə n da Gɔgu wɔ paǹ li
1Minbuiin a nɛ, maa boo kɛ da Gɔgu wɔ paǹ li, n pɛ mà masɛ Dɛnaa Lawa n kɛ pii: «Mesɛki tɔrɔn laanka Tubaali tɔrɔn nyɛɛnaandɛnaa gole Gɔgu, ma á die n gialaa. 2Ma á re n boe gɔsɛ a lɛ̀gɔn la gɔ́ɔ̃ li ma n baã ma soo n ne, n zia baa Izirayeli a kele yii bǎãn kɛn ganaa. 3Ma á re n dii, yǎa n nə n gɔsɛ a gɔn kɛ boe n sa kɛ ganaa n daɛ. Ma á re n kiɛn kɛn gɔsiɛ n gusin a gɔn ma ǹ kaa. 4N din ni, n sɔraasin ni ka zaman mɛn tumaa dɔ bɛ kunun n ni, ka tumaa á re giɛ̃ Izirayeli a kelen kɛn la. Ma á re n gere koe zèwon la, bàan mɛn tumaa bɛ́ siĩ mui, ka don màn babaraan tumaa nɛ. 5N tá re giɛ̃ don. Ma din Dɛnaa Lawa n má pɛ, ma din a da ǹ boo ne. 6Ma á re tɛ kiɛ Magɔgu gána kɛ laanka tà lɛ-a minin kɛn la, ǹ mɛnɛn bɛ́ taasɛ, mà ǹsɛn tá là nyantoro la. Ǹ tá re doɛ̃ bɛa biikoo li, mà masɛ din nə Dɛnaa Lawa lɛa. 7Ma á re ma tɔ a sonborebaa kɛ nyɛɛ maa minin Izirayeli tɔrɔn kɛn bii. Ma a re toɛ ǹ ma tɔ sonbore kɛ ziziɛ̃ doo wa. Bɛa biikoo li kəni, tɔrɔ kɔsɔn tá re doɛ̃, mà ma din nə Dɛnaa Lawa sonbore lɛa, Izirayeli gána nɛ. 8Á ke, ma lɛawaa mɛn boo da, á die, á dɔ á nya. Ma din Dɛnaa Lawa a da ǹ boo ne. 9Izirayeli tɔrɔn lɛn kiwi minin tá re soe, ǹ ziabaa ǹ mànan kaa kɔn la, ǹ tɛ da ǹ ganaa: goóro bɔnboɛɛnɛn laanka a dadaran nɛ, san laanka kiɛn nɛ, bàbàlan laanka dɔ̀rɔ̀n nɛ. Ǹ tá re tɛ koa ǹ màn yii yǎa lɛ̀ sɔbaa. 10Ǹ laadoo ba re doe a ganaa ǹ wo gɔn yɔ don wa, ǹ ba re da kuri daã-n wa. A giala, maǹ die tɛ koɛ ka ziabaa ǹ mànan kɛn lɛn nɛ. Min mɛnɛn nə ǹ mànan goa, ǹ tá re bɛn wɔn goɛ, min mɛnɛn nə ǹ mànan si ǹ la, ǹ tá re bɛn wɔn sii ǹ la. Ma din Dɛnaa Lawa a da ǹ boo ne.
11«Bɛa biikoo li kəni, ma á re bǎã boe ma koa Gɔgu a bĩ ǹ bǎã lɛa, ǹ die ǹ na a yala fɔ̃ walan Izirayeli gána nɛ, kiɛ̃ wolen nyankɔrɔ basa kɛ nɛ, yìsi mu gole kɛ a lɛ̀giala gɔn la. A bĩ ǹ bǎã lɛ á re kiɛ̃ wolen kurii kiɛ̃ ganaa. Ǹ tá re Gɔgu laanka a sɔraasin tumaa biĩ walan, ǹ bɛa bǎã lɛ bii mà "Gɔgu a zaman a nyankɔrɔ basa". 12Izirayeli tɔrɔn lɛn tá re ǹ gere biĩ mui sɔbaa gɔ́ɔ̃ nɛ, màn mɛn bɛ́ toɛ, ǹ *gɔ̀ bɔ ǹ bɔ gána lɛ ganaa. 13Zaman lɛ tumaa á re ǹ gere biĩ. Bɛ̀ masɛ maa gugurubaa nyaa ǹ mɛn pinaa, ǹ tumaa foo á re kɔɔ̃n koe. Ma din Dɛnaa Lawa a da ǹ boo ne. 14Ǹ tá re minin boe ǹ nə ǹ koa a tɔ-a, bɛ̀ mui sɔbaa lɛ kiɛ̃, bɛn nə n bibiə̃ gána lɛ nɛ duduu, geren mɛnɛn bɛ́ tɔn tán, ǹ bɛn goa ǹ nə ǹ bĩ, ǹ gɔ̀ bɔ ǹ bɔ gána lɛ ganaa. 15Bɛn man die n bibiĩ gána lɛ nɛ ǹ dí lɛa, bɛ̀ ǹ nə́ minbuiin nɛ we yɛ tán, ǹ tii da kɔn la a gienli, màn mɛn bɛ́ toɛ yala-fɔ̃lin lɛn nə yɛ ǹ saa, ǹ bĩ "Gɔgu a zaman a nyankɔrɔ basa" kɛ nɛ. 16Kiwi goon tá re yii dinin ǹ na a tɔ kɔ "zaman". Gɔ̀ á re n boe a n bɔ gána lɛ ganaa ka bɛa yɔrɔ lɛ nɛ.»
17 #
SNS 19.17-18. Dɛnaa Lawa wusoo á pɛ ma nɛ: – Minbuiin a nɛ, n too kɔ: «A pɛ bàanan manɛ, màn mɛn tumaa bɛ́ piɛ̃ lon, ka don mànan tumaa nɛ, mà ǹ bɔ bǎã tumaa nɛ ǹ da n lɛ sɔkɔn, *wúlu màn kɛa lɛa ma ń die koe ǹ la, ma bɛ́ re wúlu gole mɛn boe Izirayeli kelen kɛn la. Ǹ tá re siĩ yii walan ǹ baa màn-bii lɛa, ǹ minbuiin nɛ mà mi. 18Ǹ tá re sɛ̀mɔɔn kɛn siĩ soɛ̃, ǹ kanaa a nyɛɛnaandɛnan kɛn mà mi. Maǹ die goɛ̃ ka sère gɔ̀lɔ̀n bɛ́ lɔn, sère tenən ne, butumun laanka dii gɔ̀lɔ̀n nɛ, ǹ tumaa n ka Basan a tɔɔ nyɔɔnaan kɛn bɛ́ lɔn, bɛ̀ ǹ wúlu bɔ ǹ nɛ. 19Ma nə ǹ bíi, ma á bɛa wúlu màn kɛ lɛ koe ǹ la. Ǹ tá re siĩ nyɔɔ soɛ̃ ǹ kã, ǹ mà mi, a n tɔ ǹ nɛ. 20Màn bii ǹ bǎã lɛ nɛ, ǹ tá re n dinin toe ka sùin laanka ǹ da baa-a wolen siĩ ni, ka sɔraasin kɛn tumaa siĩ ni. Ma din Dɛnaa Lawa a da ǹ boo ne.
21«Ma á re ma din a gugurubaa kɛ nyɛɛ tɔrɔn bii. Ma bɛ́ re dɔlɔ mɛn boe tɔrɔn lɛn ganaa man din pàã nyaa nɛ, ǹ tumaa á re bɛ yii. 22A kũ bɛa pinaa kɛ lɛ ganaa kəni a woo, Izirayeli tɔrɔn lɛn tá re doɛ̃ mà ma din nə Dɛnaa Lawa lɛa.
23«Tɔrɔ kɔsɔn tá re doɛ̃, mà Izirayeli tɔrɔn lɛn sii baraa na á toa, ǹ nə́ woo bɛ̀rɛbaa ǹ bǎã nɛ, a giala, ǹ nə́ ma bɔlɔ tii. Bɛ lɛ na á toa má n yɔrɔ bɔyaa má bɔ ǹ la, má ǹ wɔ ǹ zɔ́ɔn gɔn, ǹ nə́ ǹ tumaa dɛ zia la. 24Bɛ̀ ń yaa má n yɔrɔ bɔyaa má bɔ ǹ la, ǹ gɔgɔrɛbaa ǹ siin lɛn laanka ǹ piã ǹ siin lɛn manɛ má ǹ kũ li.» 25Sɛnɛ, masɛ Dɛnaa Lawa n kɛ pii: «A kũ sisia ganaa, ma á re makara boe Izirayeli minin ganaa, kɛn Zakɔba tɔrɔn lɛa. Ǹ bɛ́ sii mɛn gɔ́ɔ̃ nɛ, ma á re ǹ wɛɛ ma ǹ bɔ bɛ nɛ. Ma a re toɛ min ma tɔ sonbore kɛ puusə kɔ doo wa. 26Ǹ sii baraa mɛn tumaa zɛnaa ma nɛ, ma sìi mɛn da ǹ ganaa bɛ taman yii, ǹ yiri á die boe ka bɛa sìi lɛ nɛ. Ǹ tá re wusii ǹ giã ǹ gána lɛ nɛ ka là nyantoro ne, min kɔn ná a re yii a nyɛ́ɛ da ǹ ganaa wa. 27Bɛ̀ má ǹ waa má ǹ bɔ tɔrɔ kɔsɔn bii, ma á re ǹ soekɔn, ǹ wɔlɔ ń lui ni ǹ zɔ́ɔn kɛn ganaa. Ma á re sii zɛnɛɛ ǹ nɛ tɔrɔ kɔsɔ damata kɛn yii ni, ma ma din a Lawa taãnbaa kɛ nyaa ǹ nɛ. 28Ǹ tá re doɛ̃ bɛa biikoo li kəni, mà ma din nə Dɛnaa, ǹ Lawa lɛa. A laanɛ má ǹ goa má woo ǹ ne tɔrɔ kɔsɔn li, ma á re wusii ma ǹ sɔkɔn ǹ dinin tán la. Ma a re ǹ kɔn din toɛ walan doo wa. 29Ma á re ma din Yiri kɛ koe Izirayeli tɔrɔn la, ma a re n yɔrɔ bɔyɛɛ ma bɔ ǹ la doo wa. Ma din Dɛnaa Lawa a da ǹ boo ne.»
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
:
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
San Catholic Edition Bible © Bible Society of Burkina Faso, 2013.