Ezekieli 31
31
Boo giməə mɛn nə n da Liban da kaka wɔ paǹ li
1Izirayeli minin goa lɛ a lɛ̀ fulugoonbaa ǹ wɔ, a mui sɔɔbaa ǹ wɔ a lɛawaa bibinaa pinaa, Dɛnaa Lawa boo da ma nɛ á pɛ: 2«Minbuiin a nɛ, kɛ pɛ Eziptin kii *Faarahɔn laanka a zaman nɛ:
N pàã a golebaa ke,
man die zoɛ̃ kɔn ka wàa nɛ?
3Á ke Asiirii na á goã ka Liban
da kaka kɛ bɛ́ lɔn,
A gùrùn nə́ siĩni,
luu lɛa ka kɛkɛ,
a wúlu ná a tan.
A na á goã sasa taãn-taãnɛ,
a mìi la woo n doa labaran ganaa.
4Mu na á toa á gole kɔ,
tán giulun mu na á toa á sasa kɔ.
A bɛ́ zumii-n bǎã mɛn nɛ,
a mu lɛ n baa sii á n bɛ lɛnpɛnɛ.
A na a mu ziin lɛn yɔrɔ diɛ dan
kɛn tumaa la don.
5Bɛ lɛ na á toa,
á sasa kɔ á la da gialakunun
kɛn tumaa nɛ.
A bɛ́ yui tán,
a gùrù tenən nə́ mɔnaa,
a gùrùn nə́ sɔsɔrɔ kɔ,
mu gigiã lɛ taman yii.
6Bàanan tumaa na á goã kii doe
a gùrùn la,
don siĩn tumaa na á goã nɛ yii
a din lɛ giulun,
tɔrɔ tumaa a zaman na á goã giɛ̃
a din lɛ a wúlu li.
7A sasabaa lɛ taman yii,
a gùrùn kɛn dadarabaa taman yii,
a na á goã siĩni,
a giala, a gòonən man nə́ goã
woe yǎa mu gole ganaa.
8 #
SGK 2.9. Lawa a dù gɔrɔ kɛ nɛ,
da kaka kɛ kɔn dɔ li wa.
Siprɛsi da kɛ kɔn ba n zoɛ̃
a gùrù tenən ganaa wa,
gɔ́rɔ da kɔn gùrùn ba n zoɛ̃
a gùrùn ganaa wa,
da kɔn din ba n zoɛ̃
a ganaa ka siĩnbaa nɛ,
Lawa a dù gɔrɔ kɛ-n wa.
9Man má goã má a gùrùn mɔnaa,
má siĩnbaa kɔ la nɛ.
Edɛn dù gɔrɔ a dan lɛn tumaa,
ǹ mɛnɛn nə goã Lawa a dù gɔrɔ
lɛ nɛ,
bɛn yii na á goã boe li.»
Eziptin kii n die yiɛ
10Bɛ́ lɛ na á toa masɛ Dɛnaa Lawa á kɛ pii kii wɔ paǹ li: «Da kaka lɛ bɛ́ á gole kɔ, a mìi la woo n doa labaran ganaa bɛ lɛ na á toa din gole kɔ wɔ a foo ne. 11Bɛ lɛ n ke má loo má wɔ tɔrɔn tumaa a kii kɛ gɔn, màn mɛn bɛ́ toɛ a baraabaa mɛn zɛnaa, kii lɛ bɛ dòo bɔ a ganaa.
12«Tiin mɛnɛn bɛ́ ǹ kakaarɛbaa la tɔrɔn tumaa wɔ nɛ, bɛn nə́ kuru ǹ nə́ daa, ǹ nə́ kiɛ̃ ǹ nə́ toa tán. A gùrùn nə́ mɛnaa tentenen la, ka nyankɔrɔ basan tumaa nɛ, ǹ nə́ yiyiɛ ǹ nə́ kakaa tà gòãn tumaa nɛ. Kanaa a tɔrɔn tumaa kiɛ̃ ǹ nə́ n bɔ a wúlu li, ǹ nə́ toa tán. 13Bàanan tumaa na á goã die miɛ̃ da gere lɛ la tán, don siĩn tumaa na á goã die wɛɛ tán a gùrùn lɛn bii.
14«Bɛ na á n zɛnaa, màn mɛn bɛ́ toɛ, da mɛn bɛ́ ǹ nə́ mu kiɛ a ganaa á n boe, bɛ baran n din saa lon, ka a mìi la daa a dɔ labaran ganaa wa. Ka bɛ dɔ nɛ, ta mu na á la a yii ni, a baran n saa din gole kɔ li, a n din soɛ kɔ ǹ miãn man wa. A giala, dan nɛ ka minbuiinin ni, ǹ tumaa n die giɛ̃, ǹ tumaa n die woe tán giulun, minbuiinin woo ǹ bǎã kɛ nɛ yala-n.»
15Masɛ Dɛnaa Lawa a da ǹ boo á ke: «Da kaka lɛ bɛ́ re woe geren piɛ ǹ mɛn pinaa, don tumaa ná a gɛ̀ koa. A din taman yii, má pìi kɔ nyankɔrɔ gole kɛ lɛ tán giulun, má a tàn kɛn mu kurəə, ma mu gole lɛ kũ má gole ne. A din lɛ a lɛa nɛ, má toa wɔlɔ tii Liban kele kɛ la, a din lɛ dɔ a lɛa nɛ, masɛ toa da tumaa gã don. 16Man má toa da lɛ mɛnaa, màn mɛn bɛ́ toɛ, a wo kun ka ǹ miãn nɛ geren piɛ. Tɔrɔ kɔsɔn ná a mɛnaa wuu ma, ǹ gɔ̀nɔn bìn da nyɛ́ɛ gɔn. Edɛn dù gɔrɔ a dan kɛn, Liban dan kɛn mɛnɛn siĩnbaa bɛ́ á goã á la ǹ miãn wɔ nɛ, ǹ nə́ mu yii sɔnbɔraanɛ, bɛn tumaa foo á re basɛ̃ da lɛ a mɛnaa gɔ́ɔ̃ nɛ. 17Tɔrɔn mɛnɛn lɛ nə goã giɛ̃ a wúlu li, ǹ nə́ n doe lɛ, bɛn lɛn dɔn man die woe kun ni geren piɛ, ǹ wo minin kɛn yaa ǹ nə́ ǹ dɛ zia la. 18Edɛn dù gɔrɔ a dan kɛn mɛn nə n zoɛ̃ n ganaa ka siĩnbaa laanka golebaa nɛ? Sɛnɛ, ǹ nə́ ke ǹ nə́ n dɔ gisĩ, ǹ nə́ n da tii li kunun ǹ ni. N tá re wɛɛ tán soroman kɛn bii, n min mɛnɛn lɛn kakã ka gɔya nɛ. Sii mɛn bɛ́ re Faarahɔn laanka a zaman tumaa yii, a din lɛ n ka kɛ nɛ. Ma din Dɛnaa Lawa a da ǹ boo ne.»
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Ezekieli 31: SCE2013
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
San Catholic Edition Bible © Bible Society of Burkina Faso, 2013.
Ezekieli 31
31
Boo giməə mɛn nə n da Liban da kaka wɔ paǹ li
1Izirayeli minin goa lɛ a lɛ̀ fulugoonbaa ǹ wɔ, a mui sɔɔbaa ǹ wɔ a lɛawaa bibinaa pinaa, Dɛnaa Lawa boo da ma nɛ á pɛ: 2«Minbuiin a nɛ, kɛ pɛ Eziptin kii *Faarahɔn laanka a zaman nɛ:
N pàã a golebaa ke,
man die zoɛ̃ kɔn ka wàa nɛ?
3Á ke Asiirii na á goã ka Liban
da kaka kɛ bɛ́ lɔn,
A gùrùn nə́ siĩni,
luu lɛa ka kɛkɛ,
a wúlu ná a tan.
A na á goã sasa taãn-taãnɛ,
a mìi la woo n doa labaran ganaa.
4Mu na á toa á gole kɔ,
tán giulun mu na á toa á sasa kɔ.
A bɛ́ zumii-n bǎã mɛn nɛ,
a mu lɛ n baa sii á n bɛ lɛnpɛnɛ.
A na a mu ziin lɛn yɔrɔ diɛ dan
kɛn tumaa la don.
5Bɛ lɛ na á toa,
á sasa kɔ á la da gialakunun
kɛn tumaa nɛ.
A bɛ́ yui tán,
a gùrù tenən nə́ mɔnaa,
a gùrùn nə́ sɔsɔrɔ kɔ,
mu gigiã lɛ taman yii.
6Bàanan tumaa na á goã kii doe
a gùrùn la,
don siĩn tumaa na á goã nɛ yii
a din lɛ giulun,
tɔrɔ tumaa a zaman na á goã giɛ̃
a din lɛ a wúlu li.
7A sasabaa lɛ taman yii,
a gùrùn kɛn dadarabaa taman yii,
a na á goã siĩni,
a giala, a gòonən man nə́ goã
woe yǎa mu gole ganaa.
8 #
SGK 2.9. Lawa a dù gɔrɔ kɛ nɛ,
da kaka kɛ kɔn dɔ li wa.
Siprɛsi da kɛ kɔn ba n zoɛ̃
a gùrù tenən ganaa wa,
gɔ́rɔ da kɔn gùrùn ba n zoɛ̃
a gùrùn ganaa wa,
da kɔn din ba n zoɛ̃
a ganaa ka siĩnbaa nɛ,
Lawa a dù gɔrɔ kɛ-n wa.
9Man má goã má a gùrùn mɔnaa,
má siĩnbaa kɔ la nɛ.
Edɛn dù gɔrɔ a dan lɛn tumaa,
ǹ mɛnɛn nə goã Lawa a dù gɔrɔ
lɛ nɛ,
bɛn yii na á goã boe li.»
Eziptin kii n die yiɛ
10Bɛ́ lɛ na á toa masɛ Dɛnaa Lawa á kɛ pii kii wɔ paǹ li: «Da kaka lɛ bɛ́ á gole kɔ, a mìi la woo n doa labaran ganaa bɛ lɛ na á toa din gole kɔ wɔ a foo ne. 11Bɛ lɛ n ke má loo má wɔ tɔrɔn tumaa a kii kɛ gɔn, màn mɛn bɛ́ toɛ a baraabaa mɛn zɛnaa, kii lɛ bɛ dòo bɔ a ganaa.
12«Tiin mɛnɛn bɛ́ ǹ kakaarɛbaa la tɔrɔn tumaa wɔ nɛ, bɛn nə́ kuru ǹ nə́ daa, ǹ nə́ kiɛ̃ ǹ nə́ toa tán. A gùrùn nə́ mɛnaa tentenen la, ka nyankɔrɔ basan tumaa nɛ, ǹ nə́ yiyiɛ ǹ nə́ kakaa tà gòãn tumaa nɛ. Kanaa a tɔrɔn tumaa kiɛ̃ ǹ nə́ n bɔ a wúlu li, ǹ nə́ toa tán. 13Bàanan tumaa na á goã die miɛ̃ da gere lɛ la tán, don siĩn tumaa na á goã die wɛɛ tán a gùrùn lɛn bii.
14«Bɛ na á n zɛnaa, màn mɛn bɛ́ toɛ, da mɛn bɛ́ ǹ nə́ mu kiɛ a ganaa á n boe, bɛ baran n din saa lon, ka a mìi la daa a dɔ labaran ganaa wa. Ka bɛ dɔ nɛ, ta mu na á la a yii ni, a baran n saa din gole kɔ li, a n din soɛ kɔ ǹ miãn man wa. A giala, dan nɛ ka minbuiinin ni, ǹ tumaa n die giɛ̃, ǹ tumaa n die woe tán giulun, minbuiinin woo ǹ bǎã kɛ nɛ yala-n.»
15Masɛ Dɛnaa Lawa a da ǹ boo á ke: «Da kaka lɛ bɛ́ re woe geren piɛ ǹ mɛn pinaa, don tumaa ná a gɛ̀ koa. A din taman yii, má pìi kɔ nyankɔrɔ gole kɛ lɛ tán giulun, má a tàn kɛn mu kurəə, ma mu gole lɛ kũ má gole ne. A din lɛ a lɛa nɛ, má toa wɔlɔ tii Liban kele kɛ la, a din lɛ dɔ a lɛa nɛ, masɛ toa da tumaa gã don. 16Man má toa da lɛ mɛnaa, màn mɛn bɛ́ toɛ, a wo kun ka ǹ miãn nɛ geren piɛ. Tɔrɔ kɔsɔn ná a mɛnaa wuu ma, ǹ gɔ̀nɔn bìn da nyɛ́ɛ gɔn. Edɛn dù gɔrɔ a dan kɛn, Liban dan kɛn mɛnɛn siĩnbaa bɛ́ á goã á la ǹ miãn wɔ nɛ, ǹ nə́ mu yii sɔnbɔraanɛ, bɛn tumaa foo á re basɛ̃ da lɛ a mɛnaa gɔ́ɔ̃ nɛ. 17Tɔrɔn mɛnɛn lɛ nə goã giɛ̃ a wúlu li, ǹ nə́ n doe lɛ, bɛn lɛn dɔn man die woe kun ni geren piɛ, ǹ wo minin kɛn yaa ǹ nə́ ǹ dɛ zia la. 18Edɛn dù gɔrɔ a dan kɛn mɛn nə n zoɛ̃ n ganaa ka siĩnbaa laanka golebaa nɛ? Sɛnɛ, ǹ nə́ ke ǹ nə́ n dɔ gisĩ, ǹ nə́ n da tii li kunun ǹ ni. N tá re wɛɛ tán soroman kɛn bii, n min mɛnɛn lɛn kakã ka gɔya nɛ. Sii mɛn bɛ́ re Faarahɔn laanka a zaman tumaa yii, a din lɛ n ka kɛ nɛ. Ma din Dɛnaa Lawa a da ǹ boo ne.»
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
:
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
San Catholic Edition Bible © Bible Society of Burkina Faso, 2013.