Ezekieli 27
27
Tiiri kiwi a gɛ̀ koa n loe
1Dɛnaa Lawa boo da ma nɛ á pɛ: 2Minbuiin a nɛ, gɛ̀ loe lɔ Tiiri kiwi kɛ la. 3Kɛ pɛ Tiiri kiwi lɛ nɛ,
nsɛ mɛn bɛ́ yìsi mu lɛkoro lɛ-a,
pii koe kun ka tɔrɔ kɔsɔn nɛ.
Masɛ Dɛnaa Lawa n kɛ pii n ni:
Nsɛ Tiiri kiwi, táa ma nə́ n pɛ
mà nsɛ siĩn kɔ á la yii ni.
4N kiwi lɛ a golebaa n woe
yǎa yìsi mu kɛ bii.
Min mɛnɛn nə n dɔ,
n siĩn kɔ ka mu la ǹ goo bɛ́ lɔn.
5N lɛkoro lɛ-a bǎãn kɛn,
bɛn tumaa na á n dɔ ka Seniiri
a Siprɛsi da kɛa gɔn nɛ.
Maǹ nə́ n zɛnaa ka Liban da kaka
kɛa gɔn nɛ.
6N mu baa ǹ lasan kɛn,
maǹ nə́ bɛn zɛnaa ka Basan da gɔn nɛ.
N giã ǹ bǎã ke,
maǹ nə́ bɛ zɛnaa
ka Kitimun siprɛsi da kɛa gɔn nɛ
ǹ na a nyan kɔ ka don a díi sɔn nɛ.
7Ezipti minin mɔnaa wɔrɛɛ kɛ n
mìi lalan,
bɛ na á goã toɛ, min nə n yɛ tìãlɛa,
a n dɔ̃.
Mɔnaa ke n tá koe n pii mànan lɛ,
maǹ nə́ bɛ tã ka Elisaa a bǎã gɛ̀sɛ nɛ,
a koreeboree laanka a tã nɛ.
8Sidɔn minin laanka Arbaadi minin
man nə goà n mu la ǹ goo lɛ a
bɔlin lɛa.
Tiiri, n minin mɛnɛn bɛ́ sii doɛ̃,
bɛn man nə́ goã n mu la ǹ goo
kɛa da baa-a wolen lɛa.
9Gebali a min golen laanka a gɔn
dí-nyali sii-dɔ̃lin kɛn,
bɛn man nə́ goã n mu la ǹ goo
lɛ zɛnɛɛ.
Yìsi mu la ǹ goon tumaa laanka
a pii-kɔlen,
man die pii mànan pii kaa piɛ.
10Perɛsi gána minin ni,
Ludu wɔn nɛ ka Puti wɔn nɛ,
bɛn man nə́ goã kun ka n sɔraasin ni,
n zia-baalin lɛa.
Ǹ dinin lɛn man nə́ goã,
ǹ goóron laanka ǹ ziabaa ǹ
bafolon loɛ lon kaa piɛ,
ǹ dinin lɛn man nə́ goã n pàã lɛa.
11Arbaadi minin kɛn,
kun ka sɔraasin ni,
bɛn man nə́ goã n kungɔnɔn
kɛn lɛduĩ.
Gamaadi minin kɛn,
bɛn man nə́ goã n sanabolon
kɛn nɛ wɔlɔ lɛduĩ.
Maǹ nə́ goã ǹ goóron loɛ
kungɔnɔn kɛn ganaa, n lɛnpɛnɛ.
Bɛn nə́ n siĩnbaa lɛ lɛ pã.
Tiiri n pii kɔ ǹ bǎã gole lɛa
12Tarsiisi minin kɛn,
bɛn nə́ goã pii màn tɔrɔ tumaa
pii kaa piɛ.
Maǹ nə́ goã die ka wɔrɔ nɛ,
fɔlɔ nɛ, fɔlɔ fu ni, ka fɔlɔ bù ni,
bɛ̀ ǹ kɔ n la pii mànan lɛn dòo.
13Grɛki minin dinin nə́ goã
pii koe kunun n ni,
Tubaali kiwi wɔn nɛ ka Mesɛki
kiwi wɔn nɛ.
Bɛn man nə́ goã die bɛ̀rɛn siɛ̃ n la,
ka zan mànan nɛ.
14Togarmaa kiwi,
maǹ nə́ goã sùi san koe n la,
dundun sùin ni,
ka sùi da baa-a wolen ne.
15Dedan kiwi minin kɛn dɔn man
nə́ goã pii koe kunun n ni.
Minin man boe bǎã sɔsɔɔ nɛ,
die mànan pii n piɛ.
A da yaa maǹ nə́ goã don a díi
sɔ koe n la, ka díwi gɔn nɛ,
bɛ̀ ǹ nə n pii mànan lɛn si.
16Siirii minin man nə́ goã die
màn tɔrɔ tumaa pii n lon.
Maǹ nə́ goã die ka kɔlɔ
giɔ̀mɔ kaka-an nɛ,
mɔnaa koreeboreen ne,
mɔnaa wɔrɛɛn nɛ,
mɔnaa guguru yii nɔnɔɔn nɛ,
ka kɔlɔ tɔrɔ sonboren ne,
bɛ̀ ǹ kɔ ka la kaa mànan lɛn
giɔ̀mɔ lɛa.
17Haalɛ Zudaa gána minin laanka
Izirayeli gána minin dinin
nə́ goã die pii koe kaa piɛ.
Ǹ nə́ goã die ka *belee ne boe Miniiti,
nyànan nɛ, zoo ne, nyɔɔ nɛ,
ka da yon gìĩ kɔɔ̃n nɛ.
18Màn mɛn nə goã yii n lon gigiã,
màn tɔrɔ gigiã lɛa,
Damaasi minin man nə́ goã die
bɛ pii n lon.
Maǹ nə́ goã die Ɛlbɔn a duvɛ̃ kɛ
koe n la,
ka Sahara kiwi a sère ka kɛ nɛ.
19Dan tɔrɔn laanka Yavan tɔrɔn
man nə́ goã n toɛ Uzali kiwi,
bɛ̀ ǹ da fɔlɔ-zɛnaa sã n la,
da fɔ́rɔ gìĩ kɔɔ̃n nɛ,
ka buruu gìĩ kɔɔ̃n nɛ.
20Dedan minin man nə́ goã die
sùin kɛkɛrɛ zɛnaa ǹ mɔnaa siɛ̃ n la.
21Larabu gána minin laanka
Kedaara a goledɛnan
kɛn tumaa goã pii koe kunun n ni.
Bɛn man nə́ goã die sère nɛn we
n pii mànan lɛn nɛ,
sère gɔ̀lɔ̀n nɛ, butumun ni.
22Sabaa minin laanka
Rayemaa minin
dɔn nə́ goã pii koe kunun n ni.
Bɛn man nə́ goã die nyɔɔ gìĩ kɔɔ̃n
kɛ tumaa a sonbore we n pii
mànan lɛn nɛ,
kɔlɔ tɔrɔ sonbore tumaa, ka sana nɛ.
23Karan minin kɛn nə́ goã
pii koe kunun n ni,
Kanee wɔn nɛ, Edɛn wɔn nɛ,
Sabaa a pii-kɔlen ne,
ka Asuuru kiwi laanka
Kilimaadi kiwi wɔn nɛ.
24Bɛn man nə́ goã die
dɔnkɛ sonboren siɛ̃ n la,
mɔnaa koreeboree laanka
a wɔrɛɛ nɛ,
mɔnaa sɛsia nɛ ka biɛ mɛn nə́ ke,
ǹ nə́ tã a yii wɔ sɔnbɔraanɛ.
25 #
SNS 18.11-19. Zii sɔsɔɔ tɔ wɔ ǹ mu la ǹ goon kɛn,
bɛn man nə́ goã n pii mànan lɛn goɛ,
bɛ̀ ǹ wo ǹ ne.
N lon na á goã piɛ̃-n ka
pii mànan nɛ,
guruguru, yìsi mu kɛ bii.
26N mu la ǹ goo-bɔlen lɛn nə́ woo
n ne mu gigiã li,
sɛnɛ lɛ̀giala piɛ̃ kɛ nə n ziziɛ̃
yìsi mu bii.
27N gɔn mànan nɛ,
n mànan mɛnɛn pii,
n bɛ́ ǹ mɛnɛn siɛ̃,
n goo gɔ́ɔ̃ minin kɛn laanka
ǹ da baa-a wolen ne,
a zɛnaalin ni, n pii-kɔlen ne,
n zia-baalin tumaa,
min mɛn tumaa bɛ́ n lɛ soekɔn-a
n piɛ,
Tiiri kiwi, n bɛ́ re mɛnɛɛ
ǹ mɛn pinaa,
ǹ tumaa á re kiɛ yìsi mu kɛ
bii lenlen.
28N goo gɔ́ɔ̃dɛnan kɛn lɛ-dɛ wuu
á re bìn diɛ yìsi mu
lɛkoro lɛ-a dɛnan kɛn ganaa.
29Bɛa biikoo li kəni,
min mɛnɛn tumaa bɛ́ mu baa ǹ
lasa biĩ doɛ̃,
bɛn tá re soe ǹ nə n bɔ n mu la ǹ
goo ne,
mu la ǹ goo-bɔlen lɛn laanka yìsi
mu la ǹ goo gɔ́ɔ̃dɛnan lɛn tumaa nɛ,
ǹ tá re gisĩ ǹ giã tán.
30Maǹ nə n lɛ dii ka n din tɔ nɛ,
maǹ nə n lɛ dii kɔsɛkɔsɛ.
Maǹ tii goɛ kiɛ ǹ dinin mìi ni,
maǹ nə n birikəĩ tán ton li.
31Maǹ nə n mìi koɛ̃ n din a lɛa,
maǹ gɛ̀ koa ǹ mɔnaan we n din a lɛa,
ǹ foo ziziɛ̃maa nɛ.
Maǹ wuu pii n din a lɛa,
maǹ nə n duduwii n din a lɛa.
32Ǹ là-paparɛɛ gɔ́ɔ̃ nɛ,
maǹ nə́ goã loe loe n la,
ǹ yɔrɔ-kɔsiɛ gɔ́ɔ̃ nɛ,
maǹ nə́ goã loe loe kɛnɛn:
«Tiiri kiwi,
die na á goã ka n bɛ́ lɔn,
ka kiwi kɛ bɛ́ lɔn ǹ nə́ ziziɛ̃
yìsi mu bii?»
33Ǹ bɛ́ ǹ nə́ goã n pii kɔ ǹ
mànan kɛn kiɛ goo ne,
yìsi mu la bɛ̀ ǹ wo ǹ ne,
ń tɔrɔ gigiã a màn-bii bɔ.
N gɔn màn lɛ a mɔnaabaa taman yii,
n pii màn lɛ a gigiãbaa taman yii,
ń kanaa a kiin baa pàãman lɛa.
34Sɛnɛ, basaã bɛ́ á n din yɛ
yìsi mu lalan,
ń kiɛ̃ tán yìsi mu gialaa.
N pii mànan nɛ,
min mɛnɛn tumaa bɛ́ ǹ nə́ goã die
n soekɔn-a n piɛ,
bɛn nə́ papaã yìsi mu giulun.
35Yisi mu lɛkoro-a dɛnan kɛn
tumaa foo n ziziɛ̃ nɛ n din a lɛa.
Gɔ̀nɔn bìn diɛ a nɛn ǹ kiin kɛn la wa,
nyɛ́ɛ n bɛn gialaa,
ǹ yɔrɔ yii ziziɛ̃.
36Tɔrɔ kɔsɔn pii-kɔlen nə́ n kaãbaa
n wɔ paǹ li,
ń nyɛ́ɛ da ǹ màn baa,
n wɔ na á nya duduu.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Ezekieli 27: SCE2013
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
San Catholic Edition Bible © Bible Society of Burkina Faso, 2013.
Ezekieli 27
27
Tiiri kiwi a gɛ̀ koa n loe
1Dɛnaa Lawa boo da ma nɛ á pɛ: 2Minbuiin a nɛ, gɛ̀ loe lɔ Tiiri kiwi kɛ la. 3Kɛ pɛ Tiiri kiwi lɛ nɛ,
nsɛ mɛn bɛ́ yìsi mu lɛkoro lɛ-a,
pii koe kun ka tɔrɔ kɔsɔn nɛ.
Masɛ Dɛnaa Lawa n kɛ pii n ni:
Nsɛ Tiiri kiwi, táa ma nə́ n pɛ
mà nsɛ siĩn kɔ á la yii ni.
4N kiwi lɛ a golebaa n woe
yǎa yìsi mu kɛ bii.
Min mɛnɛn nə n dɔ,
n siĩn kɔ ka mu la ǹ goo bɛ́ lɔn.
5N lɛkoro lɛ-a bǎãn kɛn,
bɛn tumaa na á n dɔ ka Seniiri
a Siprɛsi da kɛa gɔn nɛ.
Maǹ nə́ n zɛnaa ka Liban da kaka
kɛa gɔn nɛ.
6N mu baa ǹ lasan kɛn,
maǹ nə́ bɛn zɛnaa ka Basan da gɔn nɛ.
N giã ǹ bǎã ke,
maǹ nə́ bɛ zɛnaa
ka Kitimun siprɛsi da kɛa gɔn nɛ
ǹ na a nyan kɔ ka don a díi sɔn nɛ.
7Ezipti minin mɔnaa wɔrɛɛ kɛ n
mìi lalan,
bɛ na á goã toɛ, min nə n yɛ tìãlɛa,
a n dɔ̃.
Mɔnaa ke n tá koe n pii mànan lɛ,
maǹ nə́ bɛ tã ka Elisaa a bǎã gɛ̀sɛ nɛ,
a koreeboree laanka a tã nɛ.
8Sidɔn minin laanka Arbaadi minin
man nə goà n mu la ǹ goo lɛ a
bɔlin lɛa.
Tiiri, n minin mɛnɛn bɛ́ sii doɛ̃,
bɛn man nə́ goã n mu la ǹ goo
kɛa da baa-a wolen lɛa.
9Gebali a min golen laanka a gɔn
dí-nyali sii-dɔ̃lin kɛn,
bɛn man nə́ goã n mu la ǹ goo
lɛ zɛnɛɛ.
Yìsi mu la ǹ goon tumaa laanka
a pii-kɔlen,
man die pii mànan pii kaa piɛ.
10Perɛsi gána minin ni,
Ludu wɔn nɛ ka Puti wɔn nɛ,
bɛn man nə́ goã kun ka n sɔraasin ni,
n zia-baalin lɛa.
Ǹ dinin lɛn man nə́ goã,
ǹ goóron laanka ǹ ziabaa ǹ
bafolon loɛ lon kaa piɛ,
ǹ dinin lɛn man nə́ goã n pàã lɛa.
11Arbaadi minin kɛn,
kun ka sɔraasin ni,
bɛn man nə́ goã n kungɔnɔn
kɛn lɛduĩ.
Gamaadi minin kɛn,
bɛn man nə́ goã n sanabolon
kɛn nɛ wɔlɔ lɛduĩ.
Maǹ nə́ goã ǹ goóron loɛ
kungɔnɔn kɛn ganaa, n lɛnpɛnɛ.
Bɛn nə́ n siĩnbaa lɛ lɛ pã.
Tiiri n pii kɔ ǹ bǎã gole lɛa
12Tarsiisi minin kɛn,
bɛn nə́ goã pii màn tɔrɔ tumaa
pii kaa piɛ.
Maǹ nə́ goã die ka wɔrɔ nɛ,
fɔlɔ nɛ, fɔlɔ fu ni, ka fɔlɔ bù ni,
bɛ̀ ǹ kɔ n la pii mànan lɛn dòo.
13Grɛki minin dinin nə́ goã
pii koe kunun n ni,
Tubaali kiwi wɔn nɛ ka Mesɛki
kiwi wɔn nɛ.
Bɛn man nə́ goã die bɛ̀rɛn siɛ̃ n la,
ka zan mànan nɛ.
14Togarmaa kiwi,
maǹ nə́ goã sùi san koe n la,
dundun sùin ni,
ka sùi da baa-a wolen ne.
15Dedan kiwi minin kɛn dɔn man
nə́ goã pii koe kunun n ni.
Minin man boe bǎã sɔsɔɔ nɛ,
die mànan pii n piɛ.
A da yaa maǹ nə́ goã don a díi
sɔ koe n la, ka díwi gɔn nɛ,
bɛ̀ ǹ nə n pii mànan lɛn si.
16Siirii minin man nə́ goã die
màn tɔrɔ tumaa pii n lon.
Maǹ nə́ goã die ka kɔlɔ
giɔ̀mɔ kaka-an nɛ,
mɔnaa koreeboreen ne,
mɔnaa wɔrɛɛn nɛ,
mɔnaa guguru yii nɔnɔɔn nɛ,
ka kɔlɔ tɔrɔ sonboren ne,
bɛ̀ ǹ kɔ ka la kaa mànan lɛn
giɔ̀mɔ lɛa.
17Haalɛ Zudaa gána minin laanka
Izirayeli gána minin dinin
nə́ goã die pii koe kaa piɛ.
Ǹ nə́ goã die ka *belee ne boe Miniiti,
nyànan nɛ, zoo ne, nyɔɔ nɛ,
ka da yon gìĩ kɔɔ̃n nɛ.
18Màn mɛn nə goã yii n lon gigiã,
màn tɔrɔ gigiã lɛa,
Damaasi minin man nə́ goã die
bɛ pii n lon.
Maǹ nə́ goã die Ɛlbɔn a duvɛ̃ kɛ
koe n la,
ka Sahara kiwi a sère ka kɛ nɛ.
19Dan tɔrɔn laanka Yavan tɔrɔn
man nə́ goã n toɛ Uzali kiwi,
bɛ̀ ǹ da fɔlɔ-zɛnaa sã n la,
da fɔ́rɔ gìĩ kɔɔ̃n nɛ,
ka buruu gìĩ kɔɔ̃n nɛ.
20Dedan minin man nə́ goã die
sùin kɛkɛrɛ zɛnaa ǹ mɔnaa siɛ̃ n la.
21Larabu gána minin laanka
Kedaara a goledɛnan
kɛn tumaa goã pii koe kunun n ni.
Bɛn man nə́ goã die sère nɛn we
n pii mànan lɛn nɛ,
sère gɔ̀lɔ̀n nɛ, butumun ni.
22Sabaa minin laanka
Rayemaa minin
dɔn nə́ goã pii koe kunun n ni.
Bɛn man nə́ goã die nyɔɔ gìĩ kɔɔ̃n
kɛ tumaa a sonbore we n pii
mànan lɛn nɛ,
kɔlɔ tɔrɔ sonbore tumaa, ka sana nɛ.
23Karan minin kɛn nə́ goã
pii koe kunun n ni,
Kanee wɔn nɛ, Edɛn wɔn nɛ,
Sabaa a pii-kɔlen ne,
ka Asuuru kiwi laanka
Kilimaadi kiwi wɔn nɛ.
24Bɛn man nə́ goã die
dɔnkɛ sonboren siɛ̃ n la,
mɔnaa koreeboree laanka
a wɔrɛɛ nɛ,
mɔnaa sɛsia nɛ ka biɛ mɛn nə́ ke,
ǹ nə́ tã a yii wɔ sɔnbɔraanɛ.
25 #
SNS 18.11-19. Zii sɔsɔɔ tɔ wɔ ǹ mu la ǹ goon kɛn,
bɛn man nə́ goã n pii mànan lɛn goɛ,
bɛ̀ ǹ wo ǹ ne.
N lon na á goã piɛ̃-n ka
pii mànan nɛ,
guruguru, yìsi mu kɛ bii.
26N mu la ǹ goo-bɔlen lɛn nə́ woo
n ne mu gigiã li,
sɛnɛ lɛ̀giala piɛ̃ kɛ nə n ziziɛ̃
yìsi mu bii.
27N gɔn mànan nɛ,
n mànan mɛnɛn pii,
n bɛ́ ǹ mɛnɛn siɛ̃,
n goo gɔ́ɔ̃ minin kɛn laanka
ǹ da baa-a wolen ne,
a zɛnaalin ni, n pii-kɔlen ne,
n zia-baalin tumaa,
min mɛn tumaa bɛ́ n lɛ soekɔn-a
n piɛ,
Tiiri kiwi, n bɛ́ re mɛnɛɛ
ǹ mɛn pinaa,
ǹ tumaa á re kiɛ yìsi mu kɛ
bii lenlen.
28N goo gɔ́ɔ̃dɛnan kɛn lɛ-dɛ wuu
á re bìn diɛ yìsi mu
lɛkoro lɛ-a dɛnan kɛn ganaa.
29Bɛa biikoo li kəni,
min mɛnɛn tumaa bɛ́ mu baa ǹ
lasa biĩ doɛ̃,
bɛn tá re soe ǹ nə n bɔ n mu la ǹ
goo ne,
mu la ǹ goo-bɔlen lɛn laanka yìsi
mu la ǹ goo gɔ́ɔ̃dɛnan lɛn tumaa nɛ,
ǹ tá re gisĩ ǹ giã tán.
30Maǹ nə n lɛ dii ka n din tɔ nɛ,
maǹ nə n lɛ dii kɔsɛkɔsɛ.
Maǹ tii goɛ kiɛ ǹ dinin mìi ni,
maǹ nə n birikəĩ tán ton li.
31Maǹ nə n mìi koɛ̃ n din a lɛa,
maǹ gɛ̀ koa ǹ mɔnaan we n din a lɛa,
ǹ foo ziziɛ̃maa nɛ.
Maǹ wuu pii n din a lɛa,
maǹ nə n duduwii n din a lɛa.
32Ǹ là-paparɛɛ gɔ́ɔ̃ nɛ,
maǹ nə́ goã loe loe n la,
ǹ yɔrɔ-kɔsiɛ gɔ́ɔ̃ nɛ,
maǹ nə́ goã loe loe kɛnɛn:
«Tiiri kiwi,
die na á goã ka n bɛ́ lɔn,
ka kiwi kɛ bɛ́ lɔn ǹ nə́ ziziɛ̃
yìsi mu bii?»
33Ǹ bɛ́ ǹ nə́ goã n pii kɔ ǹ
mànan kɛn kiɛ goo ne,
yìsi mu la bɛ̀ ǹ wo ǹ ne,
ń tɔrɔ gigiã a màn-bii bɔ.
N gɔn màn lɛ a mɔnaabaa taman yii,
n pii màn lɛ a gigiãbaa taman yii,
ń kanaa a kiin baa pàãman lɛa.
34Sɛnɛ, basaã bɛ́ á n din yɛ
yìsi mu lalan,
ń kiɛ̃ tán yìsi mu gialaa.
N pii mànan nɛ,
min mɛnɛn tumaa bɛ́ ǹ nə́ goã die
n soekɔn-a n piɛ,
bɛn nə́ papaã yìsi mu giulun.
35Yisi mu lɛkoro-a dɛnan kɛn
tumaa foo n ziziɛ̃ nɛ n din a lɛa.
Gɔ̀nɔn bìn diɛ a nɛn ǹ kiin kɛn la wa,
nyɛ́ɛ n bɛn gialaa,
ǹ yɔrɔ yii ziziɛ̃.
36Tɔrɔ kɔsɔn pii-kɔlen nə́ n kaãbaa
n wɔ paǹ li,
ń nyɛ́ɛ da ǹ màn baa,
n wɔ na á nya duduu.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
:
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
San Catholic Edition Bible © Bible Society of Burkina Faso, 2013.