Uchokholha 6
6
Uwonya wa attu
1Attu vaachokholha aya wunchereria velhaponi ni achishaana ashithiyana ayaariachaka, 2ashaana ashilhopwana o wiirimu yahoona wiira yayo achishaana ashithiyana ayo aari oreracha, nkaayaakushacha alhe yaattuna aya ukhalha manyaahanu aya. 3Apwiiya Nlhuku nkayeera, “Akinaahiyerera attu wiira alhokelhe wo mahuku o uhimalha, ukhalhawaya ari o ukhwa. Paahi khanolhokelha ukumi umpwaha iyaakha mia imoka ni makhumi melhi.” 4Yayo mahuku ayo, tho ni upwaha vavawo, ahokhalhacha attu o machusha molhupalhe chinene velhaponi, yeehaniya Anefili. Yaari iyari yo minepa o wiirimu ni manyaathiyana o velhaponi. Yayo phi aari attu o machiri, aashipiya mahuku menchi avinre ayo.
5Apwiiya Nlhuku vonne aya attu o velhaponi cheera aya wo uwonya ni chittu chinoopuwelha aya chikhalhaka cho uhilhoka mahuku onkhaye, 6ahochukulha munrimani chinene oonaka mbaya ahikoopilhe velhaponi va. Nkayeera, 7“Kinowaalhakalhiha attu koupilhe aka ukhuma velhaponi va, kinowaakukhulhacha attu vamoka ni ashinama, ashimweettu aneeta wo wiipurulha ni ashinuni o wiirimu. Ukhalhawaya kihochukulha wiira mbaya kihikoupilhe.” 8Nansho Anuhu ahorumelhelhiya ni Apwiiya Nlhuku.
Anuhu anokoorosha isafina
9Ulha phi mwaha unaacha Anuhu, ntu aatelhinhe Apwiiya Nlhuku, ntu o uhikhuwachiya o vekha awe o yayo mahuku ayo, tho aari ntu anthimicha Nlhuku. 10Anuhu yaari ni achishaana araru ashilhopwana, Nashemu ni Nahamu ni Nayafeti. Anuhu aari ntu o uhinanarihiya ni uwonya uriwoothe o yayo mahuku ayo. Aari analhutanne ni Nlhuku 11nansho attu akina ayo aari o uwonya umihoolho wa Nlhuku ni uhilhoka waari unawanenlhe mwiilhaponi mwonkhaye. 12Nlhuku ahoona ilhapo chenre aya wo unanara, attu awonyaka vahinlhoka.
13Nlhuku nkeerelha Anuhu, “Kiholhakelha waamalhiha attu ni iyari aya yonkhaye, ukhalhawaya ilhapo ihochara mitheko cho injarare yo unanara chinopangacha aya. Eiyo, kinowaamalhamalhiha vamoka ni ilhapo. 14Nkoorosheke etu isafina yo miri cho mpande. Mwommo nthekeke ichuumba ni uhikahika ilami wo nhina ni vathe. 15Yunnuweke imeta imia imoka ni makhumi mararu ni tisa, ikhanuweke imeta makhumi melhi ni nthanu, irekameke imeta khumi ni nthanu. 16Ikhalheke yo igorofa ttaaru ni nlhako vathetho. Nkoorosheke nivatho, nihiyaneke iinchi khumi ni nane nivatho ni iruttu yo isafina inene iyo. 17Kinoowiha niwambwe velhaponi no wiiva kila ittu iri ikumi. Kila ittu iri ikumi velhaponi va inookhwa. 18Nansho kinowa keesha malhehano ni inyuva. Nkelheke nsafinani mmo inyuva mwaanene ni ahanu inyu ni achishaana inyu ni manyaahanu aya. 19Nsafinani mmo, mwaakusheke ashinama kila nikosho, elhi elhi, alhopwana ni athiyana, mwaashunge akhalhe akumi vamoka ni inyu.”
20“Mwaakusheke ashinuni o kila nikosho, ashinama o kila nikosho ni ashimweettu o wiipurulha o kila nikosho, elhi elhi, alhopwana ni ashithiyana, mwaashunge akhalhe akumi vamoka ni inyu. 21Tho nkusheke ni kila nikosho no choolhia chinolhiya, nshungeke. Choolhia cho ulhia mwaanene ni cho waalhiha ashinama ayo.” 22Anuhu nkayaapanga kila ittu thoko chaalheheriye aya ni Nlhuku.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Uchokholha 6: MOT
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
The Bible Version in Makua @The Word for The World International and Makua Language translators. All rights reserved.
Uchokholha 6
6
Uwonya wa attu
1Attu vaachokholha aya wunchereria velhaponi ni achishaana ashithiyana ayaariachaka, 2ashaana ashilhopwana o wiirimu yahoona wiira yayo achishaana ashithiyana ayo aari oreracha, nkaayaakushacha alhe yaattuna aya ukhalha manyaahanu aya. 3Apwiiya Nlhuku nkayeera, “Akinaahiyerera attu wiira alhokelhe wo mahuku o uhimalha, ukhalhawaya ari o ukhwa. Paahi khanolhokelha ukumi umpwaha iyaakha mia imoka ni makhumi melhi.” 4Yayo mahuku ayo, tho ni upwaha vavawo, ahokhalhacha attu o machusha molhupalhe chinene velhaponi, yeehaniya Anefili. Yaari iyari yo minepa o wiirimu ni manyaathiyana o velhaponi. Yayo phi aari attu o machiri, aashipiya mahuku menchi avinre ayo.
5Apwiiya Nlhuku vonne aya attu o velhaponi cheera aya wo uwonya ni chittu chinoopuwelha aya chikhalhaka cho uhilhoka mahuku onkhaye, 6ahochukulha munrimani chinene oonaka mbaya ahikoopilhe velhaponi va. Nkayeera, 7“Kinowaalhakalhiha attu koupilhe aka ukhuma velhaponi va, kinowaakukhulhacha attu vamoka ni ashinama, ashimweettu aneeta wo wiipurulha ni ashinuni o wiirimu. Ukhalhawaya kihochukulha wiira mbaya kihikoupilhe.” 8Nansho Anuhu ahorumelhelhiya ni Apwiiya Nlhuku.
Anuhu anokoorosha isafina
9Ulha phi mwaha unaacha Anuhu, ntu aatelhinhe Apwiiya Nlhuku, ntu o uhikhuwachiya o vekha awe o yayo mahuku ayo, tho aari ntu anthimicha Nlhuku. 10Anuhu yaari ni achishaana araru ashilhopwana, Nashemu ni Nahamu ni Nayafeti. Anuhu aari ntu o uhinanarihiya ni uwonya uriwoothe o yayo mahuku ayo. Aari analhutanne ni Nlhuku 11nansho attu akina ayo aari o uwonya umihoolho wa Nlhuku ni uhilhoka waari unawanenlhe mwiilhaponi mwonkhaye. 12Nlhuku ahoona ilhapo chenre aya wo unanara, attu awonyaka vahinlhoka.
13Nlhuku nkeerelha Anuhu, “Kiholhakelha waamalhiha attu ni iyari aya yonkhaye, ukhalhawaya ilhapo ihochara mitheko cho injarare yo unanara chinopangacha aya. Eiyo, kinowaamalhamalhiha vamoka ni ilhapo. 14Nkoorosheke etu isafina yo miri cho mpande. Mwommo nthekeke ichuumba ni uhikahika ilami wo nhina ni vathe. 15Yunnuweke imeta imia imoka ni makhumi mararu ni tisa, ikhanuweke imeta makhumi melhi ni nthanu, irekameke imeta khumi ni nthanu. 16Ikhalheke yo igorofa ttaaru ni nlhako vathetho. Nkoorosheke nivatho, nihiyaneke iinchi khumi ni nane nivatho ni iruttu yo isafina inene iyo. 17Kinoowiha niwambwe velhaponi no wiiva kila ittu iri ikumi. Kila ittu iri ikumi velhaponi va inookhwa. 18Nansho kinowa keesha malhehano ni inyuva. Nkelheke nsafinani mmo inyuva mwaanene ni ahanu inyu ni achishaana inyu ni manyaahanu aya. 19Nsafinani mmo, mwaakusheke ashinama kila nikosho, elhi elhi, alhopwana ni athiyana, mwaashunge akhalhe akumi vamoka ni inyu.”
20“Mwaakusheke ashinuni o kila nikosho, ashinama o kila nikosho ni ashimweettu o wiipurulha o kila nikosho, elhi elhi, alhopwana ni ashithiyana, mwaashunge akhalhe akumi vamoka ni inyu. 21Tho nkusheke ni kila nikosho no choolhia chinolhiya, nshungeke. Choolhia cho ulhia mwaanene ni cho waalhiha ashinama ayo.” 22Anuhu nkayaapanga kila ittu thoko chaalheheriye aya ni Nlhuku.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
:
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
The Bible Version in Makua @The Word for The World International and Makua Language translators. All rights reserved.