Uchokholha 31
31
Nayakhobo anowaatoroka Nalaabani
1Paahi Nayakhobo nkayeewa wiira ashaana ashilhopwana a Nalaabani ahochukulhacha ni wiira, “Nayakhobo ahokusha kila ittu ya athumwanihu, phi nre aya etu wo ukhalha ni nhakhu.” 2Nayakhobo ahochuwelha tho wiira, Nalaabani khayaari yaalhohaka thoko khalhayi vawo. 3Apwiiya Nlhuku nkayeerelha Nayakhobo, “Nhokolhieke wiilhaponi wa manyaathumwaninyu ni wa ashilhoko inyu, ni mii kinookhalha vamoka ni inyu.”
4Paahi Nayakhobo nkayaaruma attu wiira Nalea ni Naraheli yeehanachiye, ni ayo nkayaarwaa uthakoni waalhiha aya ashinama. 5Nayakhobo nkayeerelhacha, “Kinoona wiira athumwaninyu khanokilhoha tho thoko khalhayi valhe. Nansho Nlhuku a athumwanaka ri vamoka ni mii. 6Nhochuwelha wiira kihovara ntheko wa athumwaninyu wo machiri aka onkhaye. 7Inakhalhaka chiicho, ahokithepiacha ni urukunusha malhivo aka mikwaha khumi. Nansho Nlhuku kaahiyerenre wiira akipangelhe chittu cho uhilhoka. 8Kila nkwaha athumwaninyu vaakirenlhe aya wiira, ‘Ashinama o manepa phi nohalha ukhalha malhivo inyu,’ paahi etu nkutiro wonkhaye wahaayara ashinama o manepanepa. Ni kila venre aya, ‘Ashinama o marayirayi phi nohalha inyu ulhiviya,’ ashinama onkhaye aayanre ashinama o marayirayi. 9Phi iphiro Nlhuku chaakunshe awe ashinama a athumwaninyu, ni ukivaha mii.
10“Ikatema yo nlhalha wo urupalha irukulhu ashinama kaholhoha, ntorani mmo kahoona mabeberu onkhaye aawenlhe ashinama ashithiyana yaari o marayirayi, o manepanepa ni o manepa. 11Tho ntorani mmo, Nnepa wo wiirimu wa Nlhuku wahokulhumana, vaakihanne aya, ‘Nayakhobo,’ ni mii nkakaakhulha, ‘Aah, mii va!’ 12Nkawaakiirelha, ‘Mwooneke mabeberu onkhaye anaawelha ashinama ashithiyana ayo o marayirayi, o manepanepa ni o manepa. Inopangia chiicho, ukhalhawaya kihoona chinre inyu wo upangelhiya ni Nalaabani. 13Mii phi Nlhuku okhumelhenlheni Ubetheli ulhe, vakittu veemeshilhe inyu nlhuku no uwupushani, nkamwaamiinelha makhura vachulhu ni weesha ishaani. Vano etu, nthameke ilha ilhapo ilha, nhokolhieke uwani uyarelhe inyu.’ ”
14Naraheli ni Nalea nkayaakhulha Nayakhobo wiira, “Hii nirinani, khanirina ittu iriyoothe yo uhiyeriya unupani wa athumwanihu! 15Yayo vano anonoona hii thoko alheto, ukhalhawaya ahonithumiha. Ni nhakhu upantte aya uyo phi uyo anolhia aya uyo. 16Wo ikekhiaye, nhakhu wonkhaye Nlhuku ukunshe awe ukhuma wa athumwanihu phi wawihu hii, vamoka ni achishaana ihu. Paahi etu mpangeke ittu ilheheriye inyu ni Nlhuku iyo!”
17Paahi Nayakhobo nkayaapanganika wo nkwaha, nkayaawelhihacha achishaana aya ni manyaahanu aya vachulhu ingamiya. 18Nkaakusha ashinama aya vamoka ni nhakhu wonkhaye waapantte aya Upadan aramu, nkaachokholha nkwaha wo uhokolhia Ukanaani, wa athumwanaya, Naisaka. 19Nansho ahinaya uthama, Nalaabani yaari anakenlhe utturiani mapururu ikhondoro chaya. Paahi Naraheli ahopatta nipesha no wiiya isinyago cho milhuku cha athumwanaya. 20Wo uthepa vavawo, Nayakhobo ahaathepiacha Nalaabani, ntu o Uaramu, wo uhaalheha vaathama aya. 21Paahi Nayakhobo ahokusha nhakhu aya wonkhaye, nkayaatoroka. Baada yo ulhapuwa mwolhoko wo Yufrati aholhukama ilhapo yo umiakoni yo Ugileadi.
Nalaabani anowaattwara Nayakhobo
22Mahuku mararu kaanyuma, Nalaabani ahohimeriya wiira Nayakhobo ahotoroka. 23Paahi Nalaabani ahaakusha ashilhoko aya ni waattwara Nayakhobo wo mahuku saba, nkayaaphwanya umiakoni, Ugileadi. 24Nansho uhiyu, Nlhuku ahaakhumelhelha Nalaabani, ntu o Uaramu, ntorani ni weerelha, “Mwiishungeke, nholhumelhe Nayakhobo nlhove nirinoothe, nikhalhe norera ama no uhilhoka.”
25Paahi Nalaabani nkayaaphiya waari aya Nayakhobo. Yeyo ikatema iyo Nayakhobo yaari anamakilhe umwakoni. Nalaabani ni ayo vamoka ni ashilhoko aya nkayaamaka umiakoni Ugileadi wowo.
26Phi vavawo Nalaabani verenlhe aya Nayakhobo, “Mpanngeni? Woonaka nhokithepiacha, nkamwaakusha achishaana aka thoko mateeka avariye ukhotoni? 27Nlhatuni etu no utoroka wo nivitho, nkamwaathama wo uhikilheha, wiira kulheheni wo ushangarara ni uwiipelhani ichipo, ikoma ni chikwesha? 28Woonaka khankivahilhe nipesha no waavaha moono wo waalheha achishaana aka ni ashichulhu aka? Wo ikekhiaye nihopanga ittu yo uhilhoka! 29Kaanooria uthuriani, nansho Nlhuku a athumwaninyu ahokikhumelhelha uhiyu wo lhelho ulha, nkaakamuka eeraka, ‘Mwiishungeke, nholhumelhe Nayakhobo nlhove nirinoothe, nikhalhe norera ama no uhilhoka.’ 30Kihochuwelha wiira nhotoroka wo nlhatu wo nnikwa wo uhokolhia uwaninyu wa athumwaninyu. Nansho nlhatuni etu no wiiya milhuku chaka?”
31Nayakhobo nkayaakhulha, “Akohimenrieni ukhalhawaya koova wiira nnokithurulha achishaana inyu alha wo machiri. 32Nansho riyoothe nnohalha inyu umphwanya nakunshe isinyago cho milhuku chinyu chiyo, yoyo hihiiye ukhalha nkumi! Mmihoolho wa alha ashilhoko ihu alha, mwooniheke ittu iriyoothe iri yawinyu, mmwiieke.” Nayakhobo khayaachuwenlhe wiira Naraheli ahokusha isinyago cho milhuku chi Nalaabani.
33Paahi Nalaabani nkayaakelha nnihemani mwa Nayakhobo, nnihemani mwa Nalea ni anamitheko ashithiyana elhi alhe, nkayaakhuriacha waavia nansho khayaaphwannye ittu. Nkayaakhuma nnihemani mwa Nalea ni ukelha nnihemani mwa Naraheli. 34Paahi Naraheli phi ayo yaakunshe isinyago chiyo, nkayaavitha wuuthi ikuwo chaathalhiye vachulhu ingamiya, nkayaakhalhelha vachulhu vaya vawo. Nalaabani nkayaathotha nnihemani mwonkhaye, nansho khayaaphwannye ittu. 35Vavawo Naraheli aheerelha athumwanaya, “Pole thithi, nhirushiye, akinooria weemelha umihoolho winyu, kiri mmahukuni mwaka.” Nalaabani nkayaathothathotha isinyago cho milhuku chaya, nansho khayaapantte ittu.
36Nayakhobo nkayaarushiya, nkayaachukulha Nalaabani yeeraka, “Kittenkeni? 37Nhaandhandhulhacha misigo chaka chonkhaye, chani mpantteni iri yawinyu? Mwooniheke etu, umihoolho mwa ashilhoko aka ni ashilhoko inyu, wiira anaamulhe hii attu elhi va! 38Kihoukhalhanani iyaakha makhumi melhi. Ni ikatema yonkhaye iyo, ikhondoro chinyu ni ipuri chinyu khachinarihariha irukulhu, wala akaahinthe ikhondoro n'dume no nkutiro winyu. 39Akouwihenreni ata nkwaha mmoka mwannama eeviye ni nshene. Kila nkwaha yeyo ihasara iyo kaalhivihenre mii kimwanene. Nansho inyuva mwaakilhiviha wo uhiweha wiira yeiye uthana ama uhiyu! 40Kahovilhelha uvia nchuwa ni uririiya uhiyu wo uhirupa ikhove ata vakani.
41“Iyaakha makhumi melhi chonkhaye chi, chikhanlhe aka unupani winyu yaari chiicho. Kahovara ntheko inyu iyaakha khumi ni ncheshe wo nlhatu wo waavekha achishaana inyu elhi ashithiyana, nkakaashunga ashinama inyu iyaakha sita. Nansho inyuva mwahopitikushacha malhivo aka mikwaha khumi. 42Yakaari Nlhuku a athumwanaka Aburahimu, Nlhuku aapannge athumwanaka Naisaka athukumelhe, khaari vamoka ni mii, wo ikekhiaye mwankihiya kihokolhie uwani mathatharu. Nansho Nlhuku ahoona uhuva waka ni ntheko upannge aka wo miono chaka, nkoochacherani uhiyu wo lhelho ulha.”
Nalaabani ni Nayakhobo unowiiwananiya
43Vavawo Nalaabani nkayaakhulha Nayakhobo, “Achishaana ashithiyana alha awaka, ashaana alha awaka, ashinama alha awaka, ni chittu chonkhaye chinoona inyu chi chawaka. Nansho mii kinooria upanga ittu yaani vachulhu wa alha achishaana aka ashithiyana alha ni ashaana aayaranche aya alha?
44“Paahi etu niiwananeke mii ni inyuva, ikhalhe phi iphiro yo uhimiechesha malhehano variyari winyu ni mii.”
45Paahi Nayakhobo nkayaakusha nlhuku nkayeesha ukhalha nipoto no wuupuwelhiya malhehano aya.
46Tho, Nayakhobo nkayeerelhacha ashilhoko aya wiira, “Nrokottacheke malhuku.” Ni ayo nkayaarokottacha malhuku ni weesha nifungu. Nkaayaakhalhacha ni ulhia yolhia vakhiviru nifungu no malhuku nno. 47Nalaabani nkayeehana nenno nifungu no malhuku nno, Yegar sahadutha, maana aya “Nifungu no uhimiechesha.” Ni Nayakhobo nkayeehana Galeedi. 48Nalaabani nkayeera, “Nna nifungu no malhuku nna phi no uhimiechesha malhehano variyari winyu ni mii lhelho.” Paahi Nalaabani nkayeehana Galeedi, 49tho nkayeehana nipoto nne, Mizpa yeeraka, “Apwiiya Nlhuku anishungeke vanohalha ihu ukhalha utayi wo uhoonana vawo. 50Mwaatwarushaka achishaana aka ashithiyana alha, ama mwaathelhaka ashithiyana akina tho, paahi nchuwelheke wiira, khaawo ri o uhimiechesha variyari wihu, ahikhalhe Nlhuku mwanene.” 51Tho Nalaabani nkayeerelha Nayakhobo, “Mmweheke nna phi nifungu keemenshe aka ukhalha nipoto variyari winyu ni mii. 52Nna nifungu nna phi uhimiechesha, ni nipoto nna phi uhimiechesha wiira, mii akinothupha nifungu nna uwa uwaninyu ukipangelha ittu yo uhilhoka. Ni wala inyuva nhithuphe nifungu nna ni nipoto nna uwa uwannyaka ukipangelhani ittu yo uhilhoka. 53Nlhuku a Aburahimu ni Nlhuku a Nanahori noonaamulha.” Paahi Nayakhobo nkayaalhupelha wo nchina na Nlhuku a Naisaka, athumwanaya wiira anoovarechesha yayo malhehano ayo. 54Yamalheke, nkayaakumiha isadaka ya ashinama umwakoni uwo ni waalhalhia ashilhoko aya awe ulhiani yolhia. Baada yo ulhia, nkayaarupacha wowo.
55Wichishuru washeekeru, Nalaabani yahonkwa, nkayaakumbatiracha ashichulhu aya ni achishaana aya, Nalea ni Naraheli, nkaavahacha ibarakha. Nkayaathama uhokolhia uwani.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Uchokholha 31: MOT
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
The Bible Version in Makua @The Word for The World International and Makua Language translators. All rights reserved.
Uchokholha 31
31
Nayakhobo anowaatoroka Nalaabani
1Paahi Nayakhobo nkayeewa wiira ashaana ashilhopwana a Nalaabani ahochukulhacha ni wiira, “Nayakhobo ahokusha kila ittu ya athumwanihu, phi nre aya etu wo ukhalha ni nhakhu.” 2Nayakhobo ahochuwelha tho wiira, Nalaabani khayaari yaalhohaka thoko khalhayi vawo. 3Apwiiya Nlhuku nkayeerelha Nayakhobo, “Nhokolhieke wiilhaponi wa manyaathumwaninyu ni wa ashilhoko inyu, ni mii kinookhalha vamoka ni inyu.”
4Paahi Nayakhobo nkayaaruma attu wiira Nalea ni Naraheli yeehanachiye, ni ayo nkayaarwaa uthakoni waalhiha aya ashinama. 5Nayakhobo nkayeerelhacha, “Kinoona wiira athumwaninyu khanokilhoha tho thoko khalhayi valhe. Nansho Nlhuku a athumwanaka ri vamoka ni mii. 6Nhochuwelha wiira kihovara ntheko wa athumwaninyu wo machiri aka onkhaye. 7Inakhalhaka chiicho, ahokithepiacha ni urukunusha malhivo aka mikwaha khumi. Nansho Nlhuku kaahiyerenre wiira akipangelhe chittu cho uhilhoka. 8Kila nkwaha athumwaninyu vaakirenlhe aya wiira, ‘Ashinama o manepa phi nohalha ukhalha malhivo inyu,’ paahi etu nkutiro wonkhaye wahaayara ashinama o manepanepa. Ni kila venre aya, ‘Ashinama o marayirayi phi nohalha inyu ulhiviya,’ ashinama onkhaye aayanre ashinama o marayirayi. 9Phi iphiro Nlhuku chaakunshe awe ashinama a athumwaninyu, ni ukivaha mii.
10“Ikatema yo nlhalha wo urupalha irukulhu ashinama kaholhoha, ntorani mmo kahoona mabeberu onkhaye aawenlhe ashinama ashithiyana yaari o marayirayi, o manepanepa ni o manepa. 11Tho ntorani mmo, Nnepa wo wiirimu wa Nlhuku wahokulhumana, vaakihanne aya, ‘Nayakhobo,’ ni mii nkakaakhulha, ‘Aah, mii va!’ 12Nkawaakiirelha, ‘Mwooneke mabeberu onkhaye anaawelha ashinama ashithiyana ayo o marayirayi, o manepanepa ni o manepa. Inopangia chiicho, ukhalhawaya kihoona chinre inyu wo upangelhiya ni Nalaabani. 13Mii phi Nlhuku okhumelhenlheni Ubetheli ulhe, vakittu veemeshilhe inyu nlhuku no uwupushani, nkamwaamiinelha makhura vachulhu ni weesha ishaani. Vano etu, nthameke ilha ilhapo ilha, nhokolhieke uwani uyarelhe inyu.’ ”
14Naraheli ni Nalea nkayaakhulha Nayakhobo wiira, “Hii nirinani, khanirina ittu iriyoothe yo uhiyeriya unupani wa athumwanihu! 15Yayo vano anonoona hii thoko alheto, ukhalhawaya ahonithumiha. Ni nhakhu upantte aya uyo phi uyo anolhia aya uyo. 16Wo ikekhiaye, nhakhu wonkhaye Nlhuku ukunshe awe ukhuma wa athumwanihu phi wawihu hii, vamoka ni achishaana ihu. Paahi etu mpangeke ittu ilheheriye inyu ni Nlhuku iyo!”
17Paahi Nayakhobo nkayaapanganika wo nkwaha, nkayaawelhihacha achishaana aya ni manyaahanu aya vachulhu ingamiya. 18Nkaakusha ashinama aya vamoka ni nhakhu wonkhaye waapantte aya Upadan aramu, nkaachokholha nkwaha wo uhokolhia Ukanaani, wa athumwanaya, Naisaka. 19Nansho ahinaya uthama, Nalaabani yaari anakenlhe utturiani mapururu ikhondoro chaya. Paahi Naraheli ahopatta nipesha no wiiya isinyago cho milhuku cha athumwanaya. 20Wo uthepa vavawo, Nayakhobo ahaathepiacha Nalaabani, ntu o Uaramu, wo uhaalheha vaathama aya. 21Paahi Nayakhobo ahokusha nhakhu aya wonkhaye, nkayaatoroka. Baada yo ulhapuwa mwolhoko wo Yufrati aholhukama ilhapo yo umiakoni yo Ugileadi.
Nalaabani anowaattwara Nayakhobo
22Mahuku mararu kaanyuma, Nalaabani ahohimeriya wiira Nayakhobo ahotoroka. 23Paahi Nalaabani ahaakusha ashilhoko aya ni waattwara Nayakhobo wo mahuku saba, nkayaaphwanya umiakoni, Ugileadi. 24Nansho uhiyu, Nlhuku ahaakhumelhelha Nalaabani, ntu o Uaramu, ntorani ni weerelha, “Mwiishungeke, nholhumelhe Nayakhobo nlhove nirinoothe, nikhalhe norera ama no uhilhoka.”
25Paahi Nalaabani nkayaaphiya waari aya Nayakhobo. Yeyo ikatema iyo Nayakhobo yaari anamakilhe umwakoni. Nalaabani ni ayo vamoka ni ashilhoko aya nkayaamaka umiakoni Ugileadi wowo.
26Phi vavawo Nalaabani verenlhe aya Nayakhobo, “Mpanngeni? Woonaka nhokithepiacha, nkamwaakusha achishaana aka thoko mateeka avariye ukhotoni? 27Nlhatuni etu no utoroka wo nivitho, nkamwaathama wo uhikilheha, wiira kulheheni wo ushangarara ni uwiipelhani ichipo, ikoma ni chikwesha? 28Woonaka khankivahilhe nipesha no waavaha moono wo waalheha achishaana aka ni ashichulhu aka? Wo ikekhiaye nihopanga ittu yo uhilhoka! 29Kaanooria uthuriani, nansho Nlhuku a athumwaninyu ahokikhumelhelha uhiyu wo lhelho ulha, nkaakamuka eeraka, ‘Mwiishungeke, nholhumelhe Nayakhobo nlhove nirinoothe, nikhalhe norera ama no uhilhoka.’ 30Kihochuwelha wiira nhotoroka wo nlhatu wo nnikwa wo uhokolhia uwaninyu wa athumwaninyu. Nansho nlhatuni etu no wiiya milhuku chaka?”
31Nayakhobo nkayaakhulha, “Akohimenrieni ukhalhawaya koova wiira nnokithurulha achishaana inyu alha wo machiri. 32Nansho riyoothe nnohalha inyu umphwanya nakunshe isinyago cho milhuku chinyu chiyo, yoyo hihiiye ukhalha nkumi! Mmihoolho wa alha ashilhoko ihu alha, mwooniheke ittu iriyoothe iri yawinyu, mmwiieke.” Nayakhobo khayaachuwenlhe wiira Naraheli ahokusha isinyago cho milhuku chi Nalaabani.
33Paahi Nalaabani nkayaakelha nnihemani mwa Nayakhobo, nnihemani mwa Nalea ni anamitheko ashithiyana elhi alhe, nkayaakhuriacha waavia nansho khayaaphwannye ittu. Nkayaakhuma nnihemani mwa Nalea ni ukelha nnihemani mwa Naraheli. 34Paahi Naraheli phi ayo yaakunshe isinyago chiyo, nkayaavitha wuuthi ikuwo chaathalhiye vachulhu ingamiya, nkayaakhalhelha vachulhu vaya vawo. Nalaabani nkayaathotha nnihemani mwonkhaye, nansho khayaaphwannye ittu. 35Vavawo Naraheli aheerelha athumwanaya, “Pole thithi, nhirushiye, akinooria weemelha umihoolho winyu, kiri mmahukuni mwaka.” Nalaabani nkayaathothathotha isinyago cho milhuku chaya, nansho khayaapantte ittu.
36Nayakhobo nkayaarushiya, nkayaachukulha Nalaabani yeeraka, “Kittenkeni? 37Nhaandhandhulhacha misigo chaka chonkhaye, chani mpantteni iri yawinyu? Mwooniheke etu, umihoolho mwa ashilhoko aka ni ashilhoko inyu, wiira anaamulhe hii attu elhi va! 38Kihoukhalhanani iyaakha makhumi melhi. Ni ikatema yonkhaye iyo, ikhondoro chinyu ni ipuri chinyu khachinarihariha irukulhu, wala akaahinthe ikhondoro n'dume no nkutiro winyu. 39Akouwihenreni ata nkwaha mmoka mwannama eeviye ni nshene. Kila nkwaha yeyo ihasara iyo kaalhivihenre mii kimwanene. Nansho inyuva mwaakilhiviha wo uhiweha wiira yeiye uthana ama uhiyu! 40Kahovilhelha uvia nchuwa ni uririiya uhiyu wo uhirupa ikhove ata vakani.
41“Iyaakha makhumi melhi chonkhaye chi, chikhanlhe aka unupani winyu yaari chiicho. Kahovara ntheko inyu iyaakha khumi ni ncheshe wo nlhatu wo waavekha achishaana inyu elhi ashithiyana, nkakaashunga ashinama inyu iyaakha sita. Nansho inyuva mwahopitikushacha malhivo aka mikwaha khumi. 42Yakaari Nlhuku a athumwanaka Aburahimu, Nlhuku aapannge athumwanaka Naisaka athukumelhe, khaari vamoka ni mii, wo ikekhiaye mwankihiya kihokolhie uwani mathatharu. Nansho Nlhuku ahoona uhuva waka ni ntheko upannge aka wo miono chaka, nkoochacherani uhiyu wo lhelho ulha.”
Nalaabani ni Nayakhobo unowiiwananiya
43Vavawo Nalaabani nkayaakhulha Nayakhobo, “Achishaana ashithiyana alha awaka, ashaana alha awaka, ashinama alha awaka, ni chittu chonkhaye chinoona inyu chi chawaka. Nansho mii kinooria upanga ittu yaani vachulhu wa alha achishaana aka ashithiyana alha ni ashaana aayaranche aya alha?
44“Paahi etu niiwananeke mii ni inyuva, ikhalhe phi iphiro yo uhimiechesha malhehano variyari winyu ni mii.”
45Paahi Nayakhobo nkayaakusha nlhuku nkayeesha ukhalha nipoto no wuupuwelhiya malhehano aya.
46Tho, Nayakhobo nkayeerelhacha ashilhoko aya wiira, “Nrokottacheke malhuku.” Ni ayo nkayaarokottacha malhuku ni weesha nifungu. Nkaayaakhalhacha ni ulhia yolhia vakhiviru nifungu no malhuku nno. 47Nalaabani nkayeehana nenno nifungu no malhuku nno, Yegar sahadutha, maana aya “Nifungu no uhimiechesha.” Ni Nayakhobo nkayeehana Galeedi. 48Nalaabani nkayeera, “Nna nifungu no malhuku nna phi no uhimiechesha malhehano variyari winyu ni mii lhelho.” Paahi Nalaabani nkayeehana Galeedi, 49tho nkayeehana nipoto nne, Mizpa yeeraka, “Apwiiya Nlhuku anishungeke vanohalha ihu ukhalha utayi wo uhoonana vawo. 50Mwaatwarushaka achishaana aka ashithiyana alha, ama mwaathelhaka ashithiyana akina tho, paahi nchuwelheke wiira, khaawo ri o uhimiechesha variyari wihu, ahikhalhe Nlhuku mwanene.” 51Tho Nalaabani nkayeerelha Nayakhobo, “Mmweheke nna phi nifungu keemenshe aka ukhalha nipoto variyari winyu ni mii. 52Nna nifungu nna phi uhimiechesha, ni nipoto nna phi uhimiechesha wiira, mii akinothupha nifungu nna uwa uwaninyu ukipangelha ittu yo uhilhoka. Ni wala inyuva nhithuphe nifungu nna ni nipoto nna uwa uwannyaka ukipangelhani ittu yo uhilhoka. 53Nlhuku a Aburahimu ni Nlhuku a Nanahori noonaamulha.” Paahi Nayakhobo nkayaalhupelha wo nchina na Nlhuku a Naisaka, athumwanaya wiira anoovarechesha yayo malhehano ayo. 54Yamalheke, nkayaakumiha isadaka ya ashinama umwakoni uwo ni waalhalhia ashilhoko aya awe ulhiani yolhia. Baada yo ulhia, nkayaarupacha wowo.
55Wichishuru washeekeru, Nalaabani yahonkwa, nkayaakumbatiracha ashichulhu aya ni achishaana aya, Nalea ni Naraheli, nkaavahacha ibarakha. Nkayaathama uhokolhia uwani.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
:
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
The Bible Version in Makua @The Word for The World International and Makua Language translators. All rights reserved.