Uchokholha 25
25
Achishaana akina a Aburahimu
(1Ikat 1:32-33)
1Aburahimu ahaathelha opani akina, nchina naya eehaniya Naketura. 2Yayo ahaayarelha Aburahimu achishaana, Zimrani, Yokshani, Medani, Midiyani, Ishbaki ni Shuwa. 3Yokshani ahaayaracha Sheba ni Dedani. Achishaana a Dedani aari attu o Uashuru, o Uletushi ni o Uleumi. 4Achishaana a Midiyani aari, Efa, Eferi, Henoki, Abida ni Eldaa. Yayo onkhaye ayo aari uchuulhu wa Aburahimu ni ahanu aya, Naketura. 5Aburahimu ahaahiyera Naisaka nhakhu waya wonkhaye. 6Ni ikatema vaari aya bado akumi, ahaavahacha izawadi achishaana aayanre aya ni anamitheko aya ashithiyana. Nkaathamihacha ni waarweha utayi, ilhapo cho unosha nchuwa wiira ahaatamane ni mwaamwanaya, Isaka.
Urimelha ni uvithiya wa Aburahimu
7Aburahimu yaakhanlhe iyaakha imia imoka ni makhumi saba ni nthanu. 8Yaarimelhe baada yo ukhalha akumi iyaakha chinchi cho uvaheriya, nkayaalhutaana ni manyaathumwanaya yaaholhenlhe. 9Achishaana aya, Naisaka ni Naishmaeli yahaavitha athumwanaya u nikhuku no Umakpela, unosha nchuwa vakhiviru ni ilhapo yo Mamre waari imata i Naefroni, anaaya Nasohari, Nhiti. 10Aburahimu yooponlhe yeyo imata iyo wa Ahiti. Wowo phi uwo waavithiye aya Aburahimu ni ahanu aya, Asara. 11Baada yo urimelha wa Aburahimu, Nlhuku ahaavaha ibarakha Naisaka anaaya Aburahimu. Ni ayo nkayaakhalha vakhiviru ni ilhushi yo Beer Lahai Roi, maana aya “Ilhushi ya uyo nkumi noona uyo.”
Iyari i Naishmaeli
(1Ikat 1:28-31)
12Achishaana a Naishmaeli anaaya Aburahimu aayanre aya wa Hajiri, namitheko nthiyana Mmisri, aari 13Nebayothi, o nttara. Akina aari Kedari, Adbeeli, Mibsamu, 14Mishma, Duma, Masa, 15Hadadi, Tema, Yeturi, Nafishi ni Kadema.
16Yayo phi achishaana ashilhopwana a Naishmaeli, aari phi ahoolhelhi o mahimo khumi ni melhi, iwani ni ittoko chaya chaachuwania wo machina aya. 17Naishmaeli yaakhanlhe iyaakha imia imoka ni makhumi mararu ni saba nkaaarimelha, nkayaalhutaana ni manyaapwiiyaya yaaholhenlhe. 18Ayari a Naishmaeli yaakhalha ilhapo aari iriyari yo ilhapo cho Uhavira ni Ushuri unosha nchuwa ilhapo yo Umisri, iphiro yo ukelha Uashuru. Yaakhalha wo uhiwaanana ni ayari akina a Aburahimu.
Uyaria u Naesau ni Nayakhobo
19Alha phi iyari ya Naisaka anaaya Aburahimu. 20Naisaka aari o iyaakha makhumi ncheshe vaathenlhe aya Narabeka, abiti Bethueli, Muaramu o ilhapo yo Padan aramu. Narabeka ayo yaari mwanrokoraya Nalaabani. 21Narabeka yaari o uhiyara, paahi etu Naisaka ahaalhepelha Apwiiya Nlhuku. Apwiiya Nlhuku nkayaapochera ulhepelha waya, Narabeka nkayaarupalha irukulhu. 22Yeyo irukulhu iyo yaari yo mavata. Ashaana ayo nkayaana ashineneru anari munthunkwani mwa Narabeka, ni ayo nkayeera, “Yakhalhaka chittu chinokhalha thoko chi chineera aya chi, nlhatuni etu no uthepa ukhalha nkumi?” Paahi nkayaarwa uwaakohani Apwiiya Nlhuku.
23Apwiiya Nlhuku nkayeera,
“Mahimo melhi ari munthunkwani mwinyu.
Ni mahimo melhi anohalha inyu waayara ayo khanowa yeewanana.
Nihimo nimoka ninowa ukhalha no machiri upwaha nihimo nikina nno,
mulhupalhe uyo nowa urumiya mitheko ni mwankani uyo.”
24Mahuku aya o wiithaphulha vaaphilhe aya, Narabeka ahaayara ashaana mavata. 25O upacha uyo aari o ukhwilha, o ikharari iruttu yonkhaye, paahi nkayaamwiihana nchina nawe Esau. 26O nayelhi uyo aayarelhe nammanre Esau uyo ikotokotto, paahi nkayaamwiihana nchina nawe Yakhobo, maana aya “o woothacha.” Ikatema vaayariacha aya ashaana ayo, Naisaka yaari ntu o iyaakha makhumi sita.
Esau noothumiha uyulhupalhe awe
27Ashaana ayo ahonnuwacha, Esau nkaakhalha ntu o ulhupatta chinene, ntu o ukhalha mwiithuphini. Yakhobo aari ntu o umaalha, ntu o ukhalha vawani. 28Paahi Naisaka ahonttuna chinene Esau wo nlhatu wo ukhuura inama cheeva awe, nansho Narabeka anttuna chinene Yakhobo.
29Nihuku nimoka, Yakhobo vaari awe aapiaka idengu, Esau ahohokolhia ulhupattani nawolhiye ithalha chinene. 30Paahi etu nkaamwiirelha Yakhobo, “Kinookhwa ithalha, chonte ukimeelhe yolhia yo ukhwilha iyo kilhie!” Tho, phi nlhatu no wiihaniya Edomu, maana aya yo “ukhwilha.”
31Yakhobo nkaakhulha, “Ukithumihereke thoko uyulhupalhe wao, wo ukhalha mwaana o nttara uwo.”
32Esau nkaakhulha, “Aye! Nansho mii kiri kharibu ukhwa, uyulhupalhe wo ukhalha mwaana o nttara urini ifaida yaani uwannyaka?”
33Yakhobo nkeera, “Ukilhupelheke etu.” Paahi Esau nkaalhupelha ni unthumihera Yakhobo ibarakha awe yo ukhalha mwaana o nttara. 34Phi vavawo Yakhobo vammanhe awe Esau nkatte ni idengu. Esau nkaalhia nka, nkaawureria maashi, nkaathama. Phi chiichammo etu, Esau vaapoterinhe awe uyulhupalhe awe yo ukhalha mwaana o nttara.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Uchokholha 25: MOT
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
The Bible Version in Makua @The Word for The World International and Makua Language translators. All rights reserved.
Uchokholha 25
25
Achishaana akina a Aburahimu
(1Ikat 1:32-33)
1Aburahimu ahaathelha opani akina, nchina naya eehaniya Naketura. 2Yayo ahaayarelha Aburahimu achishaana, Zimrani, Yokshani, Medani, Midiyani, Ishbaki ni Shuwa. 3Yokshani ahaayaracha Sheba ni Dedani. Achishaana a Dedani aari attu o Uashuru, o Uletushi ni o Uleumi. 4Achishaana a Midiyani aari, Efa, Eferi, Henoki, Abida ni Eldaa. Yayo onkhaye ayo aari uchuulhu wa Aburahimu ni ahanu aya, Naketura. 5Aburahimu ahaahiyera Naisaka nhakhu waya wonkhaye. 6Ni ikatema vaari aya bado akumi, ahaavahacha izawadi achishaana aayanre aya ni anamitheko aya ashithiyana. Nkaathamihacha ni waarweha utayi, ilhapo cho unosha nchuwa wiira ahaatamane ni mwaamwanaya, Isaka.
Urimelha ni uvithiya wa Aburahimu
7Aburahimu yaakhanlhe iyaakha imia imoka ni makhumi saba ni nthanu. 8Yaarimelhe baada yo ukhalha akumi iyaakha chinchi cho uvaheriya, nkayaalhutaana ni manyaathumwanaya yaaholhenlhe. 9Achishaana aya, Naisaka ni Naishmaeli yahaavitha athumwanaya u nikhuku no Umakpela, unosha nchuwa vakhiviru ni ilhapo yo Mamre waari imata i Naefroni, anaaya Nasohari, Nhiti. 10Aburahimu yooponlhe yeyo imata iyo wa Ahiti. Wowo phi uwo waavithiye aya Aburahimu ni ahanu aya, Asara. 11Baada yo urimelha wa Aburahimu, Nlhuku ahaavaha ibarakha Naisaka anaaya Aburahimu. Ni ayo nkayaakhalha vakhiviru ni ilhushi yo Beer Lahai Roi, maana aya “Ilhushi ya uyo nkumi noona uyo.”
Iyari i Naishmaeli
(1Ikat 1:28-31)
12Achishaana a Naishmaeli anaaya Aburahimu aayanre aya wa Hajiri, namitheko nthiyana Mmisri, aari 13Nebayothi, o nttara. Akina aari Kedari, Adbeeli, Mibsamu, 14Mishma, Duma, Masa, 15Hadadi, Tema, Yeturi, Nafishi ni Kadema.
16Yayo phi achishaana ashilhopwana a Naishmaeli, aari phi ahoolhelhi o mahimo khumi ni melhi, iwani ni ittoko chaya chaachuwania wo machina aya. 17Naishmaeli yaakhanlhe iyaakha imia imoka ni makhumi mararu ni saba nkaaarimelha, nkayaalhutaana ni manyaapwiiyaya yaaholhenlhe. 18Ayari a Naishmaeli yaakhalha ilhapo aari iriyari yo ilhapo cho Uhavira ni Ushuri unosha nchuwa ilhapo yo Umisri, iphiro yo ukelha Uashuru. Yaakhalha wo uhiwaanana ni ayari akina a Aburahimu.
Uyaria u Naesau ni Nayakhobo
19Alha phi iyari ya Naisaka anaaya Aburahimu. 20Naisaka aari o iyaakha makhumi ncheshe vaathenlhe aya Narabeka, abiti Bethueli, Muaramu o ilhapo yo Padan aramu. Narabeka ayo yaari mwanrokoraya Nalaabani. 21Narabeka yaari o uhiyara, paahi etu Naisaka ahaalhepelha Apwiiya Nlhuku. Apwiiya Nlhuku nkayaapochera ulhepelha waya, Narabeka nkayaarupalha irukulhu. 22Yeyo irukulhu iyo yaari yo mavata. Ashaana ayo nkayaana ashineneru anari munthunkwani mwa Narabeka, ni ayo nkayeera, “Yakhalhaka chittu chinokhalha thoko chi chineera aya chi, nlhatuni etu no uthepa ukhalha nkumi?” Paahi nkayaarwa uwaakohani Apwiiya Nlhuku.
23Apwiiya Nlhuku nkayeera,
“Mahimo melhi ari munthunkwani mwinyu.
Ni mahimo melhi anohalha inyu waayara ayo khanowa yeewanana.
Nihimo nimoka ninowa ukhalha no machiri upwaha nihimo nikina nno,
mulhupalhe uyo nowa urumiya mitheko ni mwankani uyo.”
24Mahuku aya o wiithaphulha vaaphilhe aya, Narabeka ahaayara ashaana mavata. 25O upacha uyo aari o ukhwilha, o ikharari iruttu yonkhaye, paahi nkayaamwiihana nchina nawe Esau. 26O nayelhi uyo aayarelhe nammanre Esau uyo ikotokotto, paahi nkayaamwiihana nchina nawe Yakhobo, maana aya “o woothacha.” Ikatema vaayariacha aya ashaana ayo, Naisaka yaari ntu o iyaakha makhumi sita.
Esau noothumiha uyulhupalhe awe
27Ashaana ayo ahonnuwacha, Esau nkaakhalha ntu o ulhupatta chinene, ntu o ukhalha mwiithuphini. Yakhobo aari ntu o umaalha, ntu o ukhalha vawani. 28Paahi Naisaka ahonttuna chinene Esau wo nlhatu wo ukhuura inama cheeva awe, nansho Narabeka anttuna chinene Yakhobo.
29Nihuku nimoka, Yakhobo vaari awe aapiaka idengu, Esau ahohokolhia ulhupattani nawolhiye ithalha chinene. 30Paahi etu nkaamwiirelha Yakhobo, “Kinookhwa ithalha, chonte ukimeelhe yolhia yo ukhwilha iyo kilhie!” Tho, phi nlhatu no wiihaniya Edomu, maana aya yo “ukhwilha.”
31Yakhobo nkaakhulha, “Ukithumihereke thoko uyulhupalhe wao, wo ukhalha mwaana o nttara uwo.”
32Esau nkaakhulha, “Aye! Nansho mii kiri kharibu ukhwa, uyulhupalhe wo ukhalha mwaana o nttara urini ifaida yaani uwannyaka?”
33Yakhobo nkeera, “Ukilhupelheke etu.” Paahi Esau nkaalhupelha ni unthumihera Yakhobo ibarakha awe yo ukhalha mwaana o nttara. 34Phi vavawo Yakhobo vammanhe awe Esau nkatte ni idengu. Esau nkaalhia nka, nkaawureria maashi, nkaathama. Phi chiichammo etu, Esau vaapoterinhe awe uyulhupalhe awe yo ukhalha mwaana o nttara.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
:
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
The Bible Version in Makua @The Word for The World International and Makua Language translators. All rights reserved.