Uchokholha 21
21
Uyaria wa Naisaka
1Apwiiya Nlhuku ahoopuwelha Asara, nkayaapangelha thoko chaalhenhe aya. 2Paahi Aburahimu anoolhuvanlhe Asara ahorupalha irukulhu nkayannyara mwaana mwanlhopwana, ikatema thoko yelhe yaaromolhiye ni Apwiiya Nlhuku. 3Aburahimu nkayammaha yoyo mwaana aya aayariye ni Asara uyo nchina na Isaka. 4Isaka vaatiminre mahuku nane, Aburahimu ahomwiinelha unyawo thoko chaalheheriye aya ni Apwiiya Nlhuku. 5Aburahimu aari o iyaakha imia imoka ikatema vannyanre aya Isaka. 6Ni Asara nkayeera, “Nlhuku hokithathelhiha, ntu riyoothe nohalha wiiwa ulha mwaha ulha nowa uthaathelha vamoka ni mii.” 7Nkayoncherera, “Apani akoonrie weerelha Aburahimu wiira, mii Asara kinowa kaamwiiha ashaana? Tho, kihaayarelha mwaana mwanlhopwana anolhuvanlhe!”
8Isaka nkaathepa wunnuwa ni nihuku naahihiye awe nipelhe, Aburahimu ahopanga isikuukuu yulhupalhe.
Asara anomwoomolha Hajiri ni mwaamwanawe
9Nihuku nimoka kaanyuma, Asara ahomwoona Ishmaeli mwaana a Aburahimu yariye ni Hajiri, Mmisri, ampangelhaka ichimwa mwaamwanaya Isaka. 10Paahi Asara nkayeerelha Aburahimu, “Mwoomolhe uwo ipotta inyu nthiyana uyo ni mwaamwanawe uyo. Khavanooria mena mwaana o nthiyana ipotta uhiyeriya nhakhu vamoka ni mwaamwanaka Isaka.” 11Nenno nlhove nno nahaahelha ihuzuni Aburahimu chinene, ukhalhawaya ni Ishmaeli uyo aari mwaamwanaya chiicho.
12Nansho Nlhuku nkeerelha Aburahimu, “Nhikelhiye ihuzuni wo nlhatu no mwaana uyo, mena ipotta inyu nthiyana uyo. Ittu iriyoothe inohalha inyu uhimeriya ni Asara, mpangeke chiicho. Wo ikekhiaye iyari inyu inohalha ukhuma wa Isaka, thoko chinre aka wo ulhehani. 13Ni wo yoyo mwaana a ipotta inyu nthiyana uyo, kinompanga ukhalha phi athumwanaya nikosho attu enchi ukhalhawaya ni uyo mwaamwaninyu.”
14Paahi etu wichishuru washeekeru, Aburahimu ahokusha yolhia ni ntumpa wo maashi, nkayammaha Hajiri ni unthatha vanikhathani, nkayaamwiirelha athame vamoka ni mwaamwanawe. Hajiri nkaathama nkaarwa athemwathemwaka uthakoni Ubeer Sheba.
15Maashi alhe vaamanlhe aya muntumpani mmwe, Hajiri ahomwaathalhelha mwaamwanawe vathi vaniphumbulhuni. 16Nkaarwa uchereshere, nkonkoma, vaaphiya mieto imia imoka cho, ukhalhawaya munrimani eera, “Mbaya kihimwoone mwaamwanaka vanokhwawe.” Ni ikatema vaari awe nakhanlhe vavawo, Hajiri ahonlha.
17Nlhuku nkaamwiiwa mwaana vonlha awe ni nnepa wa Nlhuku nkawaamwiihana Hajiri ukhuma wiirimu, nkaweera, “Hajiri, unohuvelhani? Uhoove, Nlhuku heewa nlhove no mwaamwanao vari awe vawo. 18Weemelheke, urweeke wankusheke mwaana uyo ummarelheke rata mmathathani mwao, ukhalhawaya kinompanga ukhalha athumwanaya attu enchi.” 19Nlhuku nkampatakulha Hajiri miitho, nkoona ilhushi yo maashi, nkaarwa ni urika maashi, nkaachariha ntumpa awe, nkammuriha mwaamwanawe.
20Nlhuku aari vamoka ni yoyo mwaana uyo, ni uyo nkaathepa wunnuwa. Nkaakhalha uthakoni ni ukhalha ntu o wooria ulhupatta ni muura chinene. 21Vaari awe akhalhaka uthako wo Uparani anumwanawe ahonvekiha nthiyana o ukhuma Umisri.
Malhehano a Aburahimu ni Naabimeleki
22Yeyo ikatema iyo Naabimeleki vamoka ni Nafikoli, olhupalhe o mphingo wa manyaasikari aya, ahaarweelha Aburahimu, nkayeerelha, “Nlhuku rii vamoka ni inyu wo kila ittu nnopanga inyu. 23Paahi etu nkilhupelhelheke wo nchina na Nlhuku wiira khannokithepiacha mii ama achishaana aka ama iyari aka. Thoko chineera aka wo ukhulhuvelhiya uwannyu, chiichammo etu ni inyu kuukhulhuvelhekeni, tho nkhulhuvelhiyeke ni ilha ilhapo inokhalha inyu ilha.”
24Aburahimu nkayeera, “Kinolhupelha chiicho.”
25Baada yo vavawo Aburahimu nkayaahimiacha ichuku aari aya aachukulhaka Naabimeleki vachulhu mwaha wo ilhushi yo maashi yaathurulhiye aya ni anamitheko a Naabimeleki. 26Naabimeleki nkayeerelha, “Mii akichuwenlhe apani apannge chiicho, inyu khannakihimeria, lhelho phi neewa aka yoyo mwaha uyo.”
27Paahi etu Aburahimu ikhondoro ni in'gope nkayaavaha Naabimeleki. Ni yayo attu elhi ayo nkayaapanga malhehano o munlhokoni mwaya. 28Aburahimu nkayaahaulha ashikhondoro ashithiyana saba. 29Naabimeleki nkayaakoha Aburahimu, “Nlhatu waani etu no upanga chiicho?”
30Aburahimu nkayaakhulha, “Alha ashikhondoro ashithiyana alha, kinoovahani inyuva wo moono aka kimwanene uhimiechesha wiira mii phithimpe ilha ilhushi ilha.” 31Paahi etu yeyo ilhushi iyo nkayeehaniya Beer Sheba, ukhalhawaya oyelhi aholhupelha vavawo vakittu vawo.
32Yamalhihekeru upanga malhehano ayo Ubeer Sheba uwo, Naabimeleki ni Nafikoli, olhupalhe o mphingo aya wo manyaasikari, yahothama ni uhokolhia Ufilisti. 33Aburahimu nkayaalha mmwepa Ubeer Sheba uwo nkayanthimicha Nlhuku, Nlhuku o mahuku o uhimalha. 34Aburahimu yahokhalha mwiilhaponi mwa Afilisti wo mahuku menchi.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Uchokholha 21: MOT
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
The Bible Version in Makua @The Word for The World International and Makua Language translators. All rights reserved.
Uchokholha 21
21
Uyaria wa Naisaka
1Apwiiya Nlhuku ahoopuwelha Asara, nkayaapangelha thoko chaalhenhe aya. 2Paahi Aburahimu anoolhuvanlhe Asara ahorupalha irukulhu nkayannyara mwaana mwanlhopwana, ikatema thoko yelhe yaaromolhiye ni Apwiiya Nlhuku. 3Aburahimu nkayammaha yoyo mwaana aya aayariye ni Asara uyo nchina na Isaka. 4Isaka vaatiminre mahuku nane, Aburahimu ahomwiinelha unyawo thoko chaalheheriye aya ni Apwiiya Nlhuku. 5Aburahimu aari o iyaakha imia imoka ikatema vannyanre aya Isaka. 6Ni Asara nkayeera, “Nlhuku hokithathelhiha, ntu riyoothe nohalha wiiwa ulha mwaha ulha nowa uthaathelha vamoka ni mii.” 7Nkayoncherera, “Apani akoonrie weerelha Aburahimu wiira, mii Asara kinowa kaamwiiha ashaana? Tho, kihaayarelha mwaana mwanlhopwana anolhuvanlhe!”
8Isaka nkaathepa wunnuwa ni nihuku naahihiye awe nipelhe, Aburahimu ahopanga isikuukuu yulhupalhe.
Asara anomwoomolha Hajiri ni mwaamwanawe
9Nihuku nimoka kaanyuma, Asara ahomwoona Ishmaeli mwaana a Aburahimu yariye ni Hajiri, Mmisri, ampangelhaka ichimwa mwaamwanaya Isaka. 10Paahi Asara nkayeerelha Aburahimu, “Mwoomolhe uwo ipotta inyu nthiyana uyo ni mwaamwanawe uyo. Khavanooria mena mwaana o nthiyana ipotta uhiyeriya nhakhu vamoka ni mwaamwanaka Isaka.” 11Nenno nlhove nno nahaahelha ihuzuni Aburahimu chinene, ukhalhawaya ni Ishmaeli uyo aari mwaamwanaya chiicho.
12Nansho Nlhuku nkeerelha Aburahimu, “Nhikelhiye ihuzuni wo nlhatu no mwaana uyo, mena ipotta inyu nthiyana uyo. Ittu iriyoothe inohalha inyu uhimeriya ni Asara, mpangeke chiicho. Wo ikekhiaye iyari inyu inohalha ukhuma wa Isaka, thoko chinre aka wo ulhehani. 13Ni wo yoyo mwaana a ipotta inyu nthiyana uyo, kinompanga ukhalha phi athumwanaya nikosho attu enchi ukhalhawaya ni uyo mwaamwaninyu.”
14Paahi etu wichishuru washeekeru, Aburahimu ahokusha yolhia ni ntumpa wo maashi, nkayammaha Hajiri ni unthatha vanikhathani, nkayaamwiirelha athame vamoka ni mwaamwanawe. Hajiri nkaathama nkaarwa athemwathemwaka uthakoni Ubeer Sheba.
15Maashi alhe vaamanlhe aya muntumpani mmwe, Hajiri ahomwaathalhelha mwaamwanawe vathi vaniphumbulhuni. 16Nkaarwa uchereshere, nkonkoma, vaaphiya mieto imia imoka cho, ukhalhawaya munrimani eera, “Mbaya kihimwoone mwaamwanaka vanokhwawe.” Ni ikatema vaari awe nakhanlhe vavawo, Hajiri ahonlha.
17Nlhuku nkaamwiiwa mwaana vonlha awe ni nnepa wa Nlhuku nkawaamwiihana Hajiri ukhuma wiirimu, nkaweera, “Hajiri, unohuvelhani? Uhoove, Nlhuku heewa nlhove no mwaamwanao vari awe vawo. 18Weemelheke, urweeke wankusheke mwaana uyo ummarelheke rata mmathathani mwao, ukhalhawaya kinompanga ukhalha athumwanaya attu enchi.” 19Nlhuku nkampatakulha Hajiri miitho, nkoona ilhushi yo maashi, nkaarwa ni urika maashi, nkaachariha ntumpa awe, nkammuriha mwaamwanawe.
20Nlhuku aari vamoka ni yoyo mwaana uyo, ni uyo nkaathepa wunnuwa. Nkaakhalha uthakoni ni ukhalha ntu o wooria ulhupatta ni muura chinene. 21Vaari awe akhalhaka uthako wo Uparani anumwanawe ahonvekiha nthiyana o ukhuma Umisri.
Malhehano a Aburahimu ni Naabimeleki
22Yeyo ikatema iyo Naabimeleki vamoka ni Nafikoli, olhupalhe o mphingo wa manyaasikari aya, ahaarweelha Aburahimu, nkayeerelha, “Nlhuku rii vamoka ni inyu wo kila ittu nnopanga inyu. 23Paahi etu nkilhupelhelheke wo nchina na Nlhuku wiira khannokithepiacha mii ama achishaana aka ama iyari aka. Thoko chineera aka wo ukhulhuvelhiya uwannyu, chiichammo etu ni inyu kuukhulhuvelhekeni, tho nkhulhuvelhiyeke ni ilha ilhapo inokhalha inyu ilha.”
24Aburahimu nkayeera, “Kinolhupelha chiicho.”
25Baada yo vavawo Aburahimu nkayaahimiacha ichuku aari aya aachukulhaka Naabimeleki vachulhu mwaha wo ilhushi yo maashi yaathurulhiye aya ni anamitheko a Naabimeleki. 26Naabimeleki nkayeerelha, “Mii akichuwenlhe apani apannge chiicho, inyu khannakihimeria, lhelho phi neewa aka yoyo mwaha uyo.”
27Paahi etu Aburahimu ikhondoro ni in'gope nkayaavaha Naabimeleki. Ni yayo attu elhi ayo nkayaapanga malhehano o munlhokoni mwaya. 28Aburahimu nkayaahaulha ashikhondoro ashithiyana saba. 29Naabimeleki nkayaakoha Aburahimu, “Nlhatu waani etu no upanga chiicho?”
30Aburahimu nkayaakhulha, “Alha ashikhondoro ashithiyana alha, kinoovahani inyuva wo moono aka kimwanene uhimiechesha wiira mii phithimpe ilha ilhushi ilha.” 31Paahi etu yeyo ilhushi iyo nkayeehaniya Beer Sheba, ukhalhawaya oyelhi aholhupelha vavawo vakittu vawo.
32Yamalhihekeru upanga malhehano ayo Ubeer Sheba uwo, Naabimeleki ni Nafikoli, olhupalhe o mphingo aya wo manyaasikari, yahothama ni uhokolhia Ufilisti. 33Aburahimu nkayaalha mmwepa Ubeer Sheba uwo nkayanthimicha Nlhuku, Nlhuku o mahuku o uhimalha. 34Aburahimu yahokhalha mwiilhaponi mwa Afilisti wo mahuku menchi.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
:
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
The Bible Version in Makua @The Word for The World International and Makua Language translators. All rights reserved.