Uchokholha 1
1
Wuupiya wo ilhapo
1Wo uchokholha vawo Nlhuku ahoupa irimu ni ilhapo. 2Ilhapo yaari wo uhichuwania chiri aya, wo uhikhalha ni ittu nhina. Tho, ipiphi yaari vachulhu maashi o wiisha, ni Iphumu ya Nlhuku aari nakhunenlhe vachulhu waya, eetakachaka vachulhu maashi. 3Nlhuku nkeera “Waarie, ukhalhe nkwee.” Nkawaaria, nkawaakhalha nkwee. 4Nlhuku nkaachivelhiya waaria uwo. Nkaamwalhaaniha waaria ni ipiphi, 5nkeehana waaria uwo “Uthana” ni ipiphi iyo nkeehana “Uhiyu.” Nkaweelha, nkawaasha, nenno naari nihuku no upacha.
6Nlhuku nkeera, “Ikhalhe ittu variyari maashi, imianihe maashi mipata miilhi, uno ni uno.” 7Paahi etu Nlhuku nkoupa ittu yo umianiha maashi o uchulhu ni maashi arii vathi. Nkayeeria chiicho. 8Nkeehana ittu yaamianihilhe maashi iyo, “Irimu.” Nkaweelha, nkawaasha nihuku no neyelhi.
9Nlhuku nkeera, “Maashi ari wuuthi irimu athukumaaneke vamoka ni vakittu voomilhe vakhumelhelhe.” Nkayeeria chiichammo. 10Nkeehana voomilhe vawo, “Ilhapo” ni maashi aathukumanne vamoka nkeehana “Ibahari.” Nlhuku nkoona wiira vahorera.
11Tho nkaalhehera wiira, “Ilhapo imelhe mikoko cho uyara imbeyu ni miri chinoyara imbeyu cho kila nikosho.” Nkayeeria chiicho. 12Paahi, ilhapo nkayaamelha mikoko cho kila nikosho, ni miri chinemma maphepu o imbeyu cho kila nikosho. Nlhuku nkoona wiira vahorera. 13Nkaweelha, nkawaasha, nenno nihuku no neraru.
14Nlhuku nkeera, “Chikhalhe mithuko uchulhu, chimwalhie ni umwalhaaniha uthana ni uhiyu, ikhalhe phi iphiro yo uchuwelhiha ikatema, nlhalha, mahuku ni iyaakha, 15chikhalhe mithuko chinopharelha uchulhu wiirimu, chimwalhelhe ilhapo.” Nkayeeria chiicho. 16Paahi Nlhuku nkoupa mithuko miilhi chulhupalhe, yaani nchuwa no utawara uthana ni mweeri wo utawara uhiyu, tho, nkoupa ni ittotwa. 17Nkeesha mithuko chiyo wiirimu wiira chimwalhelhe ilhapo, 18chitaware uthana ni uhiyu, nkamwalhaaniha waaria ni ipiphi. Nlhuku nkoona wiira vahorera. 19Nkaweelha, nkawaasha, nenno naari nihuku no necheshe.
20Tho Nlhuku nkeera, “Maashi achareke makosho o cho wuupiya chikumi, ni ashinuni achareke wiirimu.” 21Paahi Nlhuku nkoupa ashinama olhupalhe chinene o ubaharini onkhaye, ni kila nikosho ninokhalha mmaashini ni kila nikosho no ashinuni. Nlhuku nkoona wiira vahorera. 22Nlhuku nkaavahacha ibarakha ashinama onkhaye o mmaashini eeraka, “Mwayaraanacheke, mwonchererieke, mwachare mbaharini, ni ashinuni oncheriacheke velhaponi.” 23Nkaweelha, nkawaasha, nenno naari nihuku no nethanu.
24Tho Nlhuku nkeera, “Ilhapo ichare kila nikosho no cho wuupiya chikumi cho kila nikosho, ashinama o uhuwiya, ashimweettu o wiipurulha ni ashinama o mwiithuphini o kila nikosho.” Nkayeeria chiicho. 25Paahi Nlhuku nkoupacha makosho onkhaye o ashinama o mwiithuphini, o uhuwiya o kila nikosho, ni o wiipurulha o kila nikosho. Nlhuku nkoona wiira vahorera.
26Chiichammo tho Nlhuku nkeera, “Vano nimuupeke ntu, o ulhikaana ni hii, o ikhove ihu, ataware ihopa cho mbaharini, ashinuni o wiirimu, ashinama o velhaponi onkhaye ni ashimweettu o wiipurulha onkhaye.” 27Paahi Nlhuku ahomwuupa ntu wo ulhikaana ni mwanene Nlhuku. Eiyo, wo ulhikaana ni mwanene Nlhuku, ahomuupa ntu. Ahoupa nlhopwana ni nthiyana. 28Nlhuku nkaavahacha ibarakha ni weerelha, “Mwayaraaneke munchererieke, mwacharihe ilhapo ni utawara kila ittu. Kinouvahani ikuru yo utawara ihopa ni ashinuni ni ashinama onkhaye arii velhaponi.”
29Yamalheke vavawo, Nlhuku nkeerelhacha, “Kinouvahani kila nikosho no ntepo ninemma ni kila mwiri unoyara maphepu o imbeyu, wiira imbeyu chiyo ama maphepu aya ayo akhalheke phi yolhia inyu. 30Nansho ashinama onkhaye o velhaponi ni ashinuni onkhaye ni ashimweettu aneepurulha, eiyo, kila yowuupiya ikumi kihaavaha manyashi ni mathaakhuru aya o ulhia.” Nkayeeria chiicho. 31Nlhuku nkaaweha chittu chonkhaye chuupilhe awe, nkoona chihokhalha chorera chinene. Nkaweelha, nkawaasha, nenno nihuku no sita.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Uchokholha 1: MOT
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
The Bible Version in Makua @The Word for The World International and Makua Language translators. All rights reserved.
Uchokholha 1
1
Wuupiya wo ilhapo
1Wo uchokholha vawo Nlhuku ahoupa irimu ni ilhapo. 2Ilhapo yaari wo uhichuwania chiri aya, wo uhikhalha ni ittu nhina. Tho, ipiphi yaari vachulhu maashi o wiisha, ni Iphumu ya Nlhuku aari nakhunenlhe vachulhu waya, eetakachaka vachulhu maashi. 3Nlhuku nkeera “Waarie, ukhalhe nkwee.” Nkawaaria, nkawaakhalha nkwee. 4Nlhuku nkaachivelhiya waaria uwo. Nkaamwalhaaniha waaria ni ipiphi, 5nkeehana waaria uwo “Uthana” ni ipiphi iyo nkeehana “Uhiyu.” Nkaweelha, nkawaasha, nenno naari nihuku no upacha.
6Nlhuku nkeera, “Ikhalhe ittu variyari maashi, imianihe maashi mipata miilhi, uno ni uno.” 7Paahi etu Nlhuku nkoupa ittu yo umianiha maashi o uchulhu ni maashi arii vathi. Nkayeeria chiicho. 8Nkeehana ittu yaamianihilhe maashi iyo, “Irimu.” Nkaweelha, nkawaasha nihuku no neyelhi.
9Nlhuku nkeera, “Maashi ari wuuthi irimu athukumaaneke vamoka ni vakittu voomilhe vakhumelhelhe.” Nkayeeria chiichammo. 10Nkeehana voomilhe vawo, “Ilhapo” ni maashi aathukumanne vamoka nkeehana “Ibahari.” Nlhuku nkoona wiira vahorera.
11Tho nkaalhehera wiira, “Ilhapo imelhe mikoko cho uyara imbeyu ni miri chinoyara imbeyu cho kila nikosho.” Nkayeeria chiicho. 12Paahi, ilhapo nkayaamelha mikoko cho kila nikosho, ni miri chinemma maphepu o imbeyu cho kila nikosho. Nlhuku nkoona wiira vahorera. 13Nkaweelha, nkawaasha, nenno nihuku no neraru.
14Nlhuku nkeera, “Chikhalhe mithuko uchulhu, chimwalhie ni umwalhaaniha uthana ni uhiyu, ikhalhe phi iphiro yo uchuwelhiha ikatema, nlhalha, mahuku ni iyaakha, 15chikhalhe mithuko chinopharelha uchulhu wiirimu, chimwalhelhe ilhapo.” Nkayeeria chiicho. 16Paahi Nlhuku nkoupa mithuko miilhi chulhupalhe, yaani nchuwa no utawara uthana ni mweeri wo utawara uhiyu, tho, nkoupa ni ittotwa. 17Nkeesha mithuko chiyo wiirimu wiira chimwalhelhe ilhapo, 18chitaware uthana ni uhiyu, nkamwalhaaniha waaria ni ipiphi. Nlhuku nkoona wiira vahorera. 19Nkaweelha, nkawaasha, nenno naari nihuku no necheshe.
20Tho Nlhuku nkeera, “Maashi achareke makosho o cho wuupiya chikumi, ni ashinuni achareke wiirimu.” 21Paahi Nlhuku nkoupa ashinama olhupalhe chinene o ubaharini onkhaye, ni kila nikosho ninokhalha mmaashini ni kila nikosho no ashinuni. Nlhuku nkoona wiira vahorera. 22Nlhuku nkaavahacha ibarakha ashinama onkhaye o mmaashini eeraka, “Mwayaraanacheke, mwonchererieke, mwachare mbaharini, ni ashinuni oncheriacheke velhaponi.” 23Nkaweelha, nkawaasha, nenno naari nihuku no nethanu.
24Tho Nlhuku nkeera, “Ilhapo ichare kila nikosho no cho wuupiya chikumi cho kila nikosho, ashinama o uhuwiya, ashimweettu o wiipurulha ni ashinama o mwiithuphini o kila nikosho.” Nkayeeria chiicho. 25Paahi Nlhuku nkoupacha makosho onkhaye o ashinama o mwiithuphini, o uhuwiya o kila nikosho, ni o wiipurulha o kila nikosho. Nlhuku nkoona wiira vahorera.
26Chiichammo tho Nlhuku nkeera, “Vano nimuupeke ntu, o ulhikaana ni hii, o ikhove ihu, ataware ihopa cho mbaharini, ashinuni o wiirimu, ashinama o velhaponi onkhaye ni ashimweettu o wiipurulha onkhaye.” 27Paahi Nlhuku ahomwuupa ntu wo ulhikaana ni mwanene Nlhuku. Eiyo, wo ulhikaana ni mwanene Nlhuku, ahomuupa ntu. Ahoupa nlhopwana ni nthiyana. 28Nlhuku nkaavahacha ibarakha ni weerelha, “Mwayaraaneke munchererieke, mwacharihe ilhapo ni utawara kila ittu. Kinouvahani ikuru yo utawara ihopa ni ashinuni ni ashinama onkhaye arii velhaponi.”
29Yamalheke vavawo, Nlhuku nkeerelhacha, “Kinouvahani kila nikosho no ntepo ninemma ni kila mwiri unoyara maphepu o imbeyu, wiira imbeyu chiyo ama maphepu aya ayo akhalheke phi yolhia inyu. 30Nansho ashinama onkhaye o velhaponi ni ashinuni onkhaye ni ashimweettu aneepurulha, eiyo, kila yowuupiya ikumi kihaavaha manyashi ni mathaakhuru aya o ulhia.” Nkayeeria chiicho. 31Nlhuku nkaaweha chittu chonkhaye chuupilhe awe, nkoona chihokhalha chorera chinene. Nkaweelha, nkawaasha, nenno nihuku no sita.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
:
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
The Bible Version in Makua @The Word for The World International and Makua Language translators. All rights reserved.