MIINIIÑ 17
17
Tesolonika ho
1Siisi mohlu Ampipolis la Apolonia mi impo biikele, mohlu Tesolonika ho ahtii, nohna Jew atañ sinagog dotii nii. 2Ho Pol ura ho ahtii, dumiñ mohka miiju ho, ho kanualo tahiñhepa mo mohlumi cheriila lyitii piniipota mi, 3lukola ho jijeke Kristo heru hembi dopa lyineke ho shiiniiñ hokii turiturku dopa, ho lubiidola, “Siika Jisu, humina ngo nunumi gyuko donii, hii Kristo ke.” 4Ho tonge mi lyartiiku, ho Pol la Sailas ko adiñ montii; niitañpa abuje henjenii Grik atañ miinyatii ho impyo giinii annii akha atañ. 5Hojalo Jew atañ kariñ nyatii, ho diimmah chekho nii tonge mi gyogiitii, mohlu miyuabuje dakuñ giitii, citi atañmi hadiidopa lupa giitii, ho Jason ka ude mi paya hatii, mela mohlumi miyuatañ ko seliñ bidu pa hiila. 6Ho mohlumi mepalama miila lala, mohlu Jason mi seliñ biitii ho anubarmii tonge mi citi ka otority ko, gyubii dola, “Siika miyuatañ sike dohadolo mi kuluparji miigiibo sike ahlyi take, 7ho Jason mohlumi kariitii; ho mohlu hikha sokiñla miitii Kesar ka dapo mi chekho donii hiilyañ, lubiidola koneya radde du, Jisu.” 8Ho miyuatañ la citi otority atañ henga henkha ritii siimi tapa lala. 9Ho mohlu Jason la khiibe atañ kokii tiipya nanii tiicko laku lala, mohlumi inke nentii ku.
Beria ho
10Anubarmii atañ nyibya loda Pol la Silas nyimi ayoh ho Beroea ho kiiniñ nempatii; ho mohlu ahchi biikele mohlu Jew atañka sinagog ho ahtii. 11Siisi siika Jew atañ Tesolonika hokii hempḛr hela lyartii, niimpalukoda mohlu aguñmi hempḛr talii biidola lariitii, piniipota mi kiirañ kakala jije hiila luja siido ha hiila. 12Abuje hopa henje nyatii, Grik annii akha khiiko laka dunii atañ tiirḛ lama henjematii ho milobo atañ tiirḛ 13Hojalo Tesolonika daka Jew atañ chimpa lala Pinii aguñmi Pol Beroea hotiirḛ gyuko biido hiila, mohlu hiiko hotiirḛ ahtii, luhu luhala ho miyu atañmi lurutii. 14Ho anubarmii atañ nyibya loda Pol mi kiiniñ tiiku yasie siimie lembo pa, hojalo Sailas la Timoti nyi hiiko datiirañ. 15Hutiina Pol mi ingii tiinii Aten ho mohmi ahgiitii; ho Sailas la Timoti nyimi tiirḛ ahgiiya niimkane nyibya ahla kendo hiila lulii niimi tagiila, mohlu intiiku.
Aten ho
16Siisi Pol Aten ho mohlumi kalyala dakele, mohka yajiyallo mohka ura ho mohmi lula dotii, mo kappatii citi ho poteje miichinii dotii. 17ho mo sinagog ho Jew atañ la henjenii miyuatañ agiñho cheriitii, ho biijḛr lengoho allo dadu mi, humina hiiko kapa talyi nii. 18Tonge Epikurean hokii tiirḛ ho Yanu tonsḛrbo miilañ mohmi kappatii. Ho tange lutii, “Nii pe siika perepere lunii bosi luda nii?” Tonge lutii, “Mo kakoso nyibo uyi atañka tonsḛrkhenyo niihpe hendo” niimpalukoda mo Jisu la turiturku kuniiñ mi tonsḛr khenyoda. 19Ho mohlu mohmi sebiila ho mohmi Areopagus ko selii biitii, lubiidola, “Ngunu chila kendo peha niihpe siika niti tonsḛr niisi nii mina no lukodanii? 20Niimpalukoda no kachiñtachiñ manii drih atañmi ngunu yaroo ho agiida; ngunu hopa chinna do nii hiisa niimipe siika atañsi.” 21Siisi hikha Aten miyuatañ ho nyibo atañ hutiina hiiko dutiinii mohluka myodu mi hang miimapa hiimi kontii tonsḛr siila malo ngoya niti drih tapa la lyido.
22Hopa Pol, Areopagus ka liipa ho dala, lutii: Aten daka miyuatañ, ngo hela biido kapa kohe nunu hempḛr uyi mi henjenii. 23Niimpalukoda ngo impo biikele, ho nunuka heriinii drih mi kadi kiile, ngo kapado agyañ siika miichiniimi giitola, Kachiñmanii uyi. Hopa nii mina nunu chimapa herii donii, hiimike ngo nunumi gyuko dunii. 24Pinii huna dohadolo mi putiinii ho hiiko hoka kapanehemi, dariiganda la kiiddiapiñ nyika Attoh, miyu ka punii ude ho duma ke, 25malo miyu ka alah lotrḛ miiho komake, ma mo hang anna la lyima, niimpalukoda mo ya hikha miyu atañmi sango, allyisanii ho kapane hemi ka binii. 26Ho mo kone hokii kapane gandaho miyu mi sandopa putii hikha kiiddiapiñ so, hemmyo tokula dotii myodumyolo ho no lohe pana mohluka santrḛgyatrḛ, 27niimpalukoda mohlumi Pinii mi meke nendupa hiila, hiila hela mohlumi mohka kiiliñho henke nendupa ho mohmi mepa kiinedupa. Hojalo mo ngunu punko hokii adho ho dama ke, 28niimpalukoda
Mohko ngunu sando ho salha do ho ngunu sango hii do;
nunuka kolobiisieniiñ tonge tiirḛ lutii,
Niimpalukoda ngunu mohka ohoasi lodake.
29Pinii ka ohoasi pa lyilyila, ngunu hiila henkiñma Pinii hii rupu chuli kendo hiila, malo ayyiñ chuli, malo yalañ, kapupaka miichinii ho miyu heniiñchuli hiila. 30Henchiñ mapa ka myodu mi Pinii kagotii, hojalo siisi mo hikha miyu atañmi kapane hokiimi henkur tote hiila ludo, 31niimpalukoda mo allo mi khiimyo tokula doku mo ayakacho mi kadupa dohadolo daka denkimi miyu atañmi kagiñ nala humina mo kahetiinii, ho shiipa mo hikha miyu atañmi bitiiku mohmi shiiniiñ hokii turiturku kiine lala.
32Siisi mohlu shiinii ka turiturku kunii mi tapa lala, tonge nyapatii; hojalo tonge lutii, “Ngunu hiira siimi niiko hokii tachi.” 33Ho Pol mohluko hokii ago lintii. 34Hojalo miyu tonge mohko ahbotii ho henjetii, hoka ahbonii atañ Areopagite ka Dionysius ho annii akha Damaris hiila armyañ ho mohluka agiñ khiibemiyu miilañ.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
MIINIIÑ 17: APATBSI
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.
MIINIIÑ 17
17
Tesolonika ho
1Siisi mohlu Ampipolis la Apolonia mi impo biikele, mohlu Tesolonika ho ahtii, nohna Jew atañ sinagog dotii nii. 2Ho Pol ura ho ahtii, dumiñ mohka miiju ho, ho kanualo tahiñhepa mo mohlumi cheriila lyitii piniipota mi, 3lukola ho jijeke Kristo heru hembi dopa lyineke ho shiiniiñ hokii turiturku dopa, ho lubiidola, “Siika Jisu, humina ngo nunumi gyuko donii, hii Kristo ke.” 4Ho tonge mi lyartiiku, ho Pol la Sailas ko adiñ montii; niitañpa abuje henjenii Grik atañ miinyatii ho impyo giinii annii akha atañ. 5Hojalo Jew atañ kariñ nyatii, ho diimmah chekho nii tonge mi gyogiitii, mohlu miyuabuje dakuñ giitii, citi atañmi hadiidopa lupa giitii, ho Jason ka ude mi paya hatii, mela mohlumi miyuatañ ko seliñ bidu pa hiila. 6Ho mohlumi mepalama miila lala, mohlu Jason mi seliñ biitii ho anubarmii tonge mi citi ka otority ko, gyubii dola, “Siika miyuatañ sike dohadolo mi kuluparji miigiibo sike ahlyi take, 7ho Jason mohlumi kariitii; ho mohlu hikha sokiñla miitii Kesar ka dapo mi chekho donii hiilyañ, lubiidola koneya radde du, Jisu.” 8Ho miyuatañ la citi otority atañ henga henkha ritii siimi tapa lala. 9Ho mohlu Jason la khiibe atañ kokii tiipya nanii tiicko laku lala, mohlumi inke nentii ku.
Beria ho
10Anubarmii atañ nyibya loda Pol la Silas nyimi ayoh ho Beroea ho kiiniñ nempatii; ho mohlu ahchi biikele mohlu Jew atañka sinagog ho ahtii. 11Siisi siika Jew atañ Tesolonika hokii hempḛr hela lyartii, niimpalukoda mohlu aguñmi hempḛr talii biidola lariitii, piniipota mi kiirañ kakala jije hiila luja siido ha hiila. 12Abuje hopa henje nyatii, Grik annii akha khiiko laka dunii atañ tiirḛ lama henjematii ho milobo atañ tiirḛ 13Hojalo Tesolonika daka Jew atañ chimpa lala Pinii aguñmi Pol Beroea hotiirḛ gyuko biido hiila, mohlu hiiko hotiirḛ ahtii, luhu luhala ho miyu atañmi lurutii. 14Ho anubarmii atañ nyibya loda Pol mi kiiniñ tiiku yasie siimie lembo pa, hojalo Sailas la Timoti nyi hiiko datiirañ. 15Hutiina Pol mi ingii tiinii Aten ho mohmi ahgiitii; ho Sailas la Timoti nyimi tiirḛ ahgiiya niimkane nyibya ahla kendo hiila lulii niimi tagiila, mohlu intiiku.
Aten ho
16Siisi Pol Aten ho mohlumi kalyala dakele, mohka yajiyallo mohka ura ho mohmi lula dotii, mo kappatii citi ho poteje miichinii dotii. 17ho mo sinagog ho Jew atañ la henjenii miyuatañ agiñho cheriitii, ho biijḛr lengoho allo dadu mi, humina hiiko kapa talyi nii. 18Tonge Epikurean hokii tiirḛ ho Yanu tonsḛrbo miilañ mohmi kappatii. Ho tange lutii, “Nii pe siika perepere lunii bosi luda nii?” Tonge lutii, “Mo kakoso nyibo uyi atañka tonsḛrkhenyo niihpe hendo” niimpalukoda mo Jisu la turiturku kuniiñ mi tonsḛr khenyoda. 19Ho mohlu mohmi sebiila ho mohmi Areopagus ko selii biitii, lubiidola, “Ngunu chila kendo peha niihpe siika niti tonsḛr niisi nii mina no lukodanii? 20Niimpalukoda no kachiñtachiñ manii drih atañmi ngunu yaroo ho agiida; ngunu hopa chinna do nii hiisa niimipe siika atañsi.” 21Siisi hikha Aten miyuatañ ho nyibo atañ hutiina hiiko dutiinii mohluka myodu mi hang miimapa hiimi kontii tonsḛr siila malo ngoya niti drih tapa la lyido.
22Hopa Pol, Areopagus ka liipa ho dala, lutii: Aten daka miyuatañ, ngo hela biido kapa kohe nunu hempḛr uyi mi henjenii. 23Niimpalukoda ngo impo biikele, ho nunuka heriinii drih mi kadi kiile, ngo kapado agyañ siika miichiniimi giitola, Kachiñmanii uyi. Hopa nii mina nunu chimapa herii donii, hiimike ngo nunumi gyuko dunii. 24Pinii huna dohadolo mi putiinii ho hiiko hoka kapanehemi, dariiganda la kiiddiapiñ nyika Attoh, miyu ka punii ude ho duma ke, 25malo miyu ka alah lotrḛ miiho komake, ma mo hang anna la lyima, niimpalukoda mo ya hikha miyu atañmi sango, allyisanii ho kapane hemi ka binii. 26Ho mo kone hokii kapane gandaho miyu mi sandopa putii hikha kiiddiapiñ so, hemmyo tokula dotii myodumyolo ho no lohe pana mohluka santrḛgyatrḛ, 27niimpalukoda mohlumi Pinii mi meke nendupa hiila, hiila hela mohlumi mohka kiiliñho henke nendupa ho mohmi mepa kiinedupa. Hojalo mo ngunu punko hokii adho ho dama ke, 28niimpalukoda
Mohko ngunu sando ho salha do ho ngunu sango hii do;
nunuka kolobiisieniiñ tonge tiirḛ lutii,
Niimpalukoda ngunu mohka ohoasi lodake.
29Pinii ka ohoasi pa lyilyila, ngunu hiila henkiñma Pinii hii rupu chuli kendo hiila, malo ayyiñ chuli, malo yalañ, kapupaka miichinii ho miyu heniiñchuli hiila. 30Henchiñ mapa ka myodu mi Pinii kagotii, hojalo siisi mo hikha miyu atañmi kapane hokiimi henkur tote hiila ludo, 31niimpalukoda mo allo mi khiimyo tokula doku mo ayakacho mi kadupa dohadolo daka denkimi miyu atañmi kagiñ nala humina mo kahetiinii, ho shiipa mo hikha miyu atañmi bitiiku mohmi shiiniiñ hokii turiturku kiine lala.
32Siisi mohlu shiinii ka turiturku kunii mi tapa lala, tonge nyapatii; hojalo tonge lutii, “Ngunu hiira siimi niiko hokii tachi.” 33Ho Pol mohluko hokii ago lintii. 34Hojalo miyu tonge mohko ahbotii ho henjetii, hoka ahbonii atañ Areopagite ka Dionysius ho annii akha Damaris hiila armyañ ho mohluka agiñ khiibemiyu miilañ.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
:
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.