Ibada Mulian 20ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

“Gau MARON Deo togo, toa nabada go ga tnan Isip. Ngan tibur toa oa mugaeai tipakala go ta eao kakado led naurata paeaeanga. “Irangrang ngan deo eta pade iman am deo mao. Gau kekelegau naman am Deo.

“Irangrang ngan eao kado lem deo eta aea namer mao. Be kado danga eta pade aea namer mao pade. Danga eta ienono buburiai, mao tanoeai, mao ngan eau gadio tanoeai, irangrang ngan eao kado aea namer mao. Be irangrang ngan eao kor aem ngan gid deo padengada mao ga soa edad mao pade. Ngansa gau, MARON Deo togo, naparpar tau ta irangrang ngan nalongean deo eta pade ibada mulig mao. Be sapadua lolod paeamao ngan gau, gid led idil paeamao ienono matageai, ta gau ga napanas gid ngan led kadonga sat ga napanas led gergeu ga tibutibud ga led sasasa pade.

“Manta lolon ngan tamam ga tnam ta nasi linged. Oangga eao kado toa bedaoa, eine eao ga mamado mole ngan tano toa am MARON Deo iuangga ipan ga iman am.

“Eao manta matam nanan kemi Ado Earainga aea ta lolon ngan ado toa oa aea ul.

“Irangrang ngan eao oato am MARON Deo ieda sapaean mao. Ngansa gau MARON ga napanas sapadua toa tiuatoato edag sapaean.

Ngan ado toa lima ga ede ne, eao ga kado lem naurata toa ngada ne. Be ado lima ga rua aea, eine Ado Earainga aea ton am MARON Deo. Ngan ado toaiua, irangrang ngan eao kado naurata eta mao. Be lem gergeu arangaranga ga taine, ga lem paeaeanga arangaranga ga taine, ga lem masilau mud, ga panua ngan tibur padengada toa timamado pago, gimi toa ngada ne arangrang ngan akado naurata eta ngan ado toaiua mao.

“Irangrang ngan eao ngale ga kim luma ton eaba ede pade mao, ga ngale ga kim iadaoa mao, ga ngale ele paeaeanga arangaranga ga taine mao, ga ngale ele bulmakao ga donki mao, ga ngale ele danga sisid padengada mao pade.”

“Oangga eao madid ngan posanga, irangrang ngan eao pakaka ta sol lem eaba ede pade ngan posanga sapaean mao.

“Irangrang ngan eao paeabu ngan oainga ngan kadonga arala mao.

“Irangrang ngan eao pamate eaba ede pade mao.

“Irangrang ngan eao lublub mao.