Hlɔ̌manu 8ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Mǐ tunwun ɖɔ mɛ e yí wǎn nú Mawu lɛ́ɛ ɔ́, mɛ e é ylɔ́ ɖo tito tɔn mɛ lɛ́ɛ ɔ́, nǔ e nɔ jɛ dó yě jǐ lɛ́ɛ bǐ ɔ́, ɖagbe wɛ é nɔ dó wá nú yě.

Đó un ɖeji ɖɔ nǔ ɖěbǔ kún sixú ɖe mǐ ɖó vo nú wǎn yíyí tɔn ó: mǐ ɖo gbɛ oo, mǐ ɖo kú oo, nǔ ɖěbǔ sixú ɖe mǐ ɖó vo nú wǎn yíyí tɔn ǎ; wɛnsagun lɛ́ɛ, acɛkpikpa lɛ́ɛ, kpódó hlɔ̌nhlɔ́n e ɖo jǐxwé lɛ́ɛ ɖěbǔ kpó sixú ɖe mǐ ɖó vo nú wǎn yíyí tɔn ǎ; mɔ̌ jɛ́n nǔ e ɖo jijɛ wɛ égbé lɛ́ɛ, kpódó éé ná wá jɛ sɔ lɛ́ɛ é kpán ma sixú ɖe mǐ ɖó vo nú wǎn yíyí tɔn ǎ é nɛ́. Nǔ e ɖo hwe glɔ́ lɛ́ɛ kpó nǔ e ɖo ayǐkúngban glɔ́ lɛ́ɛ é kpó, kpódó nǔ ɖěvo e è blǒ é ɖěbǔ kpán sixú ɖe mǐ ɖó vo nú wǎn yíyí e Mawu ɖe xlɛ́ mǐ gbɔn Aklúnɔ mǐtɔn Klísu Jezu jí é ǎ.

Mɔ̌ ɖokpó ɔ́, Yɛsinsɛn lɔ nɔ gɔ́ alɔ nú mǐ ɖo gǎnmaɖó mǐtɔn mɛ, ɖó mǐ nyɔ́ ɖɛ xo lě e é jɛ xá gbɔn é ǎ; lo ɔ́, Yɛ ɔ́ ɖésú nɔ xo ɖɛ dó ta mǐtɔn mɛ kpódó azɔnwinwɛn e è ma sixú ɖɔ ǎ é kpó.

Đo nǔ énɛ́ lɛ́ɛ bǐ mɛ ɔ́, étɛ́ mǐ ka na lɛ́ ɖɔ? Ényí Mawu ɖo mǐ jí ɔ́, mɛ ɖěbǔ sixú wa nǔ ɖěbǔ nú mǐ ǎ.

Hǔn din ɔ́, hwɛɖónúmɛ sɔ́ ɖe nú mɛ e ɖo bǔ xá Klísu Jezu lɛ́ɛ ǎ.

Ényí ayixa mɛtɔn ɖo hwɛhuhu sín nǔ lɛ́ɛ jí ɔ́, kú wɛ é nɔ kplá mɛ yi; ayixa mɛtɔn ka ɖo Yɛsinsɛn sín nǔ lɛ́ɛ jí ɔ́, é nɔ kplá mɛ bɔ è nɔ mɔ gbɛ, bó nɔ mɔ fífá.

Lo ɔ́, nǔ énɛ́ lɛ́ɛ bǐ ɖo jijɛ wɛ, có Klísu e yí wǎn nú mǐ ɔ́ dó alɔ mǐ, bɔ mǐ ɖó ɖuɖéjí bǐ gbídígbídí.

Un mɔ ɖɔ nǔ e ɖo mǐ gbo wɛ ɖo hwenu e mǐ ɖe din ɔ́, è kún sixú jlɛ́ dó susu e Mawu ná wá ɖe xlɛ́ mǐ ɔ́ wú ó.

Étɛ́ ka sixú ɖe mǐ ɖó vo nú wǎn yíyí e Klísu ɖó nú mǐ é? Wǔvɛ́mimɔ wɛ a, nukúnmyámɛ wɛ a, yadónúmɛ wɛ a, xovɛ́ wɛ a, avɔvúnmɛ wɛ a, afɔkú wɛ a, kúdán wɛ a?

Bɔ Mawu e nɔ mɔ nukúnnú jɛ ayi mɛ ɔ́ mɔ nukúnnú jɛ nǔ e Yɛsinsɛn jló ná byɔ́ ɔ́ wú, ɖó Yɛ nɔ xo ɖɛ lě e Mawu jló gbɔn ɔ́ nú mɛ e nyí Mawu tɔn lɛ́ɛ é.

Mɛ e Yɛ Mawu tɔn nɔ́ xlɛ́ ali lɛ́ɛ bǐ wɛ nyí Mawu ví.

Nǔgbó ɔ́, mɛ e nɔ zán gbɛ lě e hwɛhuhu sín ninɔmɛ e mǐ ɖó ɔ́ jló gbɔn lɛ́ɛ ɔ́, ninɔmɛ hwɛhuhu tɔn sín nǔ lɛ́ɛ jí wɛ ayixa yětɔn nɔ́ nɔ; lo ɔ́, mɛ e nɔ zán gbɛ lě e Yɛsinsɛn jló gbɔn lɛ́ɛ ɔ́, Yɛsinsɛn sín nǔ lɛ́ɛ jí wɛ ayixa yětɔn nɔ́ nɔ.

Éyɛ́ mɛ e ma hwlɛ́n Vǐ é ɖésúnɔ tɔn ǎ, bó sɔ́ ɛ jó dó mǐ bǐ tamɛ ɔ́, nɛ̌ é ma ka ná ná nǔ bǐ mǐ kpó Vǐ tɔn kpó ǎ gbɔn?

Yɛ Mawu tɔn ɖésú ko yí gbe dó nǔ e yɛ mǐtɔn ɖɔ ɔ́ jí ɖɔ mǐ nyǐ Mawu ví. Ée é nyí ɖɔ vǐ tɔn wɛ mǐ nyí é ɔ́, mǐ ná ɖó mǐmá ɖo ɖagbe e é sɔ́ ɖ'ayǐ nú togun tɔn ɔ́ mɛ, bó ná lɛ́ ɖó ɖagbe énɛ́ xá Klísu. Đó ényí mǐ ji ya xá Klísu ɔ́, mǐ ná lɛ́ ɖó mǐmá ɖo susu tɔn mɛ.

Mɛ e jí ninɔmɛ hwɛhuhu tɔn sín nǔ lɛ́ɛ nɔ ɖu gǎn ɖe lɛ́ɛ ɔ́, kɛntɔ́ Mawu tɔn wɛ yě nyǐ; ɖó yě nɔ yí gbe bó nɔ́ nɔ Mawusɛ́n ɔ́ sín acɛ mɛ ǎ; yě ka sixú kpé wú lɔ ǎ.

Nǔ e è blǒ lɛ́ɛ bǐ wɛ ɖo te, bó ɖó jló ɖaxó, bó ná mɔ hwenu e Mawu ná ɖe vǐ tɔn lɛ́ɛ xlɛ́ dó é.

Nǔgbó ɔ́, mǐ tunwun ɖɔ káká jɛ din ɔ́, nǔ e è blǒ lɛ́ɛ bǐ wɛ ɖo azɔn wɛn wɛ, bó ɖo wǔvɛ́ mɔ wɛ nyɔ̌nu ɖo ajidonu ɖɔhun.