Hlɔ̌manu 6ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Đó axɔ́ e hwɛhuhu nɔ sú mɛ ɔ́ wɛ nyí kú; amɔ̌ nǔ e Mawu nɔ ná mɛ vɔ̌nu ɔ́ wɛ nyí gbɛ mavɔ mavɔ e mǐ ɖó ɖo bǔ e mǐ ɖe xá Klísu Jezu Aklúnɔ mǐtɔn mɛ é.

Đó hwɛhuhu ná ɖó acɛ ɖo mi jí ǎ; ɖó mi sɔ́ ɖo sɛ́n ɔ́ sín acɛ mɛ ǎ; lo ɔ́, fɛ́nú Mawu tɔn mɛ wɛ mi ɖe.

Hwenu e è lɛ yɛhwesin nú mǐ ɔ́, mǐ kú xá Klísu, bɔ è ɖi mǐ kpó e kpó, bónú lě e Mawu Tɔ́ ɔ́ sɔ́ hlɔ̌nhlɔ́n tɔn susunɔ ɔ́ dó fɔ́n Klísu ná ɔ́, mɔ̌ ɖokpó ɔ́, mǐ lɔ ná zán gbɛ yɔ̌yɔ́.

Mi ma sɔ́ miɖée dó wa azɔ̌ nú hwɛhuhu azɔ̌wanú e nɔ wa nǔ agɔ lɛ́ɛ é ɖɔhun ó; é nyɔ́ wa ɔ́, mi sɔ́ miɖée jó nú Mawu, ɖó mɛ e fɔ́n sín kú é wɛ mi nyí; mi sɔ́ miɖée bǐ jó nú azɔ̌ tɔn, azɔ̌wanú e nɔ wa nǔ jlɔ́jlɔ́ lɛ́ɛ é ɖɔhun.

Mǐ tunwun ganjí ɖɔ gbɛtɔ́ e mǐ ko nyí ɖ'ayǐ ɔ́, ká wɛ è ko ká gbɛtɔ́ énɛ́ kpódó Klísu kpó nyi aklúzu jí, bó ná sú kún dó nú hwɛhuhu sín ninɔmɛ e mǐ ɖó ɖ'ayǐ é, bónú mǐ ma sɔ́ nyí kannumɔ nú hwɛhuhu ɖě ó.

Mɔ̌ ɖokpó ɔ́, ɖo bǔ e mǐ ɖe xá Klísu Jezu ɔ́ mɛ ɔ́, mi lɔmɔ̌ mi ní nɔ mɔ miɖée dó mɔ mɛ e ko kú ɖo hwɛhuhu sín alixo ɔ́ na bo nɔ mɔ miɖée dó mɔ mɛ e ɖo gbɛ nú Mawu ɔ́ ná.

Étɛ́ mǐ ka ná ɖɔ din? Mǐ nǎ ɖo gbɛ ɖo hwɛ mɛ tɛgbɛ bónú fɛ́nú Mawu tɔn ní túnflá wɛ a? Gbeɖé kpɔ́n! Đo hwɛhuhu sín alixo ɔ́, mǐ kó kú; bɔ nɛ̌ mǐ ka ná lɛ́ kpo ɖo hwɛ hu wɛ gbɔn?

Mi tunwun ganjí ɖɔ ényí mi jó miɖée dó kannumɔ ɖɔhun nú mɛɖé, bó ná se tónú n'i ɔ́, kannumɔ mɛ e se tónú ná wɛ mi ɖe ɔ́ tɔn wɛ mi nyí. É sixú nyí hwɛhuhu e nɔ kplá mɛ yi kú é; é ka sixú nyí tónúse nú Mawu e nɔ sɔ́ mɛ dó húzú hwɛjijɔnɔ ɖo Mawu nukún mɛ é.

Lo ɔ́, è ní kpa susu nú Mawu! Mi mɛ e ko nyí kannumɔ nú hwɛhuhu ɖ'ayǐ ɔ́, din ɔ́, mi se tónú kpódó ayixa mitɔn bǐ sésé kpo nú kpɔ́ndéwú e ɖo kplɔ́n e mi yí ɔ́ mɛ é. È hwlɛ̌n mi gán sín hwɛ sín acɛ mɛ, bɔ mi húzú kannumɔ nú hwɛjijɔ.