Maki 8ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Đó mɛ e jló ná hwlɛ́n gbɛ éɖée tɔn gán ɔ́, gbɛ tɔn ná bú dó e; mɛ e ka ná hɛn gbɛ tɔn bú ɖó nyɛ kpó Wɛn Ɖagbe ɔ́ kpó wútu ɔ́, ná hwlɛ́n gbɛ tɔn gán.

Mɛ e gbɛ ɔ́ bǐ ná nyí étɔn, lobɔ gbɛ é ɖésúnɔ tɔn ná bú dó e ɔ́, le tɛ́ wɛ ka ɖ'é mɛ n'i?

Jezu ka ylɔ́ ahwan ɔ́ kpódó ahwanvú tɔn lɛ́ɛ kpó, bó ɖɔ nú yě ɖɔ: “Ényí mɛɖé jló ná xwedó mì hǔn, ní jó tito é ɖésúnɔ tɔn lɛ́ɛ dó, bó ɖíɖá aklúzu tɔn , bó xwedó mì.

Ani wɛ gbɛtɔ́ ka sixú sɔ́ dó xɔ gbɛ éɖée tɔn ná? Mɛ e nyɛ kpódó xó ce lɛ́ɛ kpó ná nyí winnyánú ná ɖo gbɛtɔ́ din tɔn gbejímánɔ-númawutɔ́ lɛ́ɛ nukɔn ɔ́, mɛ ɔ́ lɔmɔ̌ ná nyí winnyánú nú nyɛ Gbɛtɔ́ví ɔ́ hwenu e nyɛ kpódó wɛnsagun ce lɛ́ɛ kpó ná lɛ́ kɔ wá ɖo Tɔ́ ce sín susu mɛ é.”

Jezu ka kanbyɔ́ yě ɖɔ: “Midɛɛ lɛ́ɛ ka lo, mɛ̌ wɛ un nyí bɔ mi nɔ ɖɔ?” Bɔ Piyɛ́ɛ yí xó bó ɖɔ: “Hwi wɛ nyí Klísu ɔ́.”