Matíe 16ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Jezu ka ɖɔ nú ahwanvú tɔn lɛ́ɛ ɖɔ jí: “Ényí mɛɖé jló ná xwedó mì hǔn, ní jó tito é ɖésúnɔ tɔn lɛ́ɛ dó, bó ɖíɖá aklúzu tɔn, bó xwedó mì.

Din ɔ́, má ɖɔ nú we: Piyɛ́ɛ wɛ nyǐkɔ towe nɔ́ nyí, tínmɛ tɔn wɛ nyí awǐnnya, bɔ awǐnnya élɔ́ ɔ́ jí wɛ un ná sɔ́ agun ce jínjɔ́n, bɔ kú sín hlɔ̌nhlɔ́n ná sixú wa nǔ ɖěbǔ n'i ǎ.

Un ná bɛ́ axɔ́súɖuɖu sɛ́xwé tɔn sín cávi lɛ́ɛ dó alɔ mɛ nú we; a gbɛ̌ nǔ ɖěbǔ ɖo ayǐkúngban jí ɔ́, è nǎ gbɛ́ ɖo sɛ́xwé; a ka yí gbe nú nǔ ɖěbǔ ɖo ayǐkúngban jí ɔ́, è nǎ yí gbe ná ɖo sɛ́xwé.”

Ɖó mɛ e jló ná hwlɛ́n gbɛ éɖée tɔn gán ɔ́, gbɛ tɔn ná bú dó e; mɛ e ka ná hɛn gbɛ tɔn bú ɖó nyɛ wútu ɔ́, ná hwlɛ́n gbɛ tɔn gán.

Ɖó mɛ e gbɛ ɔ́ bǐ ná nyí étɔn, bɔ gbɛ é ɖésúnɔ tɔn ná bú dó e ɔ́, le tɛ́ wɛ ka ɖ'é mɛ n'i? Ani wɛ gbɛtɔ́ ka sixú sɔ́ dó xɔ gbɛ éɖée tɔn ná?

Jezu ka kanbyɔ́ yě ɖɔ: “Bɔ midɛɛ lɛ́ɛ ka lo, mɛ̌ wɛ un nyí bɔ mi nɔ ɖɔ?” Sinmɔ́ɔ Piyɛ́ɛ ka yí gbe n'i ɖɔ: “Hwi wɛ nyí Klísu Mawu gbɛɖe ɔ́ sín Vǐ.”

Bɔ Jezu yí xó bó ɖɔ n'i ɖɔ: “Nyɔ̌nánɔ wɛ nú we Sinmɔ́ɔ, Jonási ví, ɖó gbɛtɔ́ gɔ́n wɛ nǔnywɛ́ e a dǒ tunwun xó énɛ́ ná ɔ́ gosín ǎ; lo ɔ́, Tɔ́ ce e ɖo sɛ́xwé ɔ́ wɛ sɔ́ dó ayi mɛ nú we.