Mɛsɛ́dó 5ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Piyɛ́ɛ kpódó mɛsɛ́dó lɛ́ɛ kpó ká yí gbe n'i ɖɔ: “È ɖó ná se tónú nú Mawu; é nyɔ́ hú è se tónú nú gbɛtɔ́.

Ayǐhɔ́ngbe ayǐhɔ́ngbe ɔ́, yě nɔ́ gɔn nǔ kplɔ́n mɛ lɛ́ɛ ɖo sinsɛnxɔ mɛ mɛ kpó xwé lɛ́ɛ gbe kpó ǎ, yě ka nɔ́ gɔn Wɛn Ɖagbe e ɖɔ xó dó Jezu-Klísu wú ɔ́ jlá yě ǎ.

Piyɛ́ɛ ka kanbyɔ́ ɛ ɖɔ: “Ananíyasi! Aniwú Satáan gɔ́ ayi mɛ nú we mɔ̌, bó zɔ́n bɔ a ɖe akwɛ́ e a dǒ sa ayǐkúngban ɔ́ ná ɔ́ kpo, bó wá ɖo nǔvú ɖó nú Yɛsinsɛn wɛ? Hwenu e a ma ko sa ayǐkúngban ɔ́ ǎ ɔ́, towe wɛ é nyí ǎ cé? Ée a ka wá sa ɔ́, akwɛ́ tɔn ɔ́, é má nyí towe wɛ é nyí a? Fítɛ́ a ka ba ayi hízíhízí mɔ̌hun sín? Gbɛtɔ́ lɛ́ɛ wɛ a ɖǒ nǔvú ná ǎ, Mawu wɛ a ɖǒ nǔvú ná.” Ée Ananíyasi se xó énɛ́ ɔ́, é jɛ ayǐ, bó kú cúɖúɖú, bɔ xɛsi ɖaxó ɖé jɛ mɛ e se nǔ énɛ́ e jɛ lɛ́ɛ bǐ jí.

Din ɔ́, ma ɖɔ nú mi, mi ma sɔ́ kpɔ́n mɛ énɛ́ lɛ́ɛ ɖě sín jɛ jí ó; mi jó yě dó nú yě yi. Đó ényí tito yětɔn abǐ nǔwiwa yětɔn ɔ́, gbɛtɔ́ gɔ́n wɛ é gosín ɔ́, é ná sú dó. Lo ɔ́, é ka nyí ɖɔ Mawu sín nǔwiwa wɛ ɔ́, mi sixú kpé wú bó sú dó ǎ; mi cɔ́ miɖée, bó má tɔ́n ahwan Mawu ó.”