Mɛsɛ́dó 17ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Mawu to nǔ lɛ́ɛ bǐ gbɔn mɔ̌, bónú gbɛtɔ́ lɛ́ɛ ná dó ba ɛ, bónú yě ɖo biba ɛ wɛ káká ɔ́, afɔ nyɔ́ ɔ́, yě sixú wá yi mɔ ɛ; có Mawu ka sɔ́ lín dó ɖokpó ɖokpó mǐtɔn ǎ.

Gbɛtɔ́ ɖokpó géé jí wɛ é ɖó togun lɛ́ɛ bǐ gbɔn, bó ma yě kpé ayǐkúngban ɔ́ bǐ sésé jí; é ɖó hwenu lɛ́ɛ, bó ka ɖó dogbó nú nɔtɛn togun lɛ́ɛ tɔn ɖokpó ɖokpó.

Mawu e bló gbɛ ɔ́ kpódó nǔ e ɖ'é mɛ lɛ́ɛ bǐ kpán ɔ́, é wɛ nyí Aklúnɔ jǐxwé kpódó ayǐkúngban kpán tɔn. Mawu énɛ́ ka nɔ́ nɔ sinsɛnxɔ e gbɛtɔ́ bló ɔ́ mɛ ǎ.

Đó é sɔ́ azǎn ɖokpó ɖó te, bɔ azǎn énɛ́ gbe ɔ́, é ná xwedó hwɛjijɔ, bó ɖɔ hwɛ xá gbɛtɔ́ lɛ́ɛ bǐ, gbɔn mɛ e é ɖésúnɔ ko ɖe ɖó vo ɔ́ jí. É fɔ́n ɛ sín kú, bó dó ɖe nǔ énɛ́ ɔ́ xlɛ́ mɛ bǐ.”

“Ée é ka nyí ɖɔ Mawu sín vǐ wɛ mǐ nyí é ɔ́, mǐ sɔ́ ɖó ná lin ɖɔ Mawu cí siká abǐ kpatágan abǐ awǐnnya ɖagbe ɖagbe e gbɛtɔ́ sɔ́ linlin tɔn kpódó aɖawun tɔn kpó dó kɔn ná é ɖɔhun ǎ.