Mɛsɛ́dó 11ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Ée é mɔ ɛ ɔ́, é kplá ɛ wá Antyɔ́ci, bɔ yě mɛ we lɛ́ɛ bló xwe ɖokpó kpíkpé ɖo agun mɛ e ɖi nǔ nú Jezu lɛ́ɛ tɔn e ɖo fínɛ́ ɔ́ mɛ, bó kplɔ́n nǔ mɛ gěgé. Antyɔ́ci fínɛ́ wɛ mɛ lɛ́ɛ ylɔ́ ahwanvú Jezu tɔn lɛ́ɛ ɖɔ klísusɛntɔ́ ɖe dó nukɔn.

Ée é wá, bó mɔ lě e Mawu wa ɖagbe nú togun ɔ́ gbɔn ɔ́, é hun xomɛ n'i, bɔ é ná akɔ́nkpinkpan yě bǐ, ɖɔ yě ní nɔ gbejí nú Aklúnɔ kpó ayixa ɖokpó kpó. Đó Banabási ɔ́, ɖagbewatɔ́ wɛ, bɔ Yɛsinsɛn kpódó nǔɖiɖi kpán gɔ́ ayi tɔn mɛ, bɔ mɛ gěgé lɛ́ jɛ Aklúnɔ sín ali jí.

Ényí Mawu ná nǔníná ɖokpó ɔ́ yě, lě e é ná mǐ lɔ gbɔn hwenu e mǐ ɖi nǔ nú Aklúnɔ Jezu Klísu ɔ́, mɛ̌ nyɛ ka nyí, bó ná yi gbɛ́ gbe nú Mawu.” Ée yě se mɔ̌ ɔ́, xomɛ yětɔn fá, bɔ yě jɛ susu kpa nú Mawu jí, bó nɔ́ ɖɔ: “Mawu bló, bɔ mɛ e ma nyí Jwifu ǎ lɛ́ɛ lɔmɔ̌ sixú lɛ́ kɔ sín hwɛ yětɔn lɛ́ɛ gúdo, bó ná sixú mɔ gbɛ mavɔ mavɔ.”