Iruka 21ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Pyno ewehẽtup to Tupana piat eimoesaika hap eiꞌapykok hamuat mekewat hoꞌopot hap eꞌat putꞌok e ehete pote are e. Waku miat iweꞌeg rakat ewy eweikupteꞌen are e. Waku ewehẽtup o Tupana pe -Yt atoiat teran i uhepiat emohey hap waku eweiꞌe tope are. Miꞌi hawyi putꞌok eweiꞌe wyti aru mekewat ehoꞌopat hap eꞌat hawyi waku -Uipowyro ro mesuwat eꞌat sakpo areto hamuat eweiꞌe ro Tupana pe are e Iesui Miꞌi itote.

-Eiweꞌeg wo o mekewat eꞌat pe ariot turan. Ienuk iwato hap tote mahy u hap ete pote yt uhẽtup hin I haria wo eweikupteꞌen ariot turan e.

Uimohey ro haty wo mekewat eꞌat pe pote are yt naku i kahato ehete pykai are e. Yt eweipun neiꞌo uimohey hap miitꞌin eiꞌatuꞌuka hap eꞌat pe are e.

Katupono mekewat eꞌat pe aru uito ti aru areineꞌen eiwywo kahato hawyi atopag eiwẽ pe uhehay iꞌatuwesat hamuat are e. Miꞌi hawyi ehewanikaptia paa iꞌatuꞌe uhehay wakuat eiwẽ pywiat pupi are e.

Taꞌi atipy koꞌi waty aat waikiru koꞌi teꞌeruweityk kahato aru yne iꞌewyte mesuwat yi rotiat yne yt kat i aru toineꞌen katupono tuweityk aru yne maꞌato uimienoi koꞌi yt karãpe i ikahuro aru are.

Aat waty waikiru koꞌi iꞌewyte tohenoi wyti aru uhuut hap eꞌat taꞌatuhenoi are. Yt pya i raꞌyn toran naꞌyn e hap eꞌat pe putꞌok e hap taꞌatuhenoi aru are. Aat waty waikiru koꞌi yt tukupteꞌen i taꞌatueiam me are e. Yne etama pe wuꞌuka hap toineꞌen. Toꞌope toꞌope taꞌatuꞌatuuka yne tama piaria. Pywo pe ti yne hyemyiꞌa wato koꞌi ete yꞌy ihyesaika kahato hap ewy topyhuꞌat mekewat eꞌat pe aru e Iesui temiitꞌin me. -Miꞌi hawyi aat waikiru waty kohyewyry hap kapiat mesuwarotiaria teꞌeraꞌakasa hawyi gyt Iꞌatuꞌe. Iꞌatuperup iꞌatuwuwu genꞌẽ pono e. Atipy piat iꞌatueiam koꞌi hurukꞌe hawyi yt teꞌeropyhuꞌat kuap i saꞌawyꞌi te wuat ewy e. Miꞌi hawyi -Watopap yne irane aito iꞌatuꞌe toꞌope teꞌerokenꞌẽ haype are e -Miꞌi hawyi tuut raꞌyn Uito Eheykeꞌet Eikywyt ywyhig muo uhesaika hawuo uimotypot hawe putꞌok are raꞌyn e Iesui.

Yt uwe i eikyꞌesat haria tukupteꞌen mekewat eꞌat pe uikai eweikupteꞌen eipe pote are e.

Miꞌi hap eꞌat pe turan miitꞌin hesaꞌyt kahato tukupteꞌen yt kat i miꞌu mesuwat mytyyp oktan pote. Mesuwat mytyyp tyry tyry e kahato miꞌi turan. Iꞌewyte Iꞌahuu e hap koꞌi toineꞌen wuatꞌi puo. Miꞌi hawyi atipy piat pe kat kat koꞌi tuwemoherep yt eimikuap i hap ewy.

Taꞌi mekewat eꞌat pe wyti aru wuꞌuka hap koꞌi kahato eweikuap yne mesuwarotiat e. Miꞌi hawyi yt kat hin i woꞌowese hap mesuwarote hap ewywuat eweipuẽti aru are e. Miitꞌin toꞌoꞌatuꞌuka kahato wyti aru hap kape eiwaꞌakasa pykai yt eweikenꞌẽ miꞌi pupi katupono poꞌog poꞌog saꞌag miꞌi eꞌat kai turan putꞌok e mekewat hoꞌopot hoꞌopot hap eꞌat koro are e. Miꞌi hawyi woꞌoꞌatuꞌuka atuꞌuka sakpo hap eꞌat wyti aru putꞌok e are e. Miꞌi hawyi morekuaria koro koꞌi toꞌomoma teran aru hawyi toꞌoꞌatuꞌuka atuuka iraniaꞌin ywania eporekuaria koꞌi wywo e.

Aat waty waikiru koꞌi iꞌewyte tohenoi wyti aru uhuut hap eꞌat taꞌatuhenoi are. Yt pya i raꞌyn toran naꞌyn e hap eꞌat pe putꞌok e hap taꞌatuhenoi aru are. Aat waty waikiru koꞌi yt tukupteꞌen i taꞌatueiam me are e. Yne etama pe wuꞌuka hap toineꞌen. Toꞌope toꞌope taꞌatuꞌatuuka yne tama piaria. Pywo pe ti yne hyemyiꞌa wato koꞌi ete yꞌy ihyesaika kahato hap ewy topyhuꞌat mekewat eꞌat pe aru e Iesui temiitꞌin me. -Miꞌi hawyi aat waikiru waty kohyewyry hap kapiat mesuwarotiaria teꞌeraꞌakasa hawyi gyt Iꞌatuꞌe. Iꞌatuperup iꞌatuwuwu genꞌẽ pono e. Atipy piat iꞌatueiam koꞌi hurukꞌe hawyi yt teꞌeropyhuꞌat kuap i saꞌawyꞌi te wuat ewy e. Miꞌi hawyi -Watopap yne irane aito iꞌatuꞌe toꞌope teꞌerokenꞌẽ haype are e

Miꞌi hawyi woꞌoꞌatuꞌuka atuꞌuka sakpo hap eꞌat wyti aru putꞌok e are e. Miꞌi hawyi morekuaria koro koꞌi toꞌomoma teran aru hawyi toꞌoꞌatuꞌuka atuuka iraniaꞌin ywania eporekuaria koꞌi wywo e.

Miꞌi hawyi Iesui tiꞌatuwesat topotpoꞌororia pe -Eiweꞌeg wo o are katupono wyti aru uhet wywo uhet eroꞌok haria putꞌok iꞌatuꞌe ehepe eimaꞌat hamo are. -Uito miitꞌin porekuatno Tupana mipoꞌoro iꞌatuꞌe wyti aru. -Uito ti ariot raꞌyn eiporekuat koro wuat iꞌatuꞌe aru maꞌato yt eweiwanetup teiꞌo iꞌatueso rakaria kape are katupono eimaꞌat hamo tõꞌẽ are.