GENESA 39ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Kutani Yehovha a va na Yosefa; a a ri munhu wa nkateko; a tshama endlwini ya n'wini wa yena.

Kutani swilo hinkwaswo swa yena a swi siya emavokweni ya Yosefa, a nga ha tikarhati hi nchumu swa yena, loko swi nga ri swakudya leswi a swi dyaka ntsena. Kambe Yosefa a a ri ni nghohe leyo saseka, ni mombo lowunene.

Kutani n'wini wa khotso a nyiketa emavokweni ya Yosefa hinkwavo lava bohiweke lava ngi va ri ekhotsweni; ni hinkwaswo leswi nga endliwa kona, a a ri yena la swi endlaka.

Kutani n'wini wa Yosefa a n'wi khoma, a n'wi hoxa endlwini ya khotso, exivandleni lexi lava bohiweke hi hosi va khotsiwaka eka xona; kutani a tshama kona ekhotsweni. Kambe Yehovha a va na Yosefa, a n'wi endla hi nsovo, a n'wi kumisa tintswalo emahlweni ka n'wini wa khotso.

Endzhaku ka timhaka teto, nsati wa n'wini wa yena a languta Yosefa hi mahlo, a ku: “Etlela na mina.” Kambe a ala, a ku eka nsati wa n'wini wa yena: “Wa swi vona, n'wini wa mina a nga tikarhati hi leswi nga swa mina endlwini; hinkwaswo leswi a nga na swona, u swi vekile emavokweni ya mina; ku hava lonkulu eka mina la endlwini leyi; a nga ndzi aleri nchumu loko a nga ri wena, hikuva u nsati wa yena. Ndzi nga endlisa ku yini swo biha leswikulu swonghasi, ndzi dyohela Xikwembu xana?”

Kambe siku rin'wana, kuteloko a yile endlwini ku ya tirha mitirho ya yena, ku nga ri na umbe wa vanhu va yindlu, lo wansati a n'wi khoma hi nguvu, a ku eka yena: “A hi etlele kun'we!” Kambe a siya nguvu ya yena emavokweni ya yena, a tsutsuma, a humela ehandle.