1. Mose 3ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Un de Fru sach, daut de Frucht goot leet, un daut dee goot to äten wia, un daut dee eenem kunn waut Vestentnis jäwen. Dan neem see von de Frucht un eet, un jeef äaren Maun uk, un dee eet.

De Schlang wia lestja aus irjent een aundret willet Tia, waut Gott de HAR jemoakt haud. Un dee säd to de Fru: Haft Gott werkjlich jesajcht, daut jie von irjent een Boom nich äten sellen?

Du un de Fru woaren junt fientlich sennen, un june Nokomen woaren sikj nich lieden kjennen. Hee woat die dien Kopp vewunden, un du woascht am de Hak vewunden.

Un to de Fru säd hee: Ekj woa die väl mea Weedoag jäwen wan du schwanga best, un du woascht bie de Jeburt groote Weedoag haben. Doch woascht du een velangen no dienen Maun haben, un hee woat äwa die daut Wuat fieren.

Du woascht väl schweeten motten, om jenuach Äten to trakjen, un schlieslich woascht du stoawen un wada to Ieed woaren. Du best von de Ieed jenomen, un du woascht wada Ieed woaren.

Un to däm Maun säd hee: Wiels du no diene Fru äa Wuat jehorcht hast, un hast von däm Boom jejäten, von woonen ekj bestalt haud, daut du doa nich von äten sust, woa ekj mien Wuat jäwen, daut de Ieed nich soo väl droagen woat. Dien gaunzet Läwen woascht du schaufen motten, daut doa woat jenuach to äten sennen fa junt.

Un Gott de HAR säd: Wäa säd die daut du noaktich wieescht? Hast du von däm Boom jejäten, von däm ekj säd, daut du nich äten sust?

Hee schekjt däm Mensch ut däm Goaden rut, un stald doa aun de oostne Kaunt Cheruben han, met Schwieed, dee doa flaumden un en aule Rechtungen dreiden. Dee wieren doa toom dän Wajch no däm Boom, dee Läwen jeft, too to stalen.

Un Adam jeef siene Fru dän Nomen Eva, wiels see de Mutta fa aulet Menschenläwen es.