Néra Njékaḭkulaje 11ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Loo gə́ yeḛ iŋgá mba̰ ndá yeḛ ɔree ree səa Antiɔs. As ləb kára doŋgɔ lé deḛ d’wa dɔ na̰ gə Eglisəje loo-kwa-dɔ-na̰je’g lə dee ndá deḛ ndoo dəwje bula né keneŋ. Ɓee gə́ Antiɔs lé to loo gə́ dɔtar gə́ deḛ d’unda ri njékwakiláje ɓar dee ne njétaamee-Kristije.

Loo gə́ yeḛ teḛ keneŋ aa loo oo noji gə́ Ala wa sə dee lé ndá yeḛ ra rɔlel, tɔɓəi yeḛ ndəji dee bər-bər mba kar kɔm meḛ lə dee gə́ d’ɔm dɔ Mbaidɔmbaije’g lé d’a reḛ́ keneŋ rḛ́-rḛ́ ya. Mbata Barnabas lé to majikoji ləm, Ndilmeenda taa mée pəl-pəl ləma, yeḛ to njemeekun gə́ dum dɔ loo ləm tɔ. Togə́bè ɓa boo-dəwje bula nam ne kaar Mbaidɔmbaije’g lé.

Bèe ndá to gə́ Ala wa sə dee noji gə́ to asəna kára ba gə noji gə́ yeḛ wa sə síjeḛ gə́ j’ɔm meḛ sí dɔ Mbaidɔmbaije Jeju Kristi lé bèe ndá ŋga, see ma m’askəm kɔs Ala lé rəw to gə́ banwa. Loo gə́ d’oo ta neelé mba̰ ndá meḛ dee oso naŋg po̰ ar dee d’ula rɔnduba dɔ Ala’g pana: Ala lé ya ar njétareeje d’wa ndòo rɔ dee dɔ kaiya’g lə dee gə mba kar dee-deḛ nja kara d’a si ne gə kəmə lé tɔ.