ROMA 5ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Ia na Kalou sa vakatakila na nona loloma vei keda, ni sa mate na Karisito me nodai sosomi ni da sa tamata ca.

Ia sa sega na madua e na vuku ni nuinui; ni sa sovaraki ki na yaloda na loloma ni Kalou ni sa soli vei keda na Yalo Tabu.

A sa sega ni koya walega, me da sa daureki talega e na vuku ni veika rarawa: ni da sa kila sa tubu na dauvosota mai na ka rarawa; ia na dauveivakatovolei mai na dauvosota; ia nai nuinui mai na dauveivakatovolei.

O koya oqo, ni da sa vakadonui e na vakabauta, me da sa qai veivinakati kei na Kalou e na vuku ni noda Turaga ko Jisu Karisito: e na vukuna talega eda sa torova rawa kina, e na vakabauta na loloma oqo eda sa qai tu kina; me da sa reki talega ni da sa nuitaka na veivakalougatataki ni Kalou.

Ni sa mate na Karisito me nodra i sosomi na tamata i valavala ca e na gauna sa lokuci eliu, ni da sa malumalumu tiko.

Ia ni da sa qai vakadonui e na vuku ni nona dra, ena qai rawarawa cake me da vakabulai mai na cudru e na vukuna.

ka me vaka sa vakacalai na lewe vuqa e na nona talaidredre e dua bau na tamata, sa vakadonui vaka talega kina na lewe vuqa e na vuku ni nona talairawarawa na le dua.

A sa sega ni koya walega, ia eda sa daureki talega e na Kalou e na vuku ni noda Turaga ko Jisu Karisito, o koya eda sa yaco kina me da veivinakati tu.