ROMA 3ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

ni sai valavala ca ko ira kecega na tamata, ka ra sega ni yacova na ka e vakarokorokotaki kina na Kalou: a ra sa vakadonui walega e na nona loloma ni sa volia na bula ko Jisu Karisito

io, sa ia na veivakadonui na Kalou e na vuku ni vakabauti Jisu Karisito, vei ira kecega era sa vakabauta; ni da sa tautauvata kecega

o koya sa lesia na Kalou mei bulubulu vei ira sa vakabauta, e na nona dra, me vakatakila na nonai valavala dodonu ni sa sega ni sauma nai valavala ca sa caka oti, ka ni sa vosota na Kalou; io, me vakatakila e na gauna oqo na nona yalododonu: me sa dodonu ko koya, ka vakadonui koya sa vakabauti Jisu.

Ena sega ni vakadonui vua e dua na tamata e nai valavala ni vunau: ni sai koya na vunau sa kilai kina nai valavala ca.

me vaka na ka sa volai, Sa sega e dua sai valavala dodonu, sa sega sara e dua: Sa sega e dua sa kila, Sa sega e dua sa vakasaqara na Kalou. Era sa lesu tani kecega, era sa yaco vata me sega ni yaga; Sa sega e dua sai valavala vinaka, sa sega sara e dua.

O koya keitou sa vaka sa vakadonui na tamata e na vakabauta, ia ka sega ga e na vuku ni cakacaka ni vunau.

E segai sara: me dina ga na Kalou, ka me lasu na tamata kecega; me vaka na ka sa volai, Mo vakadonui ni ko sa vosa, Ka gumatua ni ko sa veileti.