MARIKA 12ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

A sa kaya vua ko Jisu, Sai matai ni vakaro kecega, Mo rogoca, na Isireli: O Jiova na noda Kalou Ko Jiova sa dua bau: ia mo lomani Jiova na nomu Kalou e na lomamu taucoko, kei na yalomu taucoko, kei na nomu nanuma kece, kei na nomu kaukauwa kece. Na kenai karua oqo, Mo lomana na kai nomu me vaka ko sa lomani iko. Sa sega e dua nai vakaro sa uasivi e nai vakaro ruarua oqo.

A sa kacivi ira na nona tisaipeli ko koya, ka kaya vei ira, Au sa kaya vakaidina vei kemudou, Na yada dravudravua oqo sa biuta vakalevu ki na kato ni lavo, ko ira kecega era sa biuta vakalailai ga: ni ra sa biuta kina eso ko ira kecega mai na nodra ka e vuqa: ia ko koya oqo, sa dravudravua, ka sa biuta na nona ka kecega, io na nona ka kece e bula kina.

A sa tiko ko Jisu e na yasana sa donuya na kato ni lavo, a sa raici ira na lewe levu ni ra sa biuta nai lavo ki na kato ni lavo: ka lewe vuqa era sa vutuniyau era sa biuta vakalevu. A sa lako mai e dua na yada dravudravua, a sa biuta kina e rua nai lavo lalai sara, sa rauta e dua na facigi.

ia me da lomani koya e na lomada taucoko, kei na noda vakasama kece, kei na yaloda taucoko, kei na noda kaukauwa kece, ka me lomana na kai noda me vaka eda lomani keda, oqo na ka levu, ia na ka lailai nai soro kama kecega, kei nai soro kecega.

Sa qai kaya vei ira ko Jisu, Mo dou solia vei Sisa na ka sa nei Sisa, vei koya talega na Kalou na ka sa nona na Kalou. A ra sa kurabuitaki koya.