MACIU 23ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Ia ko koya sa uasivi cake vei kemudou, me nomudou tamata ko koya.

Ia ko koya ena vakalevulevui koya, ena vakamalumalumutaki; ia ko koya ena vakamalumalumutaki koya, ena vakalevulevui.

E ca vei kemudou, na vunivola kei na Farisi, na dauveivakaisini! ni dou sa solia nai katini ni botebotekoro, kei na co vakaoqo, ia dou sa biuta laivi na veika bibi e na vunau, nai valavala dodonu, kei na loloma, kei na vakadinata: o koya sa kilikili mo dou kitaka, me kakua talega ni biu laivi ko ya.

E ca vei kemudou, na vunivola kei na Farisi, na dauveivakaisini! ni dou sa vakasavasavataka na bilo kei na dari etaudaku, ia e loma sa sinai e na daubutako kei na garogaro.

Isa! Jerusalemi, Isa! Jerusalemi, ko iko sa vakamatei ira na parofita, ka vakaviriki ira sa talai yani vei iko, au a nanuma vakavica meu vakasoqoni ira vata na nomu gone, me vaka na toa yalewa sa vakasoqoni ira na luvena e ruku ni tabana, ia dou a sega ni vinakata!

Sa vaka talega kina koi kemudou, dou sa rairai etaudaku vei ira na tamata me tamata dodonu, ia eloma dou sa sinai e na dauveivakaisini kei na ka e sega ni dodonu.