LUKE 11ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Ia kevaka dou kila, koi kemudou sa tamata ca, mo dou solia na ka vinaka vei ira na luvemudou; sa qai dina vakalevu cake, ni na solia na Yalo Tabu ko koya na Tamamudou vakalomalagi vei ira sa kerekere vua.

Au sa kaya talega vei kemudou, Dou kerekere, ka na soli vei kemudou; dou vakasaqara, ka dou na kunea; dou tukituki, ka na dolavi vei kemudou

ni sa rawata ko koya yadua sa kerekere; ka sa kunea ko koya sa vakasaqara; ia ena dolavi vua sa tukituki.

A sa kaya vei ira ko koya, Ni dou sa masu, dou kaya, Tama i keimami mai lomalagi, Me vakarokorokotaki na yacamuni. Me yaco na nomuni lewa. Me caka na lomamuni e vuravura me vaka sa caka mai lomalagi.

Ia mo ni kakua ni cudruvi keimami e na vuku ni neimami valavala ca: ni keimami sa sega talega ni cudruva e dua sai valavala ca vei keimami. Ia mo ni kakua ni kauti keimami ki na vere; ka mo ni vakabulai keimami mai na ca.

Mo ni solia mai vei keimami e na siga yadua na kakana e yaga vei keimami.

Na cina ni yago na mata; ia kevaka sa vinaka na matamu sa rarama kina na yagomu taucoko, ia kevaka e ca, sa butobuto kina na yagomu taucoko.

Sa sega e dua sa tutuvaka na cina, ka qai vakatikora e na tikina vuni, se e ruku ni vakarau ni sila, e na kenai tutu ga, me ra raica na kena rarama ko ira sa curu mai.