رَوْمَا 9ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

وَ بِمِثِلْ دَا كَنْ اللّٰهْ عَزَلْ نَادُمْ، دَا مَا أَشَانْ نِيَّةْ النَّادُمْ وَ مَا أَشَانْ الشَّيّءْ النَّادُمْ سَوَّاهْ. اللّٰهْ عَزَلَهْ أَشَانْ هُو دَوَّرْ يَرْحَمَهْ بَسْ.

أَشَانْ اللّٰهْ قَالْ لِمُوسَى: <أَنَا نِحِنّ أَيِّ نَادُمْ النِّدَوْر نِحِنَّهْ وَ نَرْحَمْ أَيِّ نَادُمْ النِّدَوْر نَرْحَمَهْ.>

لَاكِنْ إِنْتَ يَاتُو، يَا إِنْسَانْ؟ فِي فِكْرَكْ تَقْدَرْ تُلُومْ اللّٰهْ وَلَّا؟ كَنْ أُسْطَى صَنَعْ شُغُلْ وَاحِدْ، هَلْ الشُّغُلْ الصَّنَعَهْ دَا عِنْدَهْ حَقّ يُقُولْ: «مَالَا صَنَعْتِنِي مِثِلْ دَا؟»

وَ مِنْ الْكَلَامْ دَا، نَعَرْفُوا كَدَرْ اللّٰهْ يَرْحَمْ النَّادُمْ الْيِدَوْر يَرْحَمَهْ وَ يِقَوِّي رَاسْ النَّادُمْ الْيِدَوْر يِقَوِّي رَاسَهْ.

الْحَدَّادِي مَا عِنْدَهْ حَقّ فَوْق الطِّينَةْ وَلَّا؟ مِنْ كَوْم وَاحِدْ هَنَا طِينَةْ، هُو يُدُقّ مَاعُونْ لِعَمَلْ خَاصّ وَ مَاعُونْ تَانِي لِعَمَلْ عَادِي. وَ فِي الْمَثَلْ دَا، الْحَدَّادِي هُو اللّٰهْ وَ الْمَوَاعِينْ هُمَّنْ النَّاسْ.