1 كُرُنْتُس 15ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

يَا أَخْوَانِي النِّحِبُّكُو، فَكُّرُوا فِي كُلَّ الْكَلَامْ دَا وَ أَقْعُدُوا ثَابْتِينْ وَ قَوِيِّينْ. أَنْكَرْبُوا دَايْماً فِي خِدْمَةْ رَبِّنَا أَشَانْ تَعَرْفُوا كَدَرْ الْخِدْمَةْ التَّخْدُمُوهَا لِرَبِّنَا أَبَداً مَا بَاطْلَةْ.

الْحَمْدُ للّٰهْ! اللّٰهْ أَنْطَانَا النَّصُرْ بِرَبِّنَا عِيسَى الْمَسِيحْ.

مَا تُغُشُّوا نُفُوسْكُو. حَالْ الصَّالِحِينْ تَتْلَفْ فِي أُسْط الْمُذْنِبِينْ.

لَاكِنْ هَسَّعْ، أَنَا رَسُولْ بِرَحْمَةْ اللّٰهْ وَ رَحْمَتَهْ مَا فَشَلَتْ. بِالْعَكْس، أَنَا خَدَمْت خِدْمَةْ زِيَادَةْ مِنْهُمْ كُلُّهُمْ. وَ بِالصَّحِيحْ، الْخَدَمْ عَدِيلْ مَا أَنَا لَاكِنْ رَحْمَةْ اللّٰهْ الْقَاعِدَةْ فَوْقِي.

<يَا الْمَوْت، وَيْن نَصْرَكْ؟ يَا الْمَوْت، وَيْن قُدُرْتَكْ؟> وَ الْمَوْت عِنْدَهْ قُدْرَةْ فَوْقنَا بِسَبَبْ الذُّنُوبْ. وَ الذُّنُوبْ عِنْدُهُمْ قُدْرَةْ فَوْقنَا بِسَبَبْ شُرُوطْ التَّوْرَاةْ.

أَسْمَعَوْا وَ نِأَوْرِيكُو بِسِرّ وَاحِدْ الْاللّٰهْ وَصَّفَهْ لَيْنَا. مَا كُلِّنَا نُمُوتُوا لَاكِنْ أَكِيدْ كُلِّنَا نِلْغَيَّرَوْا. وَ دَا يَبْقَى عَجَلَةْ، مِثِلْ رَمْشَةْ عَيْن. وَ يَبْقَى فِي ضَرِبِينْ الْبُرُنْجِي الْأَخِيرْ. أَشَانْ حِسّ الْبُرُنْجِي يِنْسَمِعْ وَ الْمَيْتِينْ يَبْعَثَوْا بِالْجِسِمْ الْمَا يَتْلَفْ وَ كُلِّنَا كَيْ نِلْغَيَّرَوْا.

وَ مِثِلْ الْمَوْت جَاءْ فِي النَّاسْ بِسَبَبْ نَادُمْ وَاحِدْ، الْبُعَاثْ كُلَ جَاءْ بِسَبَبْ نَادُمْ وَاحِدْ. كُلَّ بَنِي آدَم يُمُوتُوا وَ كُلَّ نَاسْ الْمَسِيحْ يَبْعَثَوْا.

أَشَانْ الْجِسِمْ الْيَتْلَفْ دَا وَاجِبْ يَلْبَسْ الْجِسِمْ الْأَبَداً مَا يَتْلَفْ. وَ الْجِسِمْ الْيُمُوتْ وَاجِبْ يَلْبَسْ الْمَا يُمُوتْ.

وَ لَابُدَّ الْمَسِيحْ يَمْلُكْ لَحَدِّي اللّٰهْ يُخُطّ كُلَّ عُدْوَانَهْ تِحِتْ رِجِلَيْنَهْ. وَ الْعَدُو الْآخِرْ الْيِدَمِّرَهْ، هُو الْمَوْت.