Matayo 16ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Honyuma kw'aho Yesʉ mwabwɨra abɨga bʉwe athɨ: «Omʉndʉ amashondya ɨnyɨkwama, ayɨthɨnde yowene, aheke omʉsalaba ʉwe na anyɨkwame.

Nangye enyɨkʉbwɨra nyɨthɨ ʉlɨ Petero, n'ɨnegena mbʉ ibwe. Na kw'ibwe eri nyandahimbako aKanisa kaye, n'amaka w'okwɨrʉnga athɨndahɨmeko.

Nyandakʉha esofʉngʉro s'oBwamɨ bw'elʉbʉla, ekyoshi kyo wandamɨna ko kɨhʉgo kyandamɨnwa n'omo lʉbʉla, n'ekyoshi kyo wandamɨnʉla mo kɨhʉgo, kyandamɨnʉlwa na mo lʉbʉla.»

Kʉshangwa omʉndʉ yo ushondya ilamya obʉyɨngo bʉwe andahetsyabo, hewethuwe yo wandahetsya obʉyɨngo bʉwe bʉshana nangye andabonabo.

Ndundi ki ko mʉndʉ erɨbona ekɨhʉgo kyoshi n'ɨhetsya obʉyɨngo bʉwe? Kʉtse mʉndʉ angahana ki ekiwithe kɨtsɨro ky'obʉyɨngo bʉwe?

Aho Yesʉ mwabʉtsyabo athɨ: «Nemwe omʉnegena mʉthɨ nyɨrɨ ndɨ?» Simoni Petero mwamʉshʉbɨtsya athɨ: «Ʉlɨ Kirisito Mʉgala wa Gongo yo ʉlɨho.»

Yesʉ mwamʉbwɨra athɨ: «Ʉlɨ mʉgashanɨrwa mbe Simoni mʉgala wa Yona, kʉshangwa athalɨ omʉbɨrɨ n'omʉsasɨ byo byamakukumbulirabyo, hewethuwe nɨ Thatha yo ʉlɨ mo lʉbʉla.