Iromayon 12ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Kwabo sirikiputo nuka ikar kalu, konye kanuka aisiteteunio naka aomisiokus kijulakinos, tetere igimorete nuekoto Edeke, nuejok, ka nuisiyalamikinito, ka nuedolito da.

Kanuka ŋun, iinacan, keŋaiŋait yes, kanuka aitimeta nuka Edeke, kijaikis akusiwat koraut asubanit naejari, nakalaunan, naisiyalamikinit Edeke, ŋes erai aimakus naibus.

Kolelakinito amun kotitiŋioto koean, kicebokinito ailip.

Sirikiipiko aronis, konye kipiko aronis kanuka ajokis.

Kotoma amin naka einacane, kominanaros bonik ka bonik; kotoma aibuses kitopoloorite ŋinituŋanan aupake.

Korau amina naemamei aisoswanut. Kolaata aronis, kiketakinos kotoma kanuejok.

Arai epedoros kowaikus, kinapakina kituŋa kere.

Luminan, sirinyaŋanakinos, konye kinac anyunyura; naarai iwadikatai ebe, “Ebala Ejakait ebe, Enyaŋit ekaŋ, eoŋ atacakini.”

Kotoma adunyanut sirikalanyaka, kokokito komoyo, kijaanakis Ejakait.

Naarai kanuka asianut nakainakinitai alimokini ŋinituŋanan kayesi ebe siriwomiara adepar naibusakinit aomit, konye koomito kacoit, kwape ekorakinitor Edeke aitemis naka aiyuun.

Siritacakis aronis kanuka aronis, kocoito nuejok kakonyen nuka ituŋa kere.

Koomito adiopekirot bonik ka bonik. Siridakara, konye koupanaros kaluitasonos. Siriraas lukacoa kakonyenekus ikulepek.

Konye “arai eriebi lokasurupikon eteŋei, kitanyam, arai ejakit akur, kitamat ŋes; naarai naiswamaa kwaŋin inokokini atotole akouke.”

Kilipanakisi arereŋ lukimanito yes; kilipanakisi arereŋ kwabo sirikilamata. Kolelata kaluelelete, komonyata kaluemonyete.

Kokoranakisi lukalaunak nuipudasi, kisukunyanakisi ipejok.

Naarai kwape kijaar katutubeta nuipu toma akuan adiopet, kwabo mam atutubeta kere iswamaete aswam adiopet, kwape kwaŋin oni da lukipu, kirai akuan adiopet kotoma Kristo, ka atutubeta da nuka lucewok bonik ka bonik.