Te ma lè àmɨ ní eꞌyo ꞌdɨ̀vɨɨ kílílí drʉ; Oꞌdú àsìjʉ vɨɨ alɨa eꞌyo ɨ̀wa vɨɨ ɨnɨ gaa tree. ꞌBa drɨ́á nɨ ngaa ànɨ ngʉlʉpɨ lèe ɨ, ɨnɨ ngaa lonyɨ lèe ɨ, ɨnɨ ngaa ànɨ ɨ̀bʉ̀rɨɨ ɨ, ɨnɨ ngaa ovʉʉ àfʉ́ yɨ̀, ɨnɨ ngaa Orɨ nɨ ɨ̀dee ɨ̀de, ngáá otíꞌbá ti ɨrɨ kʉ, ngáá eꞌyo ònyɨ̀be ɨ̀pòyɨ kʉ, ɨnɨ ngaa ovʉʉ ꞌba asíònzɨ be drʉ, ɨnɨ ngaa ovʉʉ alè kodrʉ, trʉ̀taa kodrʉ, ɨ̀nzò be, àdrà be, ngáá àníàkò drì si kʉ, ɨnɨ ngaa ovʉʉ ꞌba eꞌyo ònyɨ̀be lèle kʉ vɨ́ɨvɨɨ ɨnɨ ɨ, ꞌba ꞌba òꞌdɨ nyaꞌba nɨ, así òká be nɨ, àfʉ́ be nɨ, ꞌba àyɨ̀kò lèle tʉ̀ ɨ̀gàtɨ Orɨ nɨ lèle vɨɨ ɨnɨ ra vɨɨ ɨ, ꞌba ànɨ ꞌbàle dínì alɨa te dèè ɨcóó àti òkpo dínì nɨ vɨɨ cɨ vɨ́ɨvɨɨ kʉ vɨɨ ɨnɨ ɨ. Ànɨ lè àmɨ ovʉ́ ɨnɨ be karaàlʉa kʉ.