2 Koronito 5ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Ànɨyɨ̀ ꞌba àloo tè eꞌyo Kristo awo vɨɨ àꞌɨ̀ɨ ra, ɨ̀ ca ꞌbàzà drʉ oꞌdɨ drʉ. Ɨkɨ́a eꞌyo ɨ̀rɨ ɨdrɨ alɨa òku vɨɨ denɨ ꞌba, eꞌyo oꞌdɨ ɨ ɨꞌdo ace ɨ̀rɨ ɨdrɨ alɨa nɨ̀.

Ànɨ Orɨ àyʉ Kristo ɨ̀zatàko vɨɨ dràjʉ ɨ̀zatà àma ꞌyowa vɨɨ yɨ̀, azílé léti ɨ̀rɨ bʉ vɨɨ yɨ̀ àma cá ꞌba Àlátárá drʉ ɨ̀rɨ mulia benì.

Ànɨyɨ̀ àmá ovʉ ɨdrɨ drʉ àꞌɨ̀taa yɨ̀, ovʉʉ eꞌyo àma nɨ ndrèle mule yɨ̀ vɨɨ ɨnɨ yɨ̀ kʉ.

Eꞌyo ꞌdɨ̀vɨɨ ɨnɨ drɨ́á ɨngajʉ Orɨ àma ɨ̀cɨle nɨ ɨbe túàlʉ Kristo yɨ̀ vɨɨ bʉ. Díká fè àma yɨ́ àzí ꞌba ti ɨ̀cɨjʉ nɨ be vɨɨ nga nɨ̀. Ànɨ Orɨ rɨ ti ɨ̀cɨtaa ji wúdrìkúrù ɨnɨ ɨ̀sɨlɨa nɨ ngʉlʉpɨ be léti Kristo bʉ yɨ̀, ovʉʉ ɨ̀zatà ꞌyowa vɨɨ làjʉ ɨnɨ drìa ɨ kʉ. Díká kʉ àma yɨ́ oꞌdúkó ti ɨ̀cɨtaa nɨ vɨɨ ɨ.

Ànɨyɨ̀ àma kòndè Kristo awo nɨ, kɨ̀le Orɨ nɨ àma àyʉle eꞌyo nɨ awo vɨɨ òlʉ̀jʉ àmɨ yɨ́ vɨɨ lé. Àma eꞌyo ꞌdɨ̀vɨɨ ꞌyo Kristo kara ànɨ Orɨ ɨ̀rɨ oja àmɨ nɨ awo arípíònyɨ drʉ benì.

Drà ꞌba drɨ́á eꞌyo yɨ̀, ànɨ lè ꞌba drɨ́á ovʉꞌba ɨdrɨ oꞌdɨ ɨ̀rɨ awo vɨɨ yɨ̀ vɨɨ ɨnɨ ovʉ́ àyɨ̀kò fèjʉ ànɨ ngʉlʉpɨ yɨ́ aꞌdúle kʉ, te ɨ̀rɨ eꞌyo yɨ̀ ɨ̀rɨ nɨ dràle ɨnɨ eꞌyo yɨ̀ vɨɨ yɨ̀ díká ɨ̀gàle ɨdrɨ drʉ ra vɨɨ yɨ̀. Ànɨ ɨꞌdojʉ àndrʉ̀ àma ngaa ꞌba àloo ni eꞌyo ꞌba ndépi nɨ ꞌyole ɨ̀rɨ drìa vɨɨ yɨ̀ kʉ. Káꞌdí àmanɨ ndráánɨ́ Kristo nɨ nìjʉ léti ꞌba ndépi eꞌyo ꞌyojʉ ɨ̀rɨ drìa vɨɨ yɨ̀ ra kpé, àma ngaa ꞌo ꞌdɨ̀vɨɨ lé díká kʉ.

Àrɨ̀yɨ̀kʉ eꞌyo àmanɨ vɨɨ ɨnɨ àmá ꞌo alè Kristo awo vɨɨ yɨ̀, àrɨ̀yɨ̀kʉ àma àtì ra, kɨ̀nɨ̀ ꞌba àlʉ drà ꞌba drɨ́á eꞌyo yɨ̀ nɨ̀. Díká vɨɨ ɨ̀ce kɨ́nɨ̀ ꞌba drɨ́á òdra pàbaa ɨ̀ndɨ̀.