လုကာ 6ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

တစ်ခြားချောင်ငဲ့ဝါ ပိတ်ဘွေတွက်။ တစ်လောက်ကာနိုးပုဝါ နောင်နိဝါဟောအပိတ်ဝဲ့။ နောင်နိလော့အပိတ်လော့ကာ ဘူးနောက်လော့တဲ့၊ လှုန့်လော့တဲ့၊ ဗိုန်းအုံ နောင်နိအိတ်ဒိတ်ကာ အထည့်ပိတ်ဝဲ။ နောင်နိလော့အပိတ်ငဟော့ရှို့လောက်ကာ နောင်နီဝါဟော ဘုရားရှင်လော့ ပြန်လော့တဲ့အပိတ်ငဟော့ အခေါင်းလအယ်" သိမ်အမိန့်တော်မူတို့။

တစ်လောက်ကာနိုး ချောင်ပွယ်ဝလော့ ယစိတ်နှလုံးငါဟော့ ပွယ်ဟော့ဝဲ့နိုး အမော့ကြောင်းငို အပွယ်ငဟော့နိုး ယနိစိုင်းဟယ်။ ပွယ်ငှားငဟော့ချောင်ငဲ့လော့ ယစိတ်နှလုံးသားဝါဟော့ ပွယ်ငှားဟော့နိုး အမော့ကြောင်းငို အပွယ်ငှားငဟော့ ယနိစိုင်းဟယ်။ နီကြောင်းငို ချောင်ငဲ့လော့ အဟောက်ငဟော့အရာငဟော့ ယနိစိတ်ဒိတ်ကာအမော့ငဟော့ အရာဝဲ့ငဟော့ အပြတို့" သိမ်အမိန့်တော်မူတို့။

နီကြောင်းငို နောင်းနိငဟော့ ရန်သူဝဲ့ဝါ မေတ္တာတောက်လော့တဲ့ ယနိအတောက် အပေါ်ငဟော့စိုင်းဘွေ။ ပြန်လော့လအာဝဲ့သိမ် ခင်းငှားတစ်အုံ ပူးဘွေ။ တစ်လောက်ကာနိုးပုဝါ နောင်နိလော့အလအာဝဲငဟော့ ဆုလာဘ်ငဟော့ အလင်းဝဲဖြစ်လော့တဲ့ အမြင့်ဆုံးဖြစ်ဟော့ ဘုရားရှင်စိုးအနော်ဝဲ့အဖြစ်လူးဝဲ။ ဘယ်သိမ်ကြောင်းငိုဝေါနိုးပုဝါ ကျေးဇူးမှတ်ငှားဟော့ချောင်လော့ ပေါတ်ငှားဟော့ချောင်ငဲ့ဝါပ မတ္တာအတောက်ကြောင်းငိုအဖြစ်။

နောင်းအပေါ်ဝါ နောင်းပအောင်ဘုရားရှင်လော့ မေတ္တာအတောက်လှောက်ကာ ယပွှေးအပေါ် ဝါဟော မေတ္တာတောက်ဘွေတွက်" ဟုအမိန့်တော်တို့။

ခုတ်ဝေါတ် ကိုယ်တော်လော့ "အခြား ချောင်ပေါတ်နောတ်ငဟော့ စီရင်ဝဲတွက်၊ တစ်လောက်ကာနိုးပုဝါနိုး စီရင်ခြင်းငဟော့ အခေါင်းလအယ်ဆိတ်လ။ အရာပေန်းနောတ် အပြစ်တောင်ဝဲသိ၊ တစ်လောက်ကာနိုး ဘုရားရှင်လော့နောအပေါ်ဝါ အပြစ်တောင်ငဟော့ခေါင်းလ လသိ။ အရာချောင်ငဲ့ ငဟော့ခွင့်လှို့ဘွေတွက်၊ တစ်လောက်ကာနိုပုဝါနိုး ဘုရားရှင်လော့ဟော့ နောင်းနိအပေါ်ဝါ ခွင့်လှို့ငဟော့ အခေါင်းအောင်လအယ်။

ကိုယ်တော်ယေရှုလော့ ဆက်လက်လော့တဲ့ "တူဝါ ဟင်ဟော့ချောင်ငဲ့ဝါ ကေ့ကဟောက်ဝဲ။ နောင်နိရန်တူငဟော့ မေတ္တာတောက်ဘွေတွက်။ နောင်းနိအမှန်းငဟော့ချောင်ငဲ့ဝါဟော့ အဘွေငဟော့စိုင်းပိတ််ဘွေတွက်။ နောင်ဟော့အဆော့ဟော့ချောင်ငါဟော ဘုရားရှင်လော့ ပွယ်ဟော့ဟင်ရှေလော့သဲ့မျက်နှာသာ အပိတ်ကိုင်းဆုတောင်းပိတ်ဘွေ့။ နောင်ငါ နှိုက်ရက်စက်ဟော့ချောင်ငဲ့ယာဟော ဆုတောင်းပိတ်ဘွေ့။

နောင်အပေါ်ဝါ ယ​ပွှေးလော့ အဆက်ဆံအံရှောက်ငှူးလှောက်ကာ ယ​ပွှေးယာဟော့နောင်းလော့ဆက်ဆံအံပိတ်ဘွေ့။

ပေန်းနောတ်လော့ နောင်းမျှန်းစာန်ဖာက်(ခ်)ကော့ အဘေ့ကနို အရာဖာက်(ခ်)ကော့ဟော့ ဘေ့ရှောက်ဘွေ့။ ပေန်းနောတ်လော့ နောင်အပေါ်ဝါဟော့အောင်းကျီအတုန်းအုံကနို နောင် အကောဝါဟော့အောင်ကျီဟော့ပိတ်ဘွေ့။ နောင်းငှာအတုန်းအုံလူးဝဟော့ အားလုံးပိတ်မာက်ဘွေ့။ ပေါတ်နောတ်လော့နောင်းပစ္စည်းဥစ္စာဝဲ့လောင်းအောင်ဟော့ ချောင်ငဲ့ငှာဟော့ဟော ပြန်လော့တုံအုံဘော်ဝိုင်းသိ။

ခုတ်ဝေါတ်ကိုယ်တော်လော့ "အပေါတ်ငဟော့ ထိန်းလော့ အပေါတ်ငှားငဟော့ အထိုက်ငဟော့ ထိုက်ယလောက်ကာ အပေါတ်ငှားငဟော့ ထိမ်းလော့ဟော အထိုက်ပေါတ်ငဟော့ထိုက်ခုဝဲဆိတ်လ။

အထိုက်ငဟေ့တိုင်အလော့တဲ့ အရုံးငဟော့ အမှတ်ခု။ ဘယ်သိမ်ကြောင်းငိုဝေါနိုးပုဝါ အလှိုမ်ဒိတ်ကာဟော့ ဘယ်ဘီထိုက်ငဟော့ ချီခုဝအွက်လော့ကာ ဘယ်ဗိန်းစိတ်ကာဟော့ စပျစ်ထိုက်ငဟော့ဟော့ ချီခုဝအွမ်။