Popular Bible Verses from Байбихьи 18

ಹಂಚಿಕೊಳ್ಳಿ

БЕТӀЕРГЬАНАСДА хӀалкӀолареб щибниги жо бугебищ? Дица абураб заманалда, ичӀго моцӀидасан, тӀадвуссине вуго Дун духъе, гьебмехалда Сарал кодов вас вукӀине вуго».

Гьединлъидал релъи бачӀун, гьелъ пикру гьабуна: «Гьанже дун тӀуян херлъараб мехалъ гьединаб рохел щвеларищха дие! Дир бетӀергьанчиги херлъун вугелъул», – абун.

Ибрагьимидасан лъугьине бугелъулха кӀудияб ва гучаб халкъ. Дунялалъул киналго къавмазе баракатги щвезе бугелъул Ибрагьимидасан.

Цинги, Гьесда аскӀовегӀан къан, Ибрагьимица абуна: «Квешал чагӀазда цадахъго божи-иманалъул чагӀиги хвезарилищха Дуца? Нагагь гьеб шагьаралда ватани кӀикъоялда анцӀго муъминав чи, гьев кӀикъоялда анцӀгоясе гӀологӀаги гурхӀел-цӀоб гьабичӀого, гьеб шагьар тӀагӀине гьабилищха Дуца?

Цинги БЕТӀЕРГЬАНАС жаваб кьуна: «Содомалда Дида кӀикъоялда анцӀго муъминчи ватани, гьезие гӀоло Дун гьеб шагьаралда гурхӀила».