Иоанн 15ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Мон – виноградонь почксь, а тинь – тараткятне. Кие Монь эсон и Монга эсонзан, ся максы лама иможда. Моньфтомон тейнть мезевок аф тиеви.

Уледа Монь эсон, Монга улян тинь эсонт. Кода тараткясь почкфтома сонць аф канды имошт, стане тиньге аф канттада имошт, кда аф ульхтяда Монь эсон.

Кда тинь ульхтяда эсон и Монь валневок улихть тинь эсонт, эста Алязень кядьста анада, мезе мяленте, и максови тейнть.

Аф тинь Монь кочкамасть, а Мон тинь кочкадязь и путодязь тяфтама тевонь тиема: молемс и кандомс имошт, конат мзярдонга аф юмайхть. И эста Алязе макссы тейнть семботь, мезе анатада Монь лемсон.

Мзярда кивок путсы эсь эряфонц ялганзон инкса – тяда оцю кельгома аф эряй.

Сон керсы эрь тараткязень, кона аф канды имошт; а эрь иможень канды тарадста керсы аф эрявиксть, тяфта ароптозь лезды тейнза сяда пяк иможиямс.

Вага Монь кошардомвалозе: кельгода фкя-фкянь, кода Мон кельктядязь тинь.

Алязень иневалдоц няфтеви сянь эса: кда тинь канттада лама иможда и ульхтяда Тейне тонафникс.

«Мон афкуксонь виноградонь кусторксан, а Монь Алязе – виноградонь перень касфты.

Кие аф ули эсон, сянь ёрдасазь тарад лаца, и коськи. Тяфтама тараттнень кочкасазь и ёрдасазь толти, и синь палыхть.

Тянь Мон азыне тейнть, улеза эсонт Монь кенярдемазе, и пяшкодеза марнек седиенте кенярдемада.

Ванфтондярясасть кошардомвалнень, карматада эряма Монь кельгомасон, кода Монга ванфтыне Алязень кошардомвалонзон и эрян Сонь кельгомасонза.

Вов кодама кошардомвал азан тейнть: кельгода фкя-фкянь».

Кда тинь улеледе тя масторлангонь ломаттнень лаца, тя масторлангсь кельголедязь тинь, кода эсензон. Но тинь ни аф синь лацостада – Мон тинь кочкадязь тя масторлангста, сяс масторлангсь прокс аф кельктядязь.