Phŭn Blŭng 49ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Gai jr̂a pơtao bĭ đuĕ mơ̆ng Yuđa ôh, Djuoi Yuđa ti wai-lăng hayoh, Khă tơl Silô tơl r̂ai, Jr̂ŏng nŭn tơgr̂ư̆ sô̆n-sat ti ngư̆ tui ñu.

«Yôsep hla ti lie glai, Hla ti lie glai dŏ jĕ hơlâo ia, Hla ti nă lie dŏ mơ̆ng kŏ čĭ. Môt ayăt bơblah hr̂ŏm Yôsep kơtang, Gơñu ngă set ñu, Gơñu pơnah ñu mơ̆ng hr̂ă.

Plai ngan Yôsep hơlĕñ, Hr̂ă ñu hơđŏng, R̂ai mơ̆ng ngan Ơi Adai kơtang, Ñu Yang Yakô̆p, Ñu r̂ăk-r̂em Israel hla ti pô čiă triw, Ơi Adai yơh bohtâo môt Israel ing. Ơi Adai Yang ma ih ñu ti dŏng ih, Ơi Adai Yang Kơtang Hloh ñu ti pha br̂ơi ih klơi nŭk-nua, Ñu ti pha br̂ơi ih, Ia jan lĕ mơ̆ng adai dih, Dăp ia bluh đĭ mơ̆ng đah tul kơnah, Wŏt nă čo lô dăp ia sâo mĭ gơñu hiam he mơ̆n.

«Ơ Yuđa, yŏng dơi ih ti pơ-i-bli ih, Ngan ih ti mă tơkoi môt ayăt ih, Nă-bă ha ma hr̂ŏm ih ti bon ti năp ih mơ̆n. Yuđa hla ti nă mông dŭl dơdăm, Ơ nă, ih glaĭ r̂ai mơ̆ng mă ƀŏng čĭm. Ih bon tr̂ŭn, Ih pĕt hla ti mông dŭl, Lơi ti khĭn nao r̂âo ih?

«Ơ Ruƀên, ih nă phŭn kâo, Ih yơh a pơpôn hlâo mơ̆ng r̂ăng pah kâo dŏ gơjăl, Ih hla ti dai nuăl dr̂oh đĭ pah kâo dŏ kơtang. Ih yơh ngă pr̂ŏng hloh mơ̆ng r̂ăng, Wŏt ih kơtang-kơtĭt hloh mơ̆ng r̂ăng mơ̆n. Nêne dŏng ih bĭ hloh mơ̆ng r̂ăng dŏng tah, Yua ih hla ti ia kơpr̂oh a bĭ anăm kr̂ĭ lôi, Ih đĭ đih hr̂ŏm bơnai kâo, Nŭn ih đĭ ngă pơset lôi gr̂e ma yơh.