Matius 15ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Eke, henendawima en wenggelogo baluk, henelagapma en wulu wandiga ako vaga weyagat okhinivisiga. Henendawima en weyak ogarup ombasagwi inim, ap watwis inim, ap ogwa werek hwa agun werek hegek ogasagwi inim, wanggis welagwi inim, enonggop welagwi inim, huluk wene enovaga biselagwi inim, mbidarogo biselagwi inim, ako andi, henendawima enat wilisiga atma

Henelagapma nelagwi menda andi vaga weyak okhinivisigadek. Ata, weyak menda wenggelogo baluk henelagapma en wulu wandiga ako vaga adigat weyak okhinivisiga.”

‘It avakwa yi, enane vaga An ninis adup ogasagwi ovara, enendawi andi, An ninim adumu erogo agarwik o. It yugareralagwi andi, avakwa enane yerogo ogagu dogop yagalagwi ako adigat yugareralagwi atma, enam warogo An ninis siyabanilagwi o,’ yiluk yagagi ako andi, hit yi ogagu hiniselok, at yagagi higi o,” yugeragagi.

Yugugu lagagimu, Yesus en, “Hwa yi wai. Hat avyarat nembeten ako andi, mondok iya adigat atma, hat hendawi hogop embeten ako wane-wane-at okbagaliga,” ao yugugu hegek, at eyak idup ako mondok segat agagi.

Iri lagagimu, hwa ako wagya lagagirik, avema seve yiluk inis siyabagya dugwit, “Ai, Nasin. Sek okbanin o.” Yugugu lagagimu, Yesus en, “It avyak-mariduk enagarom ininggimu en, haurogo yangge napwak yiluk wogerelagwidek.” Yugugu lagagimu, hwa akoen, “Anderogo ovara Nasin o. At eyangge werek akoen mbanggu ndalek vaga erom ninggya hegek, enggen lisilogo avema wambisiga andi, it yangge-at nelagwi o,” yiluk, yugogogi.