ಮಾರ್ಕ 5ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

ತದೆ ಯೇಸುನೆ ಇನ, “ಛೋ಼ರಿ, ತಾರಿ ವಿಶ್ವಾಸ್‌ಥೀಸ್ ತುನ ಅಛ್ಛು಼ ಹುಯೂತೆ. ಸಮಾಧಾನ್‌ಥಿ ಜಾ಼, ತುನ ಬಿಜು಼ ಪಾಛು಼ ಯೋ ರೋಗ್ ಖ್ಹತಾವ್‌ಶೆ ಕೊಯ್ನಿ” ಕರಿ ಬೋಲ್ಯೊ.

ಹಿಜ್ಜಾ಼ ಭಾರ ವರಖ್ಹ್‌ಥು ಮುಟ್ನು ರೋಗ್‌ಥೀತೆ ಏಕ್‌ ತಯೇಡ ಥಿ. ಯೋ ಕೈಯೆಕ್ಕಿ ವೈದ್ಯಕನ ದೆಖಾಡಿತೋಬಿ ಘಣು ಲತಾಡ ಪಡಿರ‍್ಹೀಥಿ. ಥೂತೆ ಖ್ಹಾರು ಇನೆ ಖರ್ಚಿ ಕರಿತೋಬಿ ರೋಗ್‌ ಜಾ಼ಖ್ಹತ್ ಹುಯು ಪಣ್ಕಿ ಶಾತ್ಬಿ ಫಾಯಿದೊ ಕೋ ಹುಯುಥೂನಿ.

ಛೀಮ್‌ತಾಸ್‌ ಇನ ಲ್ಹೊಯಿ ಝ಼ರಾನು ಭೀರಿಗಯು; ತದೆ ಇನೆ, ಇನ ಖ್ಹತವ್‌ಕರ್ತುಥೂತೆ ರೋಗ್‌ ನಿಕ್ಳಿಜೈ಼ನ್ ಅಛ್ಛು಼ ಹುಯಿಗಯು, ಕರಿ ಇನು ಯೋಸ್‌ ಮಾಲುಮ್‌ ಕರೀಲಿದಿ.

ಯೇಸುನೆ ಯೋ ಛೋ಼ಕ್ರಿನೊ ಹಾತ್ ಧರೀನ್, “ತಲಿಥಾಕೂಮ್” ಕರಿ ಬೋಲ್ಯೊ. ಇಮ್‌ ಕತೊ “ಅಡ್ಡಾಣಿ ಛೋ಼ಕ್ರಿ, ಮೇ ತುನ ಬೋಲುಕರುಸ್ ಉಪ್ಪರ್ ಉಟ್” ಕರಿ.

ಯೇಸು ಹಿಜ್ಜಾ಼ ಬಿಜೂ಼ಬಿ ವಾತೆ ಬೋಲುಕರ್ತೊಥೋತೆ, ಎತ್ರಾಮ ಮಂದಿರ್‌ನು ಅದಿಕಾರಿ ಭಣಿವಾಳು ಹಿಜ್ಜಾ಼ ಐನ್, “ತಾರಿ ಛೋ಼ರಿ ಮರಿಗೈ. ಅಜು಼ ಗುರುನ ಖ್ಹತಾವ್ ನಕೊ?” ಕರಿ ಬೋಲ್ಯು. ಇವ್ಣೆ ಬೋಲ್ಯುತೆ ವಾತೆನ ಯೇಸುನೆ ಮಜು಼ರಸ್ ಕರ‍್ಯೊಕೊಂತೆ ಮಂದಿರ್‌ನು ಅದಿಕಾರಿನ, “ಡರ್‌ನಕೊ, ಖಲಿ ವಿಶ್ವಾಸ್ ರ‍್ಹವಾದೆ” ಕರಿ ಬೋಲ್ಯೊ.

ಶನಕತೊ, “ಏ ಭೂತ್‌, ಅನ ಮ್ಹೆಂದಿನ್ ಭಾರ್‌ ನಿಕಳ್” ಕರಿ ಯೇಸುನೆ ಅಗಾಡಿಸ್ ಬೋಲಿರಾಖ್ಯೊಥೊ, ಇನಾಖ್ಹಾಜೆ ಇನೆ ಇಮ್‌ ಬೋಲ್ಯುತೆ. ಅಜು಼ ಯೇಸುನೆ ಇನ, “ತಾರು ನಾಮ್ ಶಾತ್?” ಕರಿ ಪುಛಾ಼ವಖ್ಹತರ್, “ಮಾರು ನಾಮ್ ಝೂ಼ಂಡ್‌, ಶನಕತೊ ಹಮೆ ಢಿಂಡ್‌ಪಾಳಸ್ ಛಿಯ್ಯೆ಼!” ಕರಿ ಬೋಲ್ಯು.