ಮತ್ತಾಯ 13ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

ಏಕ್‌ ಜ಼ಣೊ ವಚನ್ನ ಖ್ಹಮ್‌ಜಿನ್‌, ಇನ ಪರ್ಖಿಲಿನ್‌, ಯೋ ಖ್ಹೋಯೆತ್ರು, ಅಜು಼ ತೀನೀಖ್ಹ್‌ಎತ್ರು, ಬಿಜು಼ ಥೋಡು ಡೋಡಿಖ್ಹ್‌ಎತ್ರು ಫಲ್‍ದೇಸ್. ಯೋಸ್‌ ಅಛ್ಛಿ ಝ಼ಗೊಮ ಪಡ್ಯುತೆ ಪಂಡು ಹುಯಿರ‍್ಹೋಸ್ ಕರಿ ಬೋಲ್ಯೊ.

ಏಕ್‌ ಜ಼ಣೊ ವಚನ್ನ ಖ್ಹಮ್‌ಜುತೋಬಿ, ಆ ಜಗತ್ನಿ ಪಶ್ತಾವ್ಣಿ ಅಜು಼ ಧನ್‌-ದೌಲತ್‌ಪರ್‌ನಿ ಪ್ಯಾರ್ ಯೋ ವಚನ್ನ ದಾಬಿನಾಖಸ್‌, ಇನಖ್ಹಾಜೆ ಯೋ ಫಲ್ ಕೋದೇಯ್ನಿ. ಆಸ್ ಕಾಟಾನ ಝಿಕ್ರಾನು ಝ಼ಗೋಪರ್ ಪಡ್ಯಾತೆ ಪಂಡು ಹುಯಿರ‍್ಹುಸ್‍.

ಪರ್‌ಲೋಕ್ ರಾಜ್ಯನಿ ಖಬರ್‌ನ ಖ್ಹಮ್‌ಜಿನ್‌, ಪರ್ಖಿ ನಾಲಿದುತೊ, ಶೈತಾನ್‍ ಆಯಿನ್, ಯೋ ಅದ್ಮಿನ ಮನ್‌ಮ ಪಡ್ಯುತೆ ಇನ ಕಾಡಿನಾಖಸ್‌, ಆ ಅದ್ಮಿಸ್‌ ಪಂಡಾ ಪಡ್ಯುತೆ ವಾಟ್ನಿ ಶೇಡೆನು ಝ಼ಗೊ ಹುಯಿರ‍್ಹುಸ್‍.

ಏಕ್‌ ಜ಼ಣೊ ವಚನ್ನ ಖ್ಹಮಜ಼್‌ತಾಸ್‌, ಖ್ಹುಶಿಥಿ ಇನ ಮಾನಿಲೇಸ್; ಕತೋಬಿ ಜ಼ಡ್‌ಕೊಂತೆ ಇನಖ್ಹಾಜೆ ಯೋ ಖಲಿ ಥೋಡುಸ್ ದನ್ ರ‍್ಹೇಸ್ ಶನಕತೊ ಇನ ಜ಼ಡ್‌ಕೊಂತೆ ಇನಖ್ಹಾಜೆ ಯೋ ಥೋಡಹಗಾಮ್‍ ಖಲಿರ‍್ಹೀನ್ ಯೊ ವಚನ್ನಖ್ಹಾಜೆ ಖ್ಹತಾಪ್ಣಿ ರ‍್ಹವೊ ಲತಾಡ ರ‍್ಹವೊ ಆಯೂತೊ ಒಗ್ಗಿಸ್ ಠೊಕ್‍ರೈ ಪಡಿಜಾ಼ಸ್‌. ಆಸ್ ಪಂಡಾ ಪಡ್ಯುತೆ ಬಂಡಾನಿ ಜ಼ಮೀನ್ ಹುಯಿರ‍್ಹುಸ್‍.

“ಸೊರ್ಗನು ರಾಜ್ಯ ಅಮ್ ಹುಯಿರ‍್ಹೂಸ್. ಕಿಮ್‌ಕತೊ, ಏಕ್‌ ಜ಼ಣಾನೆ ಖೇತರ್‌ಮ ಲಪಿರ‍್ಹೂತೆ ನಿಧಿನ ದೇಖಿನ್‌, ಇನ ಪಾಛು಼ ಖೇತರ್‌ಮಾಸ್‌ ಖೋಂದಿ ಘಾಲಿದೀನ್‌, ಇನೇಥಿ ಘಣು ಖ್ಹುಶಿಹುಯಿನ್ ಜೈ಼ನ್‌, ಇನಾಕನ ಥೂತೆ ಖ್ಹಾರುಸ್‌ ವೇಚಿನಾಖಿದೀನ್‌, ಆಯಿನ್ ಯೋ ಖೇತರ್‌ನ ಮೋಲ್‌ಲೀಲಿದೊ.

ಕತೋಬಿ ಅಜು಼ ಥೋಡ ಪಂಡಾ ಅಛ್ಛಿ ಜ಼ಮೀನ್‌ಪರ್‌ ಪಡೀನ್, ಫುಟೀನ್, ಪಂಡು ಮ್ಹೇಲ್ಯು; ಥೋಡು ಖ್ಹೋ ಪಂಡಾಎತ್ರು, ಥೋಡು ತೀನಿಖ್ಹ್‌ ಪಂಡಾಎತ್ರು, ಥೋಡು ಡೋಡಿಖ್ಹ್‌ ಪಂಡಾಎತ್ರು” ಮ್ಹೇಲ್ಯು.

ಇನಖ್ಹಾಜೇಸ್ ಖ್ಹುಗ್ಗೀನು ದನ್ ಆವಾತೋಡಿ ಭೇಬಿ ಜೋ಼ಡ್ಮಾಸ್ ಫುಟಾದೆ. ಖ್ಹುಗ್ಗೀನ ದನ್ಮ ಮೇ ವ್ಹಾಡವಾಳನ, ‘ಪಹಿಲೆ ಶತ್ತೇನ ಉಖ್ಡಿನಾಖಿನ್‌, ಇನ ಭಾರೊ ಭಾಂದಿ ಬಾಳಿನಾಖೊ, ಅಜು಼ ಘವ್‌ನ ಎಕ್ಟು ಕರೀನ್, ಮಾರಿ ಕಣ್ಗಿಮ ಭರೊ’ ಕರಿ ಬೋಲಿಶ್” ಕರಿ ಬೋಲ್ಯೊ.