ಮತ್ತಾಯ 11ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

“ಅಲಾ ಥಕಿರ‍್ಹವಾಳ, ಭೋಜೊ ಪಾಡಿರಾಖವಾಳ, ತುಮೆ ಖ್ಹಾರು ಮಾರಕನ ಆವೊ; ಮೇ ತುಮುನ ಅರಾಮ್‌ ದೆವುಸ್‌.

ಮೇ ಹಂಕಾರ್‌ಭರ‍್ಯೊ ಕಾಹೆ ಅಜು಼ ಕೌಳೊ ದಿಲ್‌ವಾಳೊ ಹುಯಿರ‍್ಹೋತೆ ಇನಖ್ಹಾಜೆ, ಮಾರು ನೊಗಾನ ತುಮಾರಪರ್ ಪಾಡಿಲೀನ್ ಮಾರೇಥಿ ಶಿಕಿಲೇವೊ. ತದೆ ತುಮಾರು ಆತ್ಮಾನ ಅರಾಮ್‌ ಮಳ್‌ಶೆ.

ಶನಕತೊ ಮಾರು ನೊಗ ಪೋಲು ಹುಯಿರ‍್ಹುಸ್‍ ಅಜು಼ ಮಾರು ಭೋಜ಼್‌ ಕಮ್‍ ವಜ಼ನ್ನು ಹುಯಿರ‍್ಹುಸ್‍” ಕರಿ ಬೋಲ್ಯೊ.

“ಮಾರೊ ಬಾ ಮನ ಖ್ಹಾರುಸ್‌ ಮಾರ ಹಾತ್ಮ ದೀರಾಖ್ಯೊಸ್. ಬಾನ ಮ್ಹೆಂದಿನ್ ಕೋಣ್‌ಬಿ ಛಿಯ್ಯಾನ ಮಾಲುಮ್‌ ಕರಿರಾಖ್ಯುಕೊಯ್ನಿ, ಅಜು಼ ಛಿಯ್ಯಾನ ಮ್ಹೆಂದಿನ್ ಕೋಣ್‌ಬಿ ಬಾನ ಮಾಲುಮ್‌ ಕರಿರಾಖ್ಯುಕೊಯ್ನಿ ಅಜು಼ ಛಿಯ್ಯೊ ಬಾನ ಕಿನ ವತಾಳ್ಣುಕರಿ ಆಖ್ಹ್‌ಕರಾಸ್ಕಿ, ಇವ್ಣೆ ಬಾನ ಮಾಲುಮ್‌ ಕರಿಲಿಶೆ.

ಯೇಸುನೆ, “ಜೈ಼ನ್‌, ತುಮೆ ಶಾತ್‌ ಖ್ಹಮ್‌ಜ್ಯ ಅಜು಼ ದೇಖ್ಯಾಕಿ ಇನಿ ಬಾರೇಮ ಯೋಹಾನ್ನ ಬೋಲೊ: ಕಾಣಾವ್ನ ಡೋಳಾ ಆವ್‌ಶೆ, ಲಂಗ್ಡು ಖ್ಹಾರು ಚಾ಼ಲ್‌ಷೆ, ಖೋಡ್‍ ರ‍್ಹವಾಳು ಪಾಕ್‌ ಉಶೆ, ಭೈರಾವ್‍ನ ಖ್ಹಮ್‌ಜಾ಼ವ್‌ಶೆ, ಮರಿಗಯುಹುಯು ಜಿವ್ತು ಉಟ್‌ಶೆ, ಅಜು಼ ಗರೀಬ್‌ನ ಸುವಾರ್ತೆ ಬೋಲಾವ್‌ಶೆ.

ಖ್ಹಮ್‌ಜಾ಼ನ ಕಾನ್‌ ರ‍್ಹವಾಳು ಖ್ಹಮ್‌ಜಾ಼ದೆ!