Matta 24ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Me tinimsa kwalakwala ma sokǝn kwang, yauta ɓeta ta kǝ tom ɗǝlɗǝl, pa yaa yǝ nǝɗsǝ kwakwa a ko a feɗefeɗe ya, kiyǝ taa kon nkweera wa.

Pa ɓaakǝ nkee mara kwalari u kuɓsutu a liura wa a put taandi wa nsaad, me a tom mbu maa a ɓeta ni, pa feɗefeɗe a wo.

Sǝkǝ kura kisa, ma maatamse a ɗuura kisa ra ɓol ɓol, pa sǝ kong nik senta saa wa ra. Tommon ɗaɗ, mbusǝsa a tommo, pa feɗefeɗe wo sundu ra.

Putu kǝ nik kito ma ate putu ya, ɗǝm kuɓsutu kǝ nik kito ma ate kuɓsutu ya. Ɓaa kǝ tom ɗoora ma nyaa putu wa a hantamse ɓol ɓol. Nsaad susu ǝn ntiiri kongsa wa kweɗ.

Liura ma put taandi wa kǝ talǝ, pa mara na a pǝta talo ra.

Me ɓeta dem kǝ wo a ɗǝnda na, ɓǝn nkee me, ‘Nǝn Almaseho,’ ɗǝm ɓǝkǝ nlaa ɓeta dem.

“Pa kǝɓǝsǝ na a nema ɓeta sa, ɓaa sǝ na kongsa, ɓaa sǝ toɗɗo, ɗǝm putsa nsaad ɓǝ kǝsǝ mbisi me a ɗǝnda na. A fer siso ɓeta dem ɓǝkǝ kǝrtǝ a na ɓongto ɓoso wa, ɓǝkǝ fang ɓaatǝ ɗǝm ɓǝ mbisi ɓaatǝ. Pa ɓannawanto para ɓa, ɓǝkǝ fiɗ dem ɓǝ nlaa ɓeta dem.

Yeso yǝɓǝ kak me, “Sǝ nhii nwaa tom atike yǝsǝ nlaa ra.

Me maaso, sase kǝn sǝ kaɗ ma waroo, me Au Ete ya kiya wo, a fer sǝ ti senda ra wa.

“Me maaso, sǝ tom a waroo, me sǝ maa a kaa na ɓa Ankundi yaase kiya wo ɓa ra.

“Pa yaake sem kǝn yǝ maasǝ fersiso ma kaa ɓisa wa ra, hana ɓantimira a liura ɓa, hanan Au kaya ra, pa ǝn Paapa fin maɗ.

Me Almaseho para sa, ma ɓannawanto para ɓa, ɓǝkǝ wo ɓǝ tom mbusa kwang u nhiinyanhiinya u weɗara wa, me ɓǝ nlaa ɓeta hana ma ɓet ɓaa tau ɓǝsǝ ɓa, me kǝ tommo.

Nga yǝsǝ a fer Nuhu wa, maaso kaa tom a wo Au Ete ya wa. A fer mbraa tufana wo sundu ra wa, ɓeta ɓaa seyo ma weeyo, ɓǝn kon toona, ɗǝm ɓǝn na toona ɓaa ɓǝ kono, a wo a kaa Nuhu yǝ kansǝ a kurnyaamo wa, pa ɓǝ maa mbu ka ra, ndub a fer mbraa tufana wosǝ wa, ǝɓǝ too nsaad yaa faɗsǝ. Maaso ka tom wa, a fer Au Ete ya kiya wo wa.