Паволонь сёрмазо Римев 8ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Минь содатано: весемесь велявты парокс сетненень, кить вечксызь Пазонть, ды конатнень Сон тердинзе Эсь мелензэ-арсеманзо коряс.

Мон кеман: мезеяк – куломаськак, эрямоськак, ангелтнэяк, менелень лия прявтнэяк, вийтнеяк, неень пингеськак, сыця пингеськак, верце вийтнеяк, алце вийтнеяк ды Пазонь кодамояк лия теевксэськак – а явсамизь минек Пазонь вечкеманть эйстэ, кона тенек невтезь минек Христос Иисус Азоронть вельде!

Ды тесэ Оймеялтось сы тенек лездамо: эдь минь лавшотано ды а содатано, кода эряви тенек озномс. Сестэ Оймеялтось Сонсь озны-энялды минек кисэ кувсематнесэ, конат а ёвтавить валсо.

Мезе эно ёвтамс весе тень коряс? Бути Пазось минек кисэ, сестэ кинь ули виезэ аштемс минек каршо?

Истя, сетнень, кить Христос Иисус марто вейсэндязь, эрить аволь колазь обуцянть коряс, а вана Оймеялтонть коряс, Пазось ней мейсэяк а судясынзе.

Колазь обуцянь бажамотне ветить куломас, Оймеялтонь бажамотне ветить эрямос ды седейоймамос.

Ансяк весе неть стакачитнестэ минь листяно ине изницякс Сень вийсэ, Кинень минь вечкевинек.

Мон кеман: минек неень шкань пиштематне мезекскак а лововить се инексчинть коряс, кона панжови тенек ды учи эйсэнек.

Кие эно минек явсамизь Пазонь вечкеманть эйстэ? Паряк, пиштемат, стакачить, пансемат, вачочи, арасьчи, пелемачи, кулома..?

Ды Пазось, кона чарькодьсынзе минек седеенек, соды, мезде арси Оймеялтось, секс мекс Оймеялтось озны-энялды Пазонь ломантнень кисэ Пазонь меленть коряс.

Весе, кинь вети Пазонь Оймеялтось, Пазонь эйкакшт.

Кить эрить эсест колазь обуцяст коряс, сеть арситькак колазь обуцяст бажамотнень коряс. Кить эрить Оймеялтонть коряс – сеть арситькак Оймеялтонь бажамотнень коряс.

Киньгак арась! Эдь Пазось эзизе жаля мик Эсь Цёранзояк, конань максызе куломас весень минек кисэ. Бути Сон максызе эсь Цёранзо, сестэ Сон миненек макссы весементь лиянтькак!

Сонсь Пазонь Оймеялтось кемевти минек седейёжонтькак: минь Пазонь эйкакштано. Ды бути минь Сонзэ эйкакштано, сестэ миненек истя жо максови Сонзэ алтавт чанстямось-баславамось. Те сюпав чанстямонть Пазось макссы миненек Христос марто вейсэ. Эдь бути минь Христос марто пиштяно-майсетяно, сестэ явсынек Сонзэ инексчинтькак.

Истямо ладсо, колазь обуцянь бажамотнень коряс эрицятне теевить Пазонть ятокс-душманокс: сынь а максыть пряст Пазонь Коенть алов, ды сыненст сон а максовияк.

Пазонь весе теевксэсь покш седейризкс марто учи, зярдо Пазось апак кекше невтьсынзе-яволявтсынзе Эсь эйкакшонзо.

Минь содатано: Пазонь весе теевксэсь те шкас кувси ды пишти прок чачтомсто ава.