Паволонь сёрмазо Римев 12ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Илядо эря истя, кода ней эрить те масторонть лангсо. Мекевланк, мереде Пазонтень полавтомс потмоёжонк, одкстомтомс превенк-содавксонк. Сестэ тынь чарькодьсынк Пазонть мелензэ: мезесь вадря, Сонзэ мельс туиця ды асатыкстэме.

Кемиця ялгат, секскак Пазонть ине седеймарямонзо кисэ энялдан тенк: максынк Пазонтень весе эсь прянк, кода эриця анокс, кона алтазь Тензэ ды тукшны Сонзэ мельс. Те улияк Пазонтень тынк оймень-седеень алкуксонь важодеманк.

Кенярдодо – тынк ули седейнежедьксэнк, стакачитнесэ цидярдодо, апак лотксе ознодо.

Иля изняво кежентень, – изник сонзэ паросо.

Вечкеде вейке-вейкенк лелянь-сазоронь лембе вечкемасо, эстеденк пек ловодо ялганк эйсэ.

Улезэ тынк вечкеманк седейстэ лисиця. Туеде зыяндонть, педядо паронтень.

Эсь ёндонк тееде весементь: эрядо ладямосо весе ломантнень марто.

Вечкевикс ялгат! Эсь кисэнк кеж илядо пандо. Кадынк те тевенть Пазонь ацирьгадомантень. Эдь сёрмадозь: «Кежень пандома тевесь – Монь, ды Мон пандсаяк, корты Азорось».

Кадык а лавшомгады тынк бажамонк паронтень; палыця седейсэ важодеде Азоронтень.

Пазонть пельде максозь чанстенть коряс мон кортан эйстэнк эрьвантень: илядо арсе эсь прядонк эрявикстэнть ламо. Мекевланк, арседе эсь прядонк апак покшкавтне, се кемеманть лувсо, конань Пазось максызе эрьвантень.

Киненьгак кеж кежсэ илядо пандо, тееде сень, мезесь паро весе ломантнень сельмест икеле.

Эрядо вейкенк-вейкенк марто ве мельсэ. Илядо уле верьга прянь кандыцякс, эрядо ялгаксчисэ истяконь ломантнень марто. Илядо покшкавтне эсь превейчисэнк.

Мекевланк, тееде истя, кода ёвтазь Сёрмадовкссонть: «Бути тонь душманот вачо, андык сонзэ, бути симемазо сась, симдик сонзэ. Истя теезь, тон пурнат сонзэ пряс палыця тонолт».

Чанстядо-баславадо тынк пансицятнень, илядо сюдо сынст, ансяк чанстядо. Кенярдодо кенярдыцятнень марто ды авардеде авардицятнень марто.

Лездадо Пазонь ломантненень, зярдо сынь арасьчисэ, ды уледе свал инжень вастыцякс.

Эрьга, невтемакс саинк рунгонть: минек сон вейке, ансяк эйсэнзэ ламо пелькст, ды эрьва пельксэнть эсензэ тевезэ. Истя миньгак: кадык минь ламонек, ансяк Христос марто вейсэндязь минь – вейке рунго, ды вейке-вейкенек марто сюлмавозь вейс, кода рунгонь башка пелькст.