Паволонь васенце сёрмазо Коринфев 15ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Вана мекс, монь вечкевикс кемиця ялган, аштеде кеместэ ды илядо шатавтово. Весе седейсэнк свал важодеде Азоронь тевсэнть, эдь тынь содатадо: тынк важодемась Азоронть икеле стяко а ёми.

Сюкпря Пазонтень, Сон кази миненек изнямо минек Иисус Христос Азоронть вельде!

Илядо ильведстеве! «Берянь ялгатне коласызь мик сехте паро обуцянтькак».

Пазонь максовт чанстенть коряс жо мон истяман, кодаман ней. Ды монень Сонзэ максовт чанстесь эзь ульне стякокс. Мекевланк, мон лия апостолтнэнь коряс вельть седе пек важодинь. Тень теизе Пазонь чанстесь, кона макссь монень вий, аволь монсь.

Кулома, косо тонь пупамо сардось? Тоначи, косо тонь изнямось?» Куломань пупамо сардось – те пежетесь. А пежетенть виезэ – Коенть эйсэ.

Кунсолодо, мон панжса тенк салавачинть: аволь весе минь кулотано, ансяк весе полавтовтано – апак учо, вейке липкестэ, зярдо зэрьксты меельце торамонь гайтесь. Сон гайгсты – ды кулозтне вельмевтевить акулыцякс-аёмицякс, а вана минь, эрицятне, полавтовтано.

Эдь кода куломась ушодовсь вейке ломань вельде, истя кулозьстэ вельмемаськак ушодовсь вейке Ломань вельде. Ды кода весе минь кулотано Адамонь кувалт, самай истя жо эрямос вельмевтезьгак ультяно Христосонь кувалт.

Эдь те минек ёмиця рунгонтень эряви теевемс аёмицякс, ды те кулыця рунгонтеньгак эряви велявтомс акулыцякс.

Эдь Христоснэнь аравтозь улемс инязорокс семс, зярс Пазось а путсынзе весе душмантнэнь Сонзэ пильге алов. Кода меельце душман, изнязь ули куломась.