Рим 12ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Тиде саманлан ида келыштаралт‚ а ушдан уэммыж дене вашталт толза. Юмын эрыкше могай, мо поро‚ келшыше да чыла шотыштат сай манын, тунам шонкален, шымлен кертыда.

Иза-шольо-влак‚ Юмын шӱм порылыкшо дене мый тендам сӧрвалем: капдам илыше, святой, Юмылан келшыше надыр семын пуыза. Тыге те Юмылан шот дене служитледа.

Ончыкылан ӱшанда улмылан куаныза‚ нелылык годым чытыше лийза‚ эре кумалза.

Осаллан шкендым сеҥаш ит пу‚ осалым поро дене сеҥе.

Икте-весыдам иза-шольо семын ныжылгын йӧратыза‚ пагалымаште икте-весыдам ончылтыза.

Тек тендан йӧратымашда поро чон гыч лектеш‚ осал деч кораҥ коштса‚ поро деке пижса.

Кертыда гын, лийме семын, чыла еҥ дене тынысын илыза.

Шергакан иза-шольым-влак‚ шкендан верч ӱчым ида шукто‚ Юмын шыдыжлан верым кодыза. Возымо: «Ӱчым Мый шуктем‚ Мый пӧртылтем», ойла Господь.

Йолагай огыл, тыршыше лийза‚ йӱлышӧ чон дене Господьлан служитлыза.

Юмын мылам пуымо порылыкшо дене чылаланда ойлем: шонкалымаштыда шкендам утыждене кӱшкӧ ида шынде‚ но шот дене, кажнылан Юмын пуымо ӱшанымаш виса дене шоныза.

Осаллан осал дене нигӧлан ида тӱлӧ‚ а чыла еҥын шинча ончылныжо мо поро, тудым ышташ тыршыза.

Икте-весе дене келшен илыза‚ ида кугешныл‚ чытен илыше-влак гай лийза, шкендам шке ушанлан ида шотло.

А «тушманет шужышо гын‚ тудым пукшо‚ йӱмыжӧ шуэш гын‚ йӱктӧ: тидым ыштен‚ тудын вуйжылан йӱлышӧ тулшолым погет».

Тендам поктылшо-влаклан порым тыланыза; ида карге‚ а порым тыланыза. Куаныше дене куаныза‚ шортшо дене шортса.

Кӱлешышт годым святой-влаклан полшыза‚ корныеҥ-влакым кумылын ончыза.

Кузе мемнан ик капыште шуко ужаш уло да чыла ужаш ик семын огеш кучылталт‚ тугак меат, шукын улына гынат, Христос дене ушнен, ик кап улына‚ а посна-посна – икте-весынан ужашыже.